കേരളത്തിലേയ്ക്ക് മടങ്ങി വരുന്ന പ്രവസികള് കോവിഡ് നെഗറ്റീവ് സര്ട്ടിഫിക്കറ്റ് ഹാജരാക്കണമെന്ന നിബന്ധനയില് ഈ മാസം 25 വരെ ഇളവ്
കേരളത്തിലേക്ക് ചാര്ട്ടേര്ഡ് വിമാനത്തില് വരുന്ന പ്രവാസികള്ക്ക് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കിയ സംസ്ഥാന സര്ക്കാര് നടപടിയില് ഇടപെടാനാവില്ലെന്ന് സുപ്രീം കോടതി. വിഷയത്തില് കേന്ദ്ര-സംസ്ഥാന സര്ക്കാരുകളെ സമീപിക്കാന് പറഞ്ഞ കോടതി സംസ്ഥാന സര്ക്കാരിന്റെ നയത്തില് തങ്ങള് ഇടപെടുന്നില്ലെന്നും വ്യക്തമാക്കി.
കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കിയ സര്ക്കാര് നടപടിയെ ചോദ്യം ചെയ്ത് മുതിര്ന്ന മാധ്യമപ്രവര്ത്തകന് സമര്പ്പിച്ച ഹര്ജിയിലാണ് സുപ്രീം കോടതി നിലപാട് വ്യക്തമാക്കിയത്. ജസ്റ്റിസ് അശോക് ഭൂഷന്റെ അദ്ധ്യക്ഷതയിലുള്ള ബെഞ്ചാണ് കോടതി നിലപാട് അറിയിച്ചത്.
അതേസമയം, കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കാനുള്ള സര്ക്കാര് തീരുമാനം സംബന്ധിച്ച് ഹൈക്കോടതി കേന്ദ്രസര്ക്കാരിന്റെ നിലപാട് തേടി. വന്ദേഭാരത് മിഷനില് വരുന്ന പ്രവാസികള്ക്ക് നെഗറ്റീവ് റിസര്ട്ട് നിര്ബന്ധമാണോ എന്ന് കേന്ദ്രം അറിയിക്കണമെന്നാണ് കോടതി പറഞ്ഞിരിക്കുന്നത്. ഇതു സംബന്ധിച്ച ഹര്ജി ഹൈക്കോടതി തിങ്കളാഴ്ച പരിഗണിക്കും.
കേരളത്തിലേയ്ക്ക് മടങ്ങി വരുന്ന പ്രവസികള് കോവിഡ് നെഗറ്റീവ് സര്ട്ടിഫിക്കറ്റ് ഹാജരാക്കണമെന്ന നിബന്ധനയില് ഈ മാസം 25 വരെ ഇളവ് അനുവദിക്കാന് സംസ്ഥാന സര്ക്കാര് തീരുമാനം. 25നകം പരിശോധന സംവിധാനം ഒരുക്കുമെന്നാണ് സര്ക്കാര് പറയുന്നത്.
പരിശോധന സര്ട്ടിഫിക്കറ്റില്ലാതെ ആരും തിരികെയത്തേണ്ടെന്നുതന്നെയാണ് സംസ്ഥാന സര്ക്കാര് നിലപാട്. രോഗമുള്ളവരും രോഗമില്ലാത്തവരും ഒന്നിച്ച് യാത്ര ചെയ്താല് അത് രോഗത്തിന്റെ വ്യാപ്തി കൂടാന് കാരണമാകുമെന്നും സുരക്ഷ മുന്നിര്ത്തിയാണ് ഈ തീരുമാനമെന്നുമാണ് സര്ക്കാര് പറയുന്നത്.
നാളെ മുതല് കൂടുതല് വിമാനങ്ങള് ഗള്ഫ് നാടുകളില് നിന്ന് കേരളത്തിലേക്ക് എത്തുന്നുണ്ട്. ഈ സാഹചര്യത്തില് കോവിഡ് നെഗറ്റീവ് സര്ട്ടിഫിക്കറ്റിന്റെ കാര്യത്തില് വലിയ ആശങ്ക നിലനിന്നിരുന്നു. ഈ സാഹചര്യത്തിലാണ് ജൂണ് 25 വരെ ഇളവ് അനുവദിക്കാന് സര്ക്കാര് തീരുമാനിച്ചത്.
https://www.facebook.com/Malayalivartha