കൂലി തൊഴിലാളിയില്‍ നിന്നും മിന്നുന്ന കോടീശ്വരനിലേക്ക്… ഈ മലയാളി വ്യവസായിയുടെ പതനം വിശ്വസിക്കാനാവാതെ പ്രവാസികള്‍
അറ്റ്‌ലസ് രാമചന്ദ്രനെ അറിയാത്ത പ്രവാസികള്‍ ഇല്ല. എന്തിന് അദ്ദേഹത്തെ അറിയാത്ത മലയാളികളും ഇല്ല തന്നെ. നിറ പുഞ്ചിരിയോടെ ജന കോടികളുടെ വിശ്വസ്ത സ്ഥാപനം എന്ന അറ്റ്‌ലസ് രാമചന്ദ്രന്റെ പരസ്യവാചകം വന്‍ ചലനങ്ങളുണ്ടാക്കി. അവസാനം മിമിക്രി താരങ്ങള്‍ പോലും അത് ഏറ്റെടുത്തു.
സാധാരണ കൂലി തൊഴിലാളിയില്‍ നിന്നും ഉയരങ്ങള്‍ കീഴടങ്ങിയപ്പോഴും അറ്റ്‌ലസ് രാമചന്ദ്രന്‍ വന്ന വഴി മറന്നില്ല. പാവപ്പെട്ടവര്‍ക്കും സാധാരണക്കാര്‍ക്കുമായി നിരവധി അവസരങ്ങളാണ് ഒരുക്കിയത്. ലോകത്തിന്റെ വിവിധ ഭാഗത്തായി അറ്റ്‌ലസിന്റെ പേരില്‍ സ്വര്‍ണ കടകള്‍ ആശുപത്രികള്‍ എന്നിവ സ്ഥാപിച്ചു. ഇവിടെയെല്ലാം പതിനായിരക്കണക്കിന് സാധാരണക്കാരാണ് ജോലി ചെയ്യുന്നത്.
തികച്ചും സാധാരണക്കാരനായി ഗള്‍ഫിലെത്തിയ രാമചന്ദ്രന്‍ കിട്ടിയ കാശ് കൊണ്ട് ചെറിയൊരു ഫിനാന്‍സ് സ്ഥാപനം തുടങ്ങി. അത് പച്ചപിടിച്ചതോടെ 1989-90 കളിലാണ് സ്വര്‍ണകച്ചവടത്തിലേക്ക് തിരിയുന്നത്. ആദ്യ ഷോറൂം കുവൈറ്റിലാണ് സ്ഥാപിച്ചത്. രണ്ടാമത്തെ ഷോറൂം ദുബായിലും. സ്വര്‍ണകച്ചവടത്തില്‍ പച്ചപിടിച്ചതോടെ റിയല്‍ എസ്‌റ്റേറ്റിലേക്കും ഹെല്‍ത്ത്‌കെയര്‍ മേഖലകളിലേക്കും ബിസിനസ് വ്യാപിച്ചു.
സംശുദ്ധ സ്വര്‍ണം നല്‍കി ഉപഭോക്താക്കളുടെ വിശ്വാസം പിടിച്ചുപറ്റിയ അറ്റ്‌ലസ് ബഹ്‌റിന്‍, കുവൈറ്റ്, ഒമാന്‍, ഖത്തര്‍, സൗദി അറേബ്യ, യു.എ.ഇ തുടങ്ങിയ രാജ്യങ്ങളിലായി 50 ഷോറൂമുകളാണ് കുറഞ്ഞ കാലത്തിനുള്ളില്‍ കെട്ടിയുയര്‍ത്തിയത്. തിരുവനന്തപുരത്തും, കൊച്ചിയിലും, കോയമ്പത്തൂരും അറ്റലസിന്റെ മെഗാഷോറൂമുകള്‍ സ്ഥാപിച്ചും ഒമാനില്‍ അറ്റലസ് സ്റ്റാര്‍ എന്ന പേരില്‍ ആശുപത്രിയും ദുബായില്‍ മകള്‍ നടത്തുന്ന ക്ലിനിക്ക് അറ്റലസ് സ്ഥാപനങ്ങളില്‍ ഉള്‍പ്പെടുന്നു. സ്വര്‍ണത്തിന്റെ വില നിലവാരം എല്ലാ ദിവസവും പത്രങ്ങളിലൂടെ അറിയിച്ചും 22 കാരറ്റ്, 24 കാരറ്റ് സ്വര്‍ണങ്ങളുടെ വില വെവ്വേറെ പ്രഖ്യാപിച്ചുമൊക്കെ സംശുദ്ധ വ്യാപാരത്തിലൂടെ മാതൃകയാണ് അറ്റ്‌ലസ്.
ദുബായ് കരാമയിലെ ഷോറൂമകളില്‍ 18 കാരറ്റ് സ്വര്‍ണത്തിന് 50 മുതല്‍ 60 ശതമാനം വരെ വിലക്കുറവിലാണ് വില്‍പന നടന്നു കൊണ്ടിരുന്നത്. റിയല്‍ എസ്‌റ്റേറ്റ്, ആരോഗ്യ, സിനിമാ മേഖലകളിലും അറ്റ്‌ലസ് ഗ്രൂപ്പ് നിക്ഷേപം നടത്തിയിരുന്നു.
രാമചന്ദ്രന്റെ വളര്‍ച്ച സിനിമയിലേക്കും വ്യാപിച്ചു. വൈശാലി, സുകൃതം തുടങ്ങിയ ഹിറ്റ് സിനിമകള്‍ നിര്‍മ്മിച്ചു. ആരോഗ്യമേഖലയില്‍ അറ്റ്‌ലസ് ഹെല്‍ത്ത് കെയറും റിയല്‍ എസ്‌റ്റേറ്റ് മേഖലയില്‍ അറ്റ്‌ലസ് ഗോള്‍ഡ് ടൗണ്‍ഷിപ്‌സുമാണ് സ്ഥാപിച്ചത്. അറ്റ്‌ലസിന്റെ ഉടമസ്ഥതയിലുള്ള ഒമാനിലെ ആശുപത്രി ഇപ്പോഴും നല്ലനിലയില്‍ പ്രവര്‍ത്തിക്കുന്നുമുണ്ട്. എന്നാല്‍, റിയല്‍ എസ്‌റ്റേറ്റ് മേഖലയിലെയും സിനിമാ മേഖലയിലെയും ചില തകര്‍ച്ചകള്‍ രാമചന്ദ്രനെ കടപുഴക്കിയെന്നാണ് റിപ്പോര്‍ട്ടുകള്‍.
ഗള്‍ഫ് മേഖലയിലെ മലയാളി വ്യവസായികള്‍ തമ്മിലുള്ള കുടിപ്പകയ്ക്ക് രാമചന്ദ്രന്‍ ഇരയാവുകയായിരുന്നുവെന്നും സൂചനകളുണ്ട്. റിയല്‍ എസ്‌റ്റേറ്റ് മേഖലയിലെ മത്സരമാണ് ഇതിന് കാരണമെന്നും പറയപ്പെടുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
