പ്രതീക്ഷയോടെ 9 വിമാനങ്ങള് നാട്ടിലേക്ക്... വന്ദേ ഭാരത് മിഷന്റെ ഭാഗമായി യുഎഇയില് നിന്ന് ഇന്ത്യയിലേയ്ക്കുള്ള പ്രത്യേക വിമാന സര്വീസിന്റെ മൂന്നാം ഘട്ട ഷെഡ്യൂള് പ്രഖ്യാപിച്ചു....
വന്ദേ ഭാരത് മിഷന്റെ ഭാഗമായി യുഎഇയില് നിന്ന് ഇന്ത്യയിലേയ്ക്കുള്ള പ്രത്യേക വിമാന സര്വീസിന്റെ മൂന്നാം ഘട്ട ഷെഡ്യൂള് പ്രഖ്യാപിച്ചു. ഈ മാസം 26നും 27നുമുള്ള വിമാനങ്ങളുടെ വിവരമാണ് പുറത്തുവിട്ടത്. കേരളത്തിലെ നാല് രാജ്യാന്തര വിമാനത്താവങ്ങളിലേയ്ക്ക് ദുബായ്, അബുദാബി രാജ്യാന്തര വിമാനത്താവളങ്ങളില് നിന്ന് 9 വിമാനങ്ങളാണ് പറക്കുക.
ഗര്ഭിണികള്, വയോജനങ്ങള്, ദുരിതമനുഭവിക്കുന്ന തൊഴിലാളികള്, സന്ദര്ശക വീസയില് വന്ന് കുടുങ്ങിയവര് തുടങ്ങിയവര്ക്കായിരിക്കും ഈ വിമാനങ്ങളിലും ആദ്യ പരിഗണന. നേരത്തെ ഇന്ത്യന് എംബസിയുടെ വെബ്സൈറ്റില് പേര് റജിസ്റ്റര് ചെയ്തവര്ക്കാണ് യാത്രയ്ക്ക് അവസരം ലഭിക്കുക. ഇവരെ ഇന്ത്യന് എംബസി, ഇന്ത്യന് കോണ്സുലേറ്റില് നിന്ന് വിവരം അറിയിക്കും.
ഈ മാസം 26ന് ഉച്ചയ്ക്ക് 12.50ന് ദുബായ് രാജ്യാന്തര വിമാനത്താവളത്തില് നിന്ന് കണ്ണൂരിലേയ്ക്കാണ് ആദ്യത്തെ ഐഎക്സ് 1746 വിമാനം പറക്കുക. അന്നു തന്നെ ഉച്ചയ്ക്ക് 1.20ന് അബുദാബിയില് നിന്ന് കോഴിക്കോട്ടേയ്ക്ക് െഎഎക്സ് 1348, ഉച്ചയ്ക്ക് 1.50ന് ദുബായില് നിന്ന് കൊച്ചിയിലേയ്ക്ക് െഎഎക്സ് 1540, ഉച്ചയ്ക്കു ശേഷം 3.20ന് അബുദാബിയില് നിന്ന് തിരുവനന്തപുരത്തേയ്ക്ക് െഎഎക്സ് 1538, ഇതേസമയത്ത് തന്നെ ദുബായില് നിന്ന് കോഴിക്കോട്ടേയ്ക്ക് െഎഎക്സ് 1344, വൈകിട്ട് 5.20ന് ദുബായില് നിന്ന് തിരുവനന്തപുരത്തേയ്ക്ക് െഎഎക്സ് 1540, വൈകിട്ട് 5.30ന് അബുദാബിയില് നിന്ന് കണ്ണൂരിലേയ്ക്ക് െഎഎക്സ് 1716 വിമാനങ്ങള് ദുരിതമനുഭവിക്കുന്ന മലയാളികളെയും കൊണ്ടു യാത്രയാകും.
ഈ മാസം 27ന് യുഎഇയില് നിന്ന് പുറപ്പെടുന്ന വിമാനങ്ങള്:
ഉച്ചയ്ക്ക് 12.20ന് അബുദാബിയില് നിന്ന് കോഴിക്കോട്ടേയ്ക്ക് െഎഎക്സ് 1348
ഉച്ചയ്ക്ക് 1.50ന് അബുദാബിയില് നിന്ന് കൊച്ചിയിലേയ്ക്ക് െഎഎക്സ് 1452.
എന്തൊക്കെയതും വന്ദേ ഭാരത് മിഷന്റെ രണ്ടാം ഘട്ടത്തിലെ അവസാന ദിവസമായ ഇന്ന് (23) മൂന്ന് വിമാനങ്ങള് കേരളത്തിലേയ്ക്ക് പറന്നു. ഉച്ചയ്ക്ക് 1.45ന് ദുബായില് നിന്ന് തിരുവനന്തപുരത്തേയ്ക്ക് എയര് ഇന്ത്യാ എക്സ്പ്രസ് െഎഎക്സ് 434 വിമാനം, 2.30ന് അബുദാബിയില് നിന്ന് കണ്ണൂരിലേയ്ക്കു എയര് ഇന്ത്യാ എക്സ്പ്രസ് െഎഎക്സ് 716 വിമാനം, 3.10ന് ദുബായില് നിന്ന് കോഴിക്കോട്ടേയ്ക്ക് എയര് ഇന്ത്യാ എക്സ്പ്രസ് െഎഎക്സ് 344 വിമാനം എന്നിവയാണ് ദുരിതത്തിലായ നൂറുകണക്കിന് ഇന്ത്യക്കാരെയും കൊണ്ട് യാത്രയായത്.
ഗര്ഭിണികള്, അടിയന്തര ചികിത്സ വേണ്ട രോഗികള്, വയോജനങ്ങള്, ദുരിതമനുഭവിക്കുന്ന തൊഴിലാളികള്, സന്ദര്ശക വീസയില് വന്നു കുടുങ്ങിയവര്, ജോലി നഷ്ടപ്പെട്ടവര് തുടങ്ങിയവരാണ് ഇന്നത്തെ വിമാനങ്ങളില് യാത്ര ചെയ്യുന്നു. ഇവരെയെല്ലാം വിമാനത്താവളത്തില് കോവിഡ് തെര്മല് പരിശോധനയ്ക്ക് വിധേയരാക്കി.
അതേസമയം, വന്ദേ ഭാരത് മിഷന്റെ മൂന്നാം ഘട്ട വിമാന സര്വീസ് 2 ദിവസം ഇടവിട്ട് ഈ മാസം 26നാണ് യുഎഇയില് നിന്ന് കേരളത്തിലേയ്ക്ക് ആരംഭിക്കുക. ഉച്ചയ്ക്ക് 12.50ന് ദുബായ് രാജ്യാന്തര വിമാനത്താവളത്തില് നിന്ന് കണ്ണൂരിലേയ്ക്ക് ആദ്യത്തെ െഎഎക്സ് 1746 വിമാനം പറക്കും.
"
https://www.facebook.com/Malayalivartha