60 കഴിഞ്ഞവര്ക്ക് ഇഖാമ പുതുക്കില്ലെന്ന് കുവൈത്ത്
60 വയസ്സ് കഴിഞ്ഞ വിദേശികള്ക്ക് ഇഖാമ പുതുക്കി നല്കേണ്ടതില്ലെന്ന് കുവൈത്ത്. ബിരുദം ഇല്ലാത്ത അറുപത് വയസ്സുകാരെ ആണ് ഇത് ബാധിക്കുക. ഇവര്ക്കു മക്കളുടെയോ പങ്കാളിയുടെയോ സ്പോണ്സര്ഷിപ്പില് കുടുംബ വിസയിലേയ്ക്കോ ആശ്രിത വിസയിലേയ്ക്കോ മാറാം. ഇങ്ങനെ കഴിയുന്നവര്ക്ക് കുവൈത്തില് താമസിക്കാം എന്നല്ലാതെ ജോലി ചെയ്യാനുള്ള അനുമതി ഇല്ല. 2021ല് കാലാവധി അവസാനിക്കുന്ന ഇഖാമയാണെങ്കില് അതു പൂര്ത്തിയാകുന്നതു വരെ ജോലി ചെയ്യാം. ജനുവരി ഒന്ന് മുതലാണ് ഇത് പ്രാബല്യത്തില് വരുന്നത്.
അതിനിടെ, 1992 മുതല് 2020 വരെ 8 ലക്ഷം വിദേശികളെ നാടുകടത്തിയെന്നും കുവൈത്ത് അറിയിച്ചു. കൂടുതലും ഏഷ്യന് രാജ്യങ്ങളില് നിന്നുള്ളവരാണ്. ഈ കാലയളവിലെ കണക്കുകള് അനുസരിച്ച് തൊഴില് നിയമ ലംഘനം, കൂടാതെ വിവിധ കുറ്റകൃത്യങ്ങളില് ഉള്പ്പെട്ടവരാണ് ഇത്. അതേസമയം ഒരിക്കല് കുവൈത്തില് നിന്നും നാടു കടത്തിയ വിദേശികള് വ്യാജ പാസ്സ്പൊര്ട്ട് ഉപയോഗിച്ച് രാജ്യത്ത് തിരിച്ചെത്തുന്നത് ശ്രദ്ധയില് പെട്ടത്തോടെ അതു തടയുന്നതിനായി വിമാന താവളങ്ങളിലും അതിര്ത്തി കവാടങ്ങളിലും ശക്തമായ പരിശോധന സംവിധാനമാണ് ക്രമീകരിച്ചിരുന്നത്.
ഇത്തരം സംവിധാനങ്ങള് വഴി വ്യാജ പാസ്പോര്ട്ടുകള് ഉപയോഗിച്ച് രാജ്യത്ത് പ്രവേശിക്കാന് ശ്രമിച്ച ഇരുപത്തി അയ്യായിരത്തോളം പേരെ വിമാനതാവളത്തില് വെച്ച് പിടികൂടി നിയമ നടപടികള്ക്ക് വിധേയമാക്കിയ ശേഷം അതാത് രാജ്യങ്ങളിലേക്ക് മടക്കി അയച്ചതായും റിപ്പോര്ട്ടില് വ്യക്തമാക്കുന്നു.
https://www.facebook.com/Malayalivartha
