കോവിഡ് കാരണമുണ്ടായ രണ്ടു വര്‍ഷത്തെ ഇടവേളയ്ക്കുശേഷമുള്ള ഹജ്ജ് തീര്‍ഥാടനത്തിന് വ്യാഴാഴ്ച തുടക്കം. 10 ലക്ഷം തീര്‍ഥാടകരെത്തും. എട്ടു ലക്ഷത്തോളംപേര്‍ ചൊവ്വാഴ്ചവരെ മക്കയില്‍ എത്തി.

കോവിഡ് വാക്സിനെടുത്ത 65-നു താഴെ പ്രായക്കാര്‍ക്കാണ് അനുമതി. ബുധന്‍ രാത്രി തീര്‍ഥാടകര്‍ മിനയിലേക്ക് പുറപ്പെടും. വ്യാഴം വൈകിട്ട് മക്കയില്‍ തിരികെയെത്തും. വെള്ളിയാഴ്ച അറഫാ സംഗമം. ശനിയാഴ്ച സൗദിയില്‍ ബലിപെരുന്നാള്‍ ആഘോഷിക്കും. ഇന്ത്യയില്‍നിന്നുള്ള 79,362 തീര്‍ഥാടകരും ജിദ്ദയില്‍ എത്തി. കേരളത്തില്‍നിന്നുള്ള 5758 പേരുണ്ട്.


സുരക്ഷ, ചികിത്സ അടക്കം എല്ലാ ഒരുക്കവും പൂര്‍ത്തിയായതായി ഹജ്ജ്-ഉംറ മന്ത്രാലയം അറിയിച്ചു. അനുമതിയില്ലാതെ മക്കയില്‍ പ്രവേശിക്കുന്നവര്‍ക്ക് 10,000 റിയാല്‍ പിഴ ഈടാക്കും.