കുവൈത്തിൽ അപ്പാര്ട്ട്മെന്റിൽ തീപിടുത്തം, പുക നിറഞ്ഞത് ശ്വാസംമുട്ടി ഒരു മരണം, മറ്റൊരാളുടെ നില അതീവ ഗുരുതരം
കുവൈത്തിൽ ഹവല്ലിയിലെ ഒരു അപ്പാര്ട്ട്മെന്റിലുണ്ടായ തീപിടുത്തത്തില് ഒരാള് മരിച്ചു. മറ്റൊരാളുടെ നില ഗുരുതരമായി തുടരുന്നു. അപ്പാര്ട്ട്മെന്റിന്റെ പതിനൊന്നാം നിലയിലായിരുന്നു തീപിടുത്തമുണ്ടായത്. പുക നിറഞ്ഞത് കാരണം ശ്വാസം തടസം നേരിട്ടാണ് കുവൈത്ത് സ്വദേശി മരിച്ചതെന്ന് അല് റായ് ദിനപ്പത്രം റിപ്പോര്ട്ട് ചെയ്തു.
കുവൈത്ത് അഗ്നിശമന സേന ജനറല് ഡയറക്ടറേറ്റിലെ ഓപ്പറേഷന്സ് റൂമില് വിവരം ലഭിച്ചതനുസരിച്ച് സാല്മിയയില് നിന്നും ഹവല്ലിയില് നിന്നും രണ്ട് അഗ്നിശമന സേനാ അംഗങ്ങള് സ്ഥലത്തെത്തി. മുന്കരുതലെന്ന നിലയില് കെട്ടിടത്തിലെ എല്ലാവരെയും ഒഴിപ്പിച്ചു. തുടര്ന്ന് തീ നിയന്ത്രണ വിധേയമാക്കി. തീപിടുത്തത്തിന്റെ കാരണം കണ്ടെത്താന് ആക്സിഡന്റ് ഇന്വെസ്റ്റിഗേഷന് മാനേജ്മെന്റ് ടീം അന്വേഷണം തുടങ്ങി.
അതേസമയം യുഎഇയിലെ റാസല്ഖൈമയിൽ എണ്ണ ഫാക്ടറിയില് കഴിഞ്ഞ ദിവസം വന് തീപിടുത്തം ഉണ്ടായി. തീപിടുത്തത്തില് ആളപായമൊന്നും റിപ്പോര്ട്ട് ചെയ്തിട്ടില്ല. റാസല്ഖൈമ സിവില് ഡിഫന്സ് സംഭവസ്ഥലത്തെത്തി തീ നിയന്ത്രണ വിധേയമാക്കി.
ഓപ്പറേഷന്സ് റൂമില് വിവരം ലഭിച്ച ഉടന് അധികൃതര് സംഭവസ്ഥലത്തെത്തി തീ നിയന്ത്രണ വിധേയമാക്കുകയായിരുന്നു. തീപിടിത്തത്തിന്റെ കാരണം കണ്ടെത്താന് അധികൃതര് അന്വേഷണം ആരംഭിച്ചു. ഔദ്യോഗിക സ്രോതസ്സുകളില് നിന്നുള്ള വിവരങ്ങള് മാത്രം വിശ്വസിക്കമെന്ന് ജനങ്ങള്ക്ക് പോലീസ് നിര്ദ്ദേശം നല്കി. തീപിടുത്തത്തിന്റെ വീഡിയോ സാമൂഹ്യ മാധ്യമങ്ങളില് പ്രചരിക്കുന്നുണ്ട്.
https://www.facebook.com/Malayalivartha
