സലാല ടൂറിസം ഫെസ്റ്റിവല് ജൂലൈ 23 മുതല്
ഒമാനിലെ ഏറ്റവും വലിയ ഉത്സവമായ സലാല ടൂറിസം ഫെസ്റ്റിവല് ജൂലൈ 23 മുതല് ആരംഭിക്കും. ഒമാന് നവോത്ഥാന ദിനത്തോടനുബന്ധിച്ചാകും ഫെസ്റ്റിവല് ആരംഭിക്കുക. ആഘോഷം ആഗസ്ത് അവസാനം വരെ നീളും.അറേബ്യന് ഉപഭൂമിക മുഴുവന് വേനല്ച്ചൂടില് എരിയുമ്പോള് വരദാനംപോലെ സലാലയിലെ കുളിര്മയുള്ള കാലാവസ്ഥ അനുഭവിക്കാന് അയല്രാജ്യങ്ങളില്നിന്ന് നിരവധി സന്ദര്ശകര് സലാലയിലത്തെും.
ചാറ്റല് മഴയും 28 ഡിഗ്രി സെല്ഷ്യസില് താഴെ താപനിലയിലുള്ള കാലാവസ്ഥ അനുഭവിക്കാന് കഴിഞ്ഞ വര്ഷം നാലുലക്ഷം സന്ദര്ശകര് എത്തിയിരുന്നു. ഈ സീസണില് ആറുലക്ഷം പേരത്തെുമെന്നാണ് പ്രതീക്ഷ. ഈ വര്ഷം സലാല ഫെസ്റ്റിവല് രണ്ടു ദശലക്ഷം റിയാല് വരുമാനമുണ്ടാക്കുമെന്ന് അധികൃതര് കണക്ക് കൂട്ടുന്നു. ഖരീഫ് സീസണിന്റെ ഭാഗമായാണ് സലാല ടൂറിസം ഫെസ്റ്റിവല് സംഘടിപ്പിക്കുന്നത്.
ഒരുക്കങ്ങള് തുടങ്ങിയതായി സംഘാടക കമ്മിറ്റി അറിയിച്ചു. പരമ്പരാഗത കലാസാംസ്കാരിക പരിപാടികള് സംഘടിപ്പിക്കും. നിരവധി വിനോദ ഇനങ്ങളും സംഘടിപ്പിക്കുന്നുണ്ട്. ഒമാന്റെ ടൂറിസം മേഖലയെ പരിപോഷിപ്പിക്കാന് ഫെസ്റ്റിവല് ഏറെ സഹായിക്കുമെന്ന് അധികൃതര് പറയുന്നു.
കഴിഞ്ഞവര്ഷം രാജ്യത്തിനകത്തുനിന്നും യു.എ.ഇയില്നിന്നും സൗദി അറേബ്യയില്നിന്നുമാണ് ഏറ്റവും കൂടുതല് സന്ദര്ശകരത്തെിയത്. ഈ മാസം 15ന് പുതിയ സലാല വിമാനത്താവളം തുറക്കുന്നത് ഫെസ്റ്റിവലിന് കൂടുതല് സന്ദര്ശകരത്തൊന് സഹായിക്കും.
പുതിയ വിമാനത്താവളം പ്രവര്ത്തനമാരംഭിക്കുന്നതോടെ മസ്കത്തില്നിന്നും മറ്റ് അയല്രാജ്യങ്ങളില്നിന്നും കൂടുതല് വിമാന സര്വീസുകള് ആരംഭിക്കും. ഇത് ടിക്കറ്റ് നിരക്കുകള് കുറയാനും കാരണമാക്കും. റോഡ് യാത്രയുടെ ദുരിതം ഭയന്ന് ഫെസ്റ്റിവലിന് പോവാന് മടിക്കുന്നവരും സലാലയിലത്തെുമെന്ന് അധികൃതര് കണക്കുകൂട്ടുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha