പെണ്‍വാണിഭ സംഘവുമായുള്ള ബന്ധം ചോദ്യം ചെയ്യ്തതില്‍ പ്രതിക്ഷേധിച്ച് പ്രവാസി യുവാവു മകളെയും ഭാര്യയേയും വീട്ടില്‍ നിന്ന് ഇറക്കി വിട്ടു. തിരുനാവായക്കടുത്തു കാരത്തൂര്‍ സ്വദേശി മുസ്തഫയ്‌ക്കെതിരെയാണു ഭാര്യയും ബന്ധുക്കളും പരാതി നല്‍കിയത്. കോടതി ഉത്തരവ് ഉണ്ടായിട്ടും ഇയാള്‍ ഇവരെ വീട്ടില്‍ കയറാന്‍ അനുവദിച്ചില്ല.ഇയാള്‍ വര്‍ഷങ്ങളായി ഗള്‍ഫിലായിരുന്നു. എന്നാല്‍ കഴിഞ്ഞ വര്‍ഷം ഗള്‍ഫില്‍ നിന്നു തിരിച്ചെത്തിയ ഇയാള്‍ പിന്നീട് തിരിച്ചുപോയില്ല. അസമയത്തു വരുന്ന ഫോണ്‍കോളുകളില്‍ സംശയം തോന്നി മക്കള്‍ ഇയാളുടെ ഫോണിലെ കോളുകള്‍ സോഫ്റ്റവെയര്‍ ഉപയോഗിച്ച് റെക്കോര്‍ഡ് ചെയ്തു. തുടര്‍ന്നാണു പെണ്‍വാണിഭ സംഘവുമായുള്ള ഇയാളുടെ വഴിവിട്ട ബന്ധങ്ങള്‍ വീട്ടുകാര്‍ അറിഞ്ഞത്. വീട്ടിലെ കുളിമുറിയില്‍ വച്ചിരുന്ന പെന്‍ക്യാമറ ഇയാളുടെ ആറാം ക്ലാസില്‍ പഠിക്കുന്ന മകള്‍ കണ്ടെത്തുകയും ചെയ്തതോടെ പ്രശ്‌നം രൂക്ഷമാകുകയായിരുന്നു.മുസ്തഫക്കെതിരെ പരാതി നല്‍കിയെങ്കിലും തിരൂര്‍ പോലീസ് കേസെടുത്തില്ലന്നാണ് ആക്ഷേപം. എന്നാല്‍ മക്കള്‍ ആക്രമിച്ചെന്നു കാട്ടി ഇയാള്‍ നല്‍കിയ പരാതിയില്‍ മക്കള്‍ക്കെതിരെ പേലീസ് കേസെടുത്തിരുന്നു. വീട്ടില്‍ നിന്ന് ഇറക്കിവിട്ടതിനെ തുടര്‍ന്ന് കുട്ടികളുടെ പഠനം മുടങ്ങുകയും ചെയ്തു. ആരോപണങ്ങള്‍ അടിസ്ഥാന രഹിതമാണെന്നും അസുഖ ബാധിതനായതിനെ തുടര്‍ന്നു മക്കള്‍ തന്നെ ഉപേക്ഷിക്കുകയായിരുന്നു എന്നും ഇയാള്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha