വെള്ളത്തിനടിയില് നിന്ന് പതിനാറാം നൂറ്റാണ്ടിലെ പള്ളി പൊങ്ങി വന്നു
വെള്ളത്തിനടിയില് നിന്ന് പതിനാറാം നൂറ്റാണ്ടിലെ പള്ളിയുടെ അവശിഷ്ടഭാഗങ്ങള് പൊങ്ങി വന്നു. മെക്സിക്കോയിലാണ് സംഭവം. അര നൂറ്റാണ്ട് മുമ്പ് ഡാം നിര്മ്മിച്ചപ്പോള് വെള്ളത്തിനടിയിലായ പള്ളി വെള്ളം വറ്റിയപ്പോള് ദൃശ്യമാവുകയായിരുന്നു. ദക്ഷിണ മെക്സികോയിലെ ഗിര്ജാല്വ നദിയില് 1966-ലാണ് ഈ അണക്കെട്ട് നിര്മ്മിച്ചത്.
അണക്കെട്ട് നിര്മ്മാണം പൂര്ത്തിയായപ്പോള് പള്ളി വെള്ളത്തില് മുങ്ങി. പതിനാറാം നൂറ്റാണ്ടില് ഡൊമിനിക്കന് സന്യാസി സമൂഹം നിര്മ്മിച്ച പള്ളിയാണിത്. ഈ പ്രദേശത്തെ നിരവധി വീടുകളും വെള്ളത്തില് മുങ്ങിപ്പോയി. 48 അടി ഉയരമുള്ള പള്ളിയുടെ പതിനഞ്ച് മീറ്ററോളം ഇപ്പോള് വെള്ളത്തിന് മുകളില് ദൃശ്യമാണ്.
2002-ലും മെക്സിക്കോയില് വരള്ച്ചയുണ്ടായപ്പോള് ഈ പള്ളി വെള്ളത്തിന് മുകളില് ദൃശ്യമായിരുന്നു. അന്ന് പള്ളി പൂര്ണ്ണമായും വെള്ളത്തിന് മുകളില് ദൃശ്യമായി. വെള്ളത്തിന് മുകളില് ദൃശ്യമായ പള്ളി കാണാന് ബോട്ടില് നിരവധി സന്ദര്ശകര് എത്തുന്നുണ്ട്.
48 അടിയാണ് പള്ളിയുടെ ഉയരം. ഡാമില് സാധാരണ 100 അടിയിലേറെ വെള്ളമുണ്ടാകാറാണ് പതിവ്. ഇരുനൂറുവര്ഷങ്ങളോളം നിലനിന്ന പള്ളി 18-ാം നൂറ്റാണ്ടിന്റെ അവസാനത്തില് ആ ദേശമാകമാനം പ്ളേഗ് പടര്ന്നു പിടിച്ചതിനു ശേഷം ഉപേക്ഷിക്കപ്പെടുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha