സൗദി എയര്ലൈന്സില് സ്ത്രീകളെ നിയമിക്കേണ്ടതില്ലെന്ന് തീരുമാനം
സൗദി അറേബ്യയുടെ സൗദി എയര്ലൈന്സില് ക്യാബിന് ക്രൂവില് സ്ത്രീകളെ നിയമിക്കേണ്ടതില്ലെന്ന് തീരുമാനം. വിമാനത്തിനകത്ത് സൗദി സ്ത്രീകള് ജോലിനോക്കുന്നത് ഒഴിവാക്കാനാണ് ഇത്തരമൊരു തീരുമാനമെന്നാണ് വിലയിരുത്തല്. അതേസമയം, വിമാനത്താവളങ്ങളില് ഗ്രൗണ്ട് സ്റ്റാഫ് അംഗങ്ങളായി സൗദി സ്ത്രീകളെ നിയമിക്കുന്നതില് വിലക്കില്ല.
എയര്ഹോസ്റ്റസ് മുതലുള്ള ക്യാബിന് ക്രൂവില്നിന്നാണ് സൗദി സ്ത്രീകളെ ഒഴിവാക്കിയത്. സൗദി സ്ത്രീകള്ക്ക് വിമാനത്തിനകത്ത് ഇനിമുതല് ജോലിയില്ലെന്ന് എയര്ലൈന്സ് അസിസ്റ്റന്റ് ഡയറക്ടര് ജനറല് അബ്ദുള് റഹ്മാന് അല് ഫഹദ് വ്യക്തമാക്കി.
എന്നാല് എന്തുകൊണ്ടാണ് ഇത്തരമൊരു തീരുമാനമെടുത്തതെന്ന് വ്യക്തമാക്കാന് സൗദി ഇതുവരെ തയ്യാറായിട്ടില്ല. സ്ത്രീകളുടെ വസ്ത്ര ധാരണത്തില്പോലും കടുത്ത അച്ചടക്കം പാലിക്കുന്ന സൗദി, എയര്ഹോസ്റ്റസുമാര് ഇറക്കം കുറഞ്ഞതും ഇറുകിയതുമായ വസ്ത്രങ്ങള് ധരിക്കുന്നത് എതിര്ക്കുന്നതിനാലാണ് ഇത്തരമൊരു തീരുമാനമെടുത്തതെന്നാണ് സൂചന.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha