ഓസ്ട്രേലിയയിൽ മലയാളി നഴ്സിനെയും രണ്ട് മക്കളെയും കാറിനുള്ളിൽ കത്തിക്കരിഞ്ഞ നിലയിൽ കണ്ടെത്തി. ഇവർ മലയാളികളാണെന്നാണ് ലഭിക്കുന്ന റിപ്പോർട്ടുകൾ.കേരളത്തിൽ നിന്നുള്ള ജാസ്മിൻ, മക്കളായ എബിലിൻ, കാരലിൻ എന്നിവരാണ് മരിച്ചതെന്നാണ് ഇവിടെയുള്ള മലയാളികൾ നൽകുന്ന വിവരം.

ലൈഫ് സ്പ്രിങ് പെന്തക്കോസ്ത് സഭാംഗമാണ്. ഇവർ ആറു വയസിൽ താഴെയുള്ള പെൺകുട്ടികളാണ് മരിച്ച രണ്ടു പേരും. മരിച്ച യുവതിക്ക് 30 വയസിനു മുകളിൽ പ്രായമുണ്ടെന്നാണ് പൊലീസ് നിഗമനം. ഇവരുടെ മരണത്തിൽ ദുരൂഹതയുണ്ടെന്നാണ് റിപ്പോർട്ടുകൾ.

ക്രാൻബേൺ വെസ്റ്റിൽ ഹൈവേയിൽ കൃഷിയിടത്തോട് ചേർന്നു നിർത്തിയിട്ട നിലയിലാണ് മൃതദേഹം അടങ്ങിയ കാർ കണ്ടെത്തിയത്. തീപ്പിടിത്തം ഉണ്ടായെന്ന വിവരം അറിഞ്ഞ് അഗ്നിരക്ഷാ ഉദ്യോഗസ്ഥർ എത്തിയാണ് തീയണച്ചത്. മെൽബൺ നഗരത്തിന്റ തെക്ക് കിഴക്ക് ഭാഗത്തുള്ള ക്രാൻബേൺ വെസ്റ്റിൽ ഇന്നലെ രാത്രിയാണ് സംഭവമുണ്ടായത്. രാത്രി 7.55 ഓടെ വെസ്റ്റേൺ പോർട്ട് ഹൈവേക്ക് സമീപം കാറിന് തീപിടിച്ചെന്നായിരുന്നു ആദ്യ റിപ്പോർട്ടുകൾ.

സ്ഥലത്തെത്തി തീ അണച്ച എമർജൻസി വിഭാഗം കാറിനുള്ളിൽ നിന്ന് മൂന്ന് മൃതദേഹങ്ങൾ കണ്ടെത്തുകയായിരുന്നു.ആത്മഹത്യ ചെയ്തതാണെന്നാണ് പ്രാഥമിക സൂചനകളെങ്കിലും കൊലപാതക സാധ്യത തള്ളിക്കളയാനാകില്ല. പക്ഷേ സംഭവത്തിന് പിന്നിൽ മറ്റാരെങ്കിലും ഉൾപ്പെട്ടിട്ടുള്ളതായി ഈ ഘട്ടത്തിൽ കരുതുന്നില്ലെന്നാണ് പൊലീസ് അറിയിച്ചത്.

അപകടത്തിൽ ദൃക്സാക്ഷികളായ ആരെങ്കിലുമുണ്ടെങ്കിൽ തീപിടിത്തത്തിന്റെ ഡാഷ്-ക്യാം ദൃശ്യങ്ങൾ ഉള്ളവരോ അന്വേഷണ സംഘവുമായി ബന്ധപ്പെടണമെന്നും പൊലീസ് നിർദ്ദേശം നൽകിയിട്ടുണ്ട്. വാഹനം കത്തി നശിച്ചതിനാൽ അപകട കാരണം ഇനിയും കണ്ടെത്താനായിട്ടില്ല.

ജാസ്മിൻ ഭർത്താവുമായി പിണങ്ങി കഴിയുകയായിരുന്നുവെന്നും റിപ്പോർട്ടുണ്ട്. വലിയ തീപിടിത്തമാണ് ഉണ്ടായത്. തീ പിടിത്തം കാരണം ആർക്കും കാറിന് അടുത്തേക്ക് പോലും പോകാനായില്ല. വെള്ളം ചീറ്റി തീ അണച്ച ശേഷമായിരുന്നു രക്ഷാപ്രവർത്തനം. അപ്പോഴേക്കും കാറിലുണ്ടായിരുന്നവർ എല്ലാം മരണപ്പെട്ടിരുന്നു. ഡിഎൻഎ പരിശോധന ഉൾപ്പടെ നടത്തി മൃതദേഹം ആരുടേതാണ് എന്ന് ഉറപ്പിച്ചക്കേണ്ടിയിരുക്കുന്നു. ഇതിന് ശേഷമാകും മൃതദേഹം വിട്ടു നൽകുന്നത് ഉൾപ്പടെയുള്ള നടപടികൾ ഉണ്ടാകുക എന്നാണ് അറിയാൻ സാധിക്കുന്നത്.

മൂവരുടേയും മരണത്തിന്റെ വ്യക്തമായ കാരണം ഇപ്പോഴും അവ്യക്തമാണ്. ഇതിലുൾപ്പെടെ വ്യക്തവരേണ്ടതുണ്ട്. ഇവരുടെ ബന്ധുക്കളുമായോ കൂടെയുള്ളവരുമായോ വിശദമായ ചോദ്യം ചെയ്യലിന് ശേഷമായിരിക്കും ഇതിനെ സംബന്ധിച്ച കൂടുതൽ വിവരങ്ങൾ പുറത്തുവരൂ...

കഴിഞ്ഞയാഴ്ച പെർത്തിൽ കത്തിക്കരിഞ്ഞ കാറിൽ അമ്മയുടെയും മക്കളുടെയും മൃതദേഹങ്ങൾ കണ്ടെത്തിയിരുന്നു. തമിഴ് വംശജരായിരുന്നു സംഭവത്തിൽ മരിച്ചത്. അതുകൊണ്ട് തന്നെ ഇന്ത്യൻ വംശജർക്കിടയിൽ ആശങ്ക ഉണ്ടാക്കുന്നതാണ് ഈ സംഭവം. ഈ അപകടവുമായി ബന്ധപ്പെട്ട് സോഷ്യൽ മീഡിയയിൽ പ്രചരിക്കുന്ന കുറിപ്പ് ഇങ്ങനെയാണ്......

മെൽബണിൽ കാറിന് തീപിടിച്ച് മലയാളി പെന്തക്കോസ്ത് സഹോദരിയും രണ്ട് കുഞ്ഞുങ്ങളും മരിച്ചു. മെൽബണിന്റെ തെക്ക്-കിഴക്ക് ഭാഗത്തുള്ള ക്രാൻബൺ വെസ്റ്റിൽ കഴിഞ്ഞ രാത്രിയിൽ കാറിന് തീപിടിച്ച് മലയാളി പെന്തക്കോസ്തു സഹോദരി ജാസ്മിനും അവരുടെ രണ്ട് കുഞ്ഞുങ്ങളുമടക്കം മൂന്ന് പേരാണ് മരിച്ചത്. മരണ കാരണം വ്യക്തമല്ല. ലൈഫ് സ്പ്രിങ് പെന്തക്കോസ്തു സഭാംഗമാണ് ഇവർ. വെസ്റ്റേൺ പോർട്ട് ഹൈവേയിൽ കഴിഞ്ഞ രാത്രി 8 മണിക്ക് മുമ്പ് ഒരു കാറിന് തീപിടിച്ചെന്ന റിപ്പോർട്ടുകളോട് എമർജൻസി സർവീസുകൾ പ്രതികരിച്ചു.

ഹൈവേക്ക് സമീപമുള്ള ഒരു ഫാം ഗേറ്റിന് മുന്നിലാണ് കത്തിയ വാഹനവും വാഹനത്തിനുള്ളിൽ നിന്ന് മൂന്ന് മൃതദേഹങ്ങളും പൊലീസ് കണ്ടെത്തിയത്.കൂടുതൽ വിവരങ്ങൾക്കായി പൊലീസ് അന്വേഷണം ആരംഭിച്ചു. ആത്മഹത്യ ഒന്നിനും പരിഹാരമല്ല എങ്കിലും ഭർത്താവിന് വേറെ സ്ത്രീയുമായി രഹസ്യ ബന്ധം ഉണ്ടന്നു വ്യക്തമായാൽ ഏതു സ്ത്രീയും പതറിപ്പോകും, കാരണം അവർ ബലഹീന പത്രമാണന്ന് ബൈബിൾ പറയുന്നു. കൂടുതൽ വിവരങ്ങൾ പിന്നാലെ....