ഇവിടെ ഇങ്ങനെയാണ് ഭായി… സൗദിഅറേബ്യയില് സ്ത്രീ ആരാധാകര് നടനെ വളഞ്ഞു; എല്ലാം കഴിഞ്ഞപ്പോള് നടനെ പോലീസ് അറസ്റ്റ് ചെയ്തു
സൗദി അറേബ്യയിലെ ഷോപ്പിങ് മാളില് എത്തിയ കുവൈത്തി നടനെ കണ്ടപ്പോള് സ്ത്രീ ആരാധകര് തങ്ങളുടെ രാജ്യത്തെ നിയമമൊക്കെ മറന്നു പോയി. അവര് നടനെ ആവേശത്തോടെ വളയുകയും നടന് സ്ത്രീകള്ക്കിടയില് നിന്നും സെല്ഫിയെടുക്കുകയും ചെയ്തു. കാര്യം നിസാരമാണെങ്കിലും പ്രശ്നം ഗുരുതരമായി. തുടര്ന്ന് പൊലീസെത്തി നടനെ അറസ്റ്റ് ചെയ്ത് നീക്കുകയായിരുന്നു. തനിക്ക് ബന്ധമില്ലാത്ത സ്ത്രീകള്ക്കൊപ്പം അടുത്തുനിന്നുവെന്ന കുറ്റമാണ് നടന്റെ പേരില് കുറ്റം ചുമത്തിയിരിക്കുന്നത്. അബ്ദുള് അസീല് അല് കസാര് എന്ന യുവനടനാണ് ആരാധകര് കാരണം പൊല്ലാപ്പായത്.
ബുര്ഖ ധരിച്ചിരിക്കുന്ന സ്ത്രീകളുടെ ഇടയില് നിന്നും സ്ത്രീകള്ക്കിടയില് നിന്നും പൊലീസ് നടനെ ദയനീയമായി വലിച്ചു നീക്കുകയായിരുന്നു. കമ്മീഷന് ഫോര് ദി പ്രമോഷന് ഓഫ് വെര്ച്യൂ ആന്ഡ് ദി പ്രിവന്ഷന് ഓഫ് വൈസിനു വേണ്ടി പ്രവര്ത്തിക്കുന്ന ഓഫീസര്മാരാണ് നടനെ അറസ്റ്റ് ചെയ്തത്. കുവൈത്തില് ജീവിക്കുന്ന അബ്ദുള് അസീസ് റിയാദ് സന്ദര്ശിക്കാനെത്തിയപ്പോഴാണ് ഈ പുലിവാല് പിടിച്ചിരിക്കുന്നത്. അറസ്റ്റ്ചെയ്ത നടനെ ഓഫീസേര്സ് ഹെഡ് ക്വാര്ട്ടേര്സിലേക്കാണ് കൊണ്ടു പോയത്. തനിക്ക് ബന്ധമില്ലാത്ത സ്ത്രീകളുമായി ഇടപഴകുകയും ഫോട്ടോയെടുക്കുകയും ചെയ്തതിനാണ് ഇദ്ദേഹത്തിനെതിരെ കേസെടുത്തിരിക്കുന്നത്. മുസ്ലിംരാജ്യമായ സൗദിയില് ഇവയൊക്കെ ഗുരുതരുകുറ്റമായാണ് കണക്കാക്കി വരുന്നത്.
ഇതുമായി ബന്ധപ്പെട്ട വീഡിയോ യൂ ട്യൂബില് അപ്ലോഡ് ചെയ്തിട്ടുണ്ട്.അറസ്റ്റിനും കേസ് രജിസ്റ്റര് ചെയ്യലിനും ശേഷം അബ്ദുള് അസീസിനെ മോചിപ്പിച്ചിട്ടുണ്ട്. തന്റെ അനുഭവം ഇദ്ദേഹം ഗള്ഫ് റൊട്ടാന ടെലിവിഷനില് വെളിപ്പെടുത്തിയിട്ടുണ്ട്. സ്നാപ്ചാറ്റിലെ തന്റെ ഫോളോവേര്സിന്റെ അഭിപ്രായമനുസരിച്ച് നല്ല മാളാണെന്നറിഞ്ഞാണ് താന് പ്രസ്തു മാളില് സന്ദര്ശനം നടത്തിയതെന്നും അപ്പോഴാണീ ദുരനുഭവം ഉണ്ടായതെന്നും നടന് വിവരിക്കുന്നു. താന് അവിടം സന്ദര്ശിക്കുന്നുണ്ടെന്ന് സ്നാപ്ചാറ്റിലൂടെ നടന് ഫോളോവേഴ്സിനെ അറിയിക്കുകയും ചെയ്തിരുന്നു.
എന്നാല് താന് അവിടെ എത്തുമ്പോള് പ്രതീക്ഷിച്ചതിനേക്കാള് ആരാധകരുണ്ടായിരുന്നുവെന്നും ഏറെയും സ്ത്രീകളായിരുന്നുവെന്നും അബ്ദുള് അസീസ് വെളിപ്പെടുത്തുന്നു.തുടര്ന്നുണ്ടായ സംഭവങ്ങള് തന്റെ നിയന്ത്രണത്തിലല്ലായിരുന്നുവെന്നാണ് ഇദ്ദേഹം വ്യക്തമാക്കുന്നത്. ഇത്തരമൊരു സന്ദര്ഭം ഒഴിവാക്കാനുള്ള തയ്യാറെടുപ്പുകള് നടത്തണമെന്ന് മാളിന്റെ ഉടമസ്ഥന്മാര്ക്ക് താന് മുന്നറിയിപ്പ് നല്കിയിരുന്നുവെന്നും അദ്ദേഹം പറയുന്നു. തുടര് അന്വേഷണം നടക്കുന്നതിനിടെ നടന് ഇപ്പോള് ജാമ്യത്തില് പുറത്തിറങ്ങിയിരിക്കുകയാണ്. അന്വേഷണം പൂര്ത്തിയാകുന്നത് വരെ അബ്ദുള് അസീസ് സൗദിയില് കഴിഞ്ഞിരിക്കണമെന്നാണ് വ്യവസ്ഥ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
