ശ്രീനാരായണമിഷന്‍ മെല്‍ബണിന്റെ ആഭിമുഖ്യത്തില്‍ നടത്തപ്പെടുന്ന മൂന്നാമത് ഓണാഘോഷത്തിനുള്ള ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു. 

ആഗസ്ത് 24 ന് രാവിലെ 10 മണി മുതല്‍ വൈകീട്ട് 6 മണി വരെയാണ് പരിപാടികള്‍ നടക്കുക. 
അത്തപ്പൂക്കളം, മാവേലി മന്നന്റെ സന്ദര്‍ശനം, വള്ളംകളി, തിരുവാതിരക്കളി, വടംവലി, കുട്ടികളുടെയും മുതിര്‍ന്നവരുടെയും വിവിധ കലാകായിക പരിപാടികള്‍, ഓണസദ്യ എന്നിവയും ഒരുക്കിയിട്ടുണ്ട്. ഓണാഘോഷത്തിന്റെ ഒരുക്കങ്ങള്‍ മെല്‍ബണിന്റെ വിവിധ ഭാഗങ്ങളില്‍ വെച്ച് പൂര്‍ത്തിയായിക്കൊണ്ടിരിക്കുന്നതായി ജന.സെക്ര.അരുണ്‍ ശശിധരനും, പ്രസി.കൃഷ്ണകുമാറും അറിയിച്ചു.