കുവൈത്തിൽ പൊതുമാപ്പ്​ പ്രയോജനപ്പെടുത്താത്ത താമസനിയമലംഘകരെ കരിമ്പട്ടികയിൽപെടുത്തുമെന്ന്​ റിപ്പോർട്ടാണ് പുറത്തു വരുന്നത്. ​. ഇവർക്ക്​ പിഴയടച്ചാലും വിസ പുതുക്കാൻ കഴിയില്ല എന്നാണ് റിപ്പോർട്ടുകൾ..കുവൈത് അത്തരമൊരു നടപടിയിലേക്കു കടന്നാൽ നാടുകടത്തലിന്​ വിധേയരാവുകയായിരിക്കും ഇവർക്കു​ മുന്നിലുള്ള വഴിയെന്ന്​ സുരക്ഷാവൃത്തങ്ങളെ ഉദ്ധരിച്ച്​ പ്രാദേശിക പത്രം റിപ്പോർട്ട്​ ചെയ്യുന്നുണ്ട്. . 72 ദശലക്ഷത്തോളം ദീനാർ ഇവരിൽനിന്ന്​ പിഴ ലഭിക്കാനുണ്ട്​. അതെല്ലാം അവഗണിച്ചാണ്​ നാടുകടത്തൽ എന്ന കർശന നിലപാടിലേക്ക്​ അധികൃതർ എത്തുന്നത്​.

രണ്ടുതവണ പൊതുമാപ്പ്​ നൽകിയിട്ടും ഭൂരിഭാഗം താമസനിയമലംഘകരും ആ സംവിധാനം പ്രയോജനപ്പെടുത്താൻ തയാറാവാത്തതിനാലാണ്​ അധികൃതർ തങ്ങളുടെ നിലപാട്​ കടുപ്പിച്ചത്​. കോവിഡ്​ പ്രതിസന്ധിയും ലോക്​ഡൗണും കഴിഞ്ഞാൽ കർശന പരിശോധന നടത്തി അനധികൃത താമസക്കാരെ പിടികൂടി നാടുകടത്താനാണ്​ നീക്കം. പൊതുമാപ്പിൽ രജിസ്​റ്റർ ചെയ്​തവർക്ക്​ പിഴ ഒഴിവാക്കി നൽകിയതിനൊപ്പം നിയമാനുസൃതം പുതിയ വിസയിൽ കുവൈത്തിലേക്ക്​ തിരിച്ചുവരാൻ അനുമതിയും അധികൃതർ നൽകിയിരുന്നു

എന്നാൽ, കരിമ്പട്ടികയിൽപെടുന്നവർക്ക്​ അത്തരം അവസരം ഉണ്ടാവില്ല. ഇവരിൽ പലരും നീണ്ട വർഷങ്ങളായി രാജ്യത്ത്​ അനധികൃതമായി താമസിച്ചുവരുന്നതായാണ്​ ആഭ്യന്തര മന്ത്രാലയത്തിന്റെ വിലയിരുത്തൽ. കുവൈത്തിൽ 15 രാജ്യങ്ങളിൽനിന്നുള്ള ഒരു ലക്ഷത്തിലധികം പേർ അനധികൃത താമസക്കാരായി ഉണ്ടാകും എന്നാണു വിലയിരുത്തൽ