അബുദാബി ബിഗ് ടിക്കറ്റ് നറുക്കെടുപ്പിൽ മലയാളി സുഹൃത്തുക്കൾക്ക് 42 കോടി
ഇന്നലെ അബുദാബിയിൽ നടന്ന ബിഗ് ടിക്കറ്റ് നറുക്കെടുപ്പിൽ ഇന്ത്യക്കാരന് ഒന്നാം സമ്മാനമായ 42 കോടി ലഭിച്ചെന്ന വാർത്ത ഏവരും ആകാംക്ഷയോടെയാണ് കണ്ടത് തന്നെ. എന്നാൽ ഇന്ത്യയിൽ ഏത് പ്രദേശമാണ് എന്ന വാർത്ത സ്ഥിരീകരിച്ചിരുന്നില്ല. ഇപ്പോഴിതാ പ്രവാസി മലയാളികളായ മൂന്ന് സുഹൃത്തുക്കൾക്ക് തന്നെയാണ് സമ്മാനം ലഭിച്ചത്.വീണ്ടും ചരിത്രം ആവർത്തിച്ചിരിക്കുകയാണ്.
അങ്ങനെ വീണ്ടും ബിഗ് ടിക്കറ്റ് നറുക്കെടുപ്പിൽ റാസൽഖൈമയിലെ മൂന്ന് മലയാളികൾക്ക് 42 കോടിയിലേറെ രൂപ (20 ദശലക്ഷം ദിർഹം) സമ്മാനം. ഡ്രൈവർമാരായ കണ്ണൂർ സ്വദേശി ജിജേഷ് കോറോത്തൻ മൂന്ന് സുഹൃത്തുക്കളായ തൃശൂർ കേച്ചരി സ്വദേശി ഷനോജ് ബാലകൃഷ്ണൻ, മലപ്പുറം സ്വദേശി ഷാജഹാൻ കുറ്റിക്കാട്ടയിൽ എന്നിവരുമായി ചേർന്നെടുത്ത ടിക്കറ്റിനാണ് സമ്മാനം ലഭിച്ചിരിക്കുന്നത്. ജോലിയില്ലാത്തതിനാൽ കുടുംബത്തെ നാട്ടിലേക്ക് അയയ്ക്കാൻ തീരുമാനിച്ചതിനിടെയാണ് അപ്രതീക്ഷിത സമ്മാനം ലഭിച്ചതെന്ന് 15 വർഷമായി യുഎഇയിലുള്ള ജിജേഷ് വ്യക്തമാക്കുകയുണ്ടായി. തുടർന്ന് ഇന്ത്യക്കാരായ രഘു പ്രസാദ്( 20 ലക്ഷം രൂപ), അനിഷ് തമ്പി (10 ലക്ഷം രൂപ) എന്നിവർക്കും സമ്മാനം ലഭിച്ചു.
എന്നാൽ കൂടെ വന്ന മറ്റൊരു ഭാഗ്യം എന്നത് താൻ കോടിപതിയാകുന്ന രംഗം നേരിട്ടു കാണാൻ ഭാഗ്യമുണ്ടായ വിജയികൂടിയാണ് ജിജേഷ്. തുടർന്ന് രാവിലെ ഭാര്യയോടും മകളോടൊപ്പമിരുന്ന് യു ട്യൂബിൽ തത്സമയ നറുക്കെടുപ്പ് കണ്ടുകൊണ്ടിരിക്കുകയായിരുന്നു. തന്റെ 041779 എന്ന ടിക്കറ്റിനാണ് ഒന്നാം സമ്മാനം എന്നറിഞ്ഞപ്പോൾ യഥാർഥത്തിൽ കണ്ണുകൾക്ക് പോലും വിശ്വസിക്കാനായില്ലെന്ന് ജിജേഷ് പറയുന്നു. ഇതേതുടർന്ന് ഉടൻ തന്നെ കൂട്ടുകാരെ വിളിച്ച് വിവരം പറഞ്ഞു.
അതേസമയം തന്നെ സംബന്ധിച്ചിടത്തോളം വളരെ പ്രയാസമേറിയ മാസമായിരുന്നു കടന്നുപോയത്. യാതൊരു ജോലിയുമില്ലാതെ ഇരിക്കുകയായിരുന്നു. തുടർന്ന് കുടുംബത്തെ നാട്ടിലേയ്ക്കയക്കാൻ പദ്ധതിയിടുകയും ചെയ്തു. ഏഴ് വയുസുകാരി മകളുടെ വിദ്യാഭ്യാസത്തിനാണ് താനേറെ പ്രാധാന്യം കൽപിക്കുന്നതെന്ന് ജിജേഷ് വ്യക്തമാക്കുകയുണ്ടായി. കൂട്ടുകാരോടൊപ്പം ചേർന്ന് തുടക്കമിട്ട ആഡംബര കാറുകള് വാടകയ്ക്ക് നൽകുന്ന ബിസിനസ് ഒന്നുഷറാക്കണമെന്നും താൻ ആഗ്രഹിക്കുന്നതായും ജിജേഷ് വ്യക്തമാക്കി. ഒപ്പം ഇൗ വിജയം മറ്റൊന്നുമല്ല, അത്ഭുതം തന്നെ–ജിജേഷ് പറഞ്ഞു.
https://www.facebook.com/Malayalivartha