പ്രാര്ത്ഥനയുടെ പുണ്യം നിറച്ച് വിശുദ്ധ അറഫ സംഗമത്തിന് സാക്ഷിയായി ലക്ഷക്കണക്കിന് ഹജ്ജ് തീര്ത്ഥാടകര്... വെള്ള വസ്ത്രം ധരിച്ച തീര്ത്ഥാടകരുടെ സംഗമം സ്നേഹത്തിന്റെയും സാഹോദര്യത്തിന്റെയും വെള്ളക്കടലായി പ്രതിഫലിച്ചു , കൊവിഡ് മഹാമാരി വന്നതിന് ശേഷം ആദ്യമായാണ് ഇത്രയും കൂടുതല് തീര്ത്ഥാടകരുടെ സാന്നിദ്ധ്യത്തില് വിശുദ്ധ ഹജ്ജിലെ സുപ്രധാന കര്മ്മമായ അറഫ സംഗമം നടക്കുന്നത്
പ്രാര്ത്ഥനയുടെ പുണ്യം നിറച്ച് വിശുദ്ധ അറഫ സംഗമത്തിന് സാക്ഷിയായി ലക്ഷക്കണക്കിന് ഹജ്ജ് തീര്ത്ഥാടകര്. സൗദിയ്ക്ക് അകത്തും പുറത്തും നിന്നുമുള്ള പത്ത് ലക്ഷം തീര്ത്ഥാടകര് ഇന്നലെ അറഫയില് ഒത്തുചേര്ന്നു.
കൊവിഡ് മഹാമാരി വന്നതിന് ശേഷം ആദ്യമായാണ് ഇത്രയും കൂടുതല് തീര്ത്ഥാടകരുടെ സാന്നിദ്ധ്യത്തില് വിശുദ്ധ ഹജ്ജിലെ സുപ്രധാന കര്മ്മമായ അറഫ സംഗമം നടക്കുന്നത്. ഇന്നലെ സൂര്യാസ്തമയം വരെ തീര്ത്ഥാടകരുടെ പ്രാര്ത്ഥന അറഫ സമതലത്തെ ഭക്തിസാന്ദ്രമാക്കി.
വെള്ള വസ്ത്രം ധരിച്ച തീര്ത്ഥാടകരുടെ സംഗമം സ്നേഹത്തിന്റെയും സാഹോദര്യത്തിന്റെയും വെള്ളക്കടലായി പ്രതിഫലിച്ചു. മിനായില് തങ്ങിയ തീര്ത്ഥാടകര് ഇന്നലെ പുലര്ച്ചെ അറഫ മൈതാനിയിലേക്ക് നീങ്ങിത്തുടങ്ങി.
തീര്ത്ഥാടകരെ അറഫയിലേക്കെത്തിക്കാന് 9,500 ബസുകളും മെട്രോയും സജ്ജമായിരുന്നു. സൂര്യാസ്തമയ ശേഷം തീര്ത്ഥാടകര് മുസ്ദലിഫയിലേക്ക് നീങ്ങി. സൗദിയടക്കം ഗള്ഫ് രാജ്യങ്ങളില് ഇന്നാണ് ബലി പെരുന്നാള്. വെള്ളിയാഴ്ചയും അറഫ സംഗമ ദിനവും പത്തുവര്ഷത്തിന് ശേഷം ഒന്നിച്ചെത്തി എന്ന സവിശേഷതയും ഉണ്ടായിരുന്നു.
ത്യാഗത്തിന്റെയും ആത്മ സമര്പ്പണത്തിന്റെയും സന്ദേശം കൂടിയാണിത്. ദൈവേച്ഛക്ക് മുന്നില് തനിക്കേറ്റവും പ്രിയപ്പെട്ടതിനെ ബലിയായി നല്കാന് തയ്യാറായ പിതാവിന്റെയും അതു ശിരസാവഹിച്ച പുത്രന്റെയും അല്ലാഹുവിന്റെ കല്പന അനുസരിച്ച് മകനെ ബലിനല്കാന് തയാറായ ഹാജറ ബീവിയുടെയും ചരിത്രസ്മരണകളാണ് ഹജും ബലി പെരുന്നാളും.
" f
https://www.facebook.com/Malayalivartha
