കുവൈത്തിലെ സര്ക്കാര് ജീവനക്കാര്ക്ക് ജോലി സമയം നാലര മണിക്കൂറായി കുറച്ചു
റമസാനില് കുവൈത്തിലെ സര്ക്കാര് ജീവനക്കാരുടെ ജോലി സമയം നാലര മണിക്കൂറായി കുറയ്ക്കുകയും ഇഷ്ടമുള്ള സമയത്ത് (ഫ്ലെക്സിബിള്) ജോലി തുടങ്ങാന് അനുമതി നല്കുകയും ചെയ്തു. രാവിലെ 8.30നും 10.30നും ഇടയിലുള്ള ഏതു സമയത്തും ജോലിയില് പ്രവേശിക്കാം. ജോലി തുടങ്ങുന്ന സമയം മുതല് നാലര മണിക്കൂര് തികച്ചാല് മതിയാകും.
ബയോമെട്രിക് (ഫിംഗര്പ്രിന്റ്) സംവിധാനം വഴിയായിരിക്കും ഹാജര് രേഖപ്പെടുത്തുക. ഈവനിങ് ഷിഫ്റ്റിലുള്ളവര്ക്കു വൈകിട്ട് 6.45നു ശേഷമേ ഡ്യൂട്ടി തുടങ്ങാന് അനുവാദമുള്ളൂ. റമസാനില് വനിതാ ജീവനക്കാര്ക്കു ജോലി തീരുന്നതിനു 15 മിനിറ്റു നേരത്തെ ഇറങ്ങാനും അനുമതിയുണ്ട്.
ഇതേസമയം കുവൈത്ത് തൊഴില് നിയമം അനുസരിച്ചു സ്വകാര്യ മേഖലാ ജീവനക്കാരുടെ റമസാനിലെ ജോലി സമയം 6 മണിക്കൂറായിരിക്കും. അധിക ജോലിക്ക് (ഓവര്ടൈം) അധിക വേതനം നല്കണം. മുസ്ലിംകള്ക്കും അല്ലാത്തവര്ക്കും സമയപരിധി ഒരേപോലെ ബാധകമാണ്. സാധാരണയായി മിക്ക സ്വകാര്യ കമ്പനികളും രാവിലെ 9നു ജോലി ആരംഭിച്ചു 3ന് അവസാനിക്കുന്ന രീതിയിലാണു സമയം ക്രമീകരിക്കാറുള്ളത്.
https://www.facebook.com/Malayalivartha
