പ്രവാസികള് ആശ്വാസത്തോടെ; ഗള്ഫില്നിന്ന് പണം അയയ്ക്കുന്നതിന് നികുതിയില്ല
യുഎഇയില് നിന്ന് പണം അയയ്ക്കുന്നതിന് നികുതി ഏര്പ്പെടുത്താന് നീക്കമില്ലെന്ന മന്ത്രിയുടെ പ്രസ്താവന ഇന്ത്യക്കാരായ പ്രവാസികള്ക്ക് ആശ്വാസമായി. ഗള്ഫ് രാജ്യങ്ങളില് നികുതി ഏര്പ്പെടുത്താന് ആലോചിക്കുന്നുണ്ടെന്ന അഭ്യൂഹം പ്രവാസികള്ക്കിടയില് ചര്ച്ചയായിരുന്നു. എന്നാല് കോര്പറേറ്റ് നികുതി ആരംഭിക്കാന് പദ്ധതിയിടുന്നുണ്ടെന്ന് മന്ത്രി അറിയിച്ചു.
റെമിറ്റന്സിന് നികുതി ഏര്പ്പെടുത്താന് നീക്കമില്ലെന്നാണ് സാമ്പത്തികകാര്യ സഹമന്ത്രി ഒബൈദ് ഹുമൈദ് അല് തായര് അറിയിച്ചത്. കൂടാതെ വരുമാന നികുതി ഏര്പ്പെടുത്താന് നീക്കമില്ലെന്നും വ്യക്തമാക്കി. , സാമ്പത്തിക, സാമൂഹിക പ്രത്യാഘാതങ്ങള് ഉള്പ്പെടെയുള്ള കാര്യങ്ങള് ആഴത്തില് പഠിച്ചതിനുശേഷമേ തീരുമാനമെടുക്കുകയുള്ളൂ. റെമിറ്റന്സ് തുക, യുഎഇ സാമ്പത്തിക വ്യവസ്ഥയിലും വിദേശ തൊഴിലാളികളിലും ഉണ്ടാകുന്ന പ്രത്യാഘാതം തുടങ്ങിയ വിഷയങ്ങളാകും പഠിക്കുക.
കോര്പറേറ്റ് നികുതി നിയമങ്ങള് വിശകലനം ചെയ്യുന്നുണ്ടെങ്കിലും അവ പ്രാഥമിക ഘട്ടത്തിലാണ്. പ്രാദേശിക സര്ക്കാരുകളുമായി നടത്തിയ ചര്ച്ചയില് തീരുമാനമായിട്ടില്ലെന്നും മന്ത്രി പറഞ്ഞു. മൂല്യവര്ധിത നികുതിയായ വാറ്റ് ഏര്പ്പെടുത്തുന്ന കാര്യവും ജിസിസി തലത്തില് ചര്ച്ചചെയ്തിരുന്നു. അടുത്ത വര്ഷം ആരംഭത്തില് ധാരണയുണ്ടായാല് തന്നെ 2018ലോ 2019ലോ ഏര്പ്പെടുത്താനാണ് സാധ്യതയെന്നും മന്ത്രി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha