അബുദാബിയില് മലയാളിയുടെ വധശിക്ഷ സുപ്രീംകോടതി റദ്ദാക്കി
അബുദാബിയില് ബാലികയെ പീഡിപ്പിച്ച കേസില് മലയാളിയെ വധശിക്ഷയില് നിന്ന് ഒഴിവാക്കി. തിരൂര് സ്വദേശി ഗംഗാധരന്റെ വധശിക്ഷയാണ് യു.എ.ഇ സുപ്രീം കോടതി റദ്ദാക്കിയത്. 2013 ഏപ്രില് 14ന് ഏഴ് വയസുകാരിയെ സ്കൂള് ജീവനക്കാരനായ തിരൂര് സ്വദേശി ഗംഗാധരന് പീഡിപ്പിച്ചു എന്നായിരുന്നു കേസ്. അബുദാബിയിലെ സ്കൂള് അടുക്കളയില് വച്ചാണ് പീഡനം നടന്നതെന്നും കേസില് പറയുന്നു. ഇതിനെ തുടര്ന്ന് കോടതി ഇയാള്ക്ക് വധശിക്ഷ വിധിച്ചിരുന്നു.
ആ ശിക്ഷയാണ് ഇപ്പോള് യു.എ.ഇ സുപ്രീം കോടതി റദ്ദാക്കിയിരിക്കുന്നത്. വീണ്ടും നടത്തിയ ഫോറന്സിക്ക് പരിശോധനയില് ശാരീരിക പീഡനം നടന്നിട്ടില്ലെന്ന റിപ്പോര്ട്ടാണ് ഗംഗാധരന് അനുകൂലമായത്. എന്നാല് പത്ത് വര്ഷം തടവ് ശിക്ഷ അനുഭവിക്കണം.
നേരത്തെ പ്രോസിക്യൂഷന് മുമ്പാകെ പ്രതി കുറ്റസമ്മതം നടത്തിയിരുന്നു. ഭാഷ അറിയാത്തതിനാല് പോലീസും പ്രോസിക്യൂഷനും നല്കിയ പേപ്പറില് ഒപ്പിട്ട് നല്കുകയും സമ്മര്ദ്ദം മൂലം കുറ്റസമ്മതം നടത്തുകയുമായിരുന്നു എന്നാണ് ഇദ്ദേഹം മൊഴിനല്കിയത്.
32 വര്ഷികമായി ഗംഗാധരന് അബുദാബിയിലെ ഇതേ സ്കൂളില് ജോലി ചെയ്തു വരികയായിരുന്നു. ഇതുവരേയും ഒരു കേസില് ഉള്്പ്പെൂട്ടിട്ടില്ല എന്നതും സ്കൂള് അധികൃതരും അധ്യാപകരും അനുകൂലമായി മൊഴി നല്കിയതായും ഇദ്ദേഹത്തിന്റെ വധശിക്ഷ ഒഴിവാക്കാന് സഹായകരമായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
