പിതാവിന്റെ അനുവാദം കൂടാതെ സ്ത്രീകള്ക്ക് വിവാഹം ചെയ്യാനാകില്ല
വാദി പ്രതിയായ പോലെയായി ഇവിടെ സംഭവിച്ച കാര്യം. പ്രണയ വിവാഹത്തിന് സമ്മതിക്കാത്ത പിതാവിനെ കോടതി ഉത്തരവിലൂടെ സമ്മതിക്കാമെന്ന വ്യാമോഹത്താലാണ് പെണ്കുട്ടി കോടതിയില് പരാതി നല്കിയത്. എന്നാല് ഇവിടെ സംഭവിച്ചത് തിരിച്ചായിരുന്നു. തന്റെ കമിതാവിനെ വിവാഹം ചെയ്യുന്നതില് പിതാവ് അനുവാദം തരുന്നില്ലെന്നും വിവാഹത്തിന് അനുവദിക്കണമെന്നും ആവശ്യപ്പെ ട്ട് 25കാരിയായ എമിറേറ്റിയാണ് ഷാര്ജ ശരി അത്ത് കോടതിയില് പരാതി നല്കിയത്. യുഎസ് പൗരനാണ് യുവതിയുടെ കാമുകന്.
മതപരമായ കാരണങ്ങളാലാണ് പിതാവ് എതിരുനില്ക്കുന്നതെന്ന് യുവതി കോടതിയില് പറഞ്ഞു. നിരവധി തവണ യുവാവ് വിവാഹാലോചനയുമായി യുവതിയുടെ വീട്ടിലെത്തിയിരുന്നു. നിരവധി പേര് യുവതിയുടെ പിതാവിന്റെ മനസ് മാറ്റാനും ശ്രമിച്ചിരുന്നു. എന്നിട്ടും പിതാവ് വഴങ്ങാതിരുന്നപ്പോഴാണ് യുവതി കോടതിയെ സമീപിച്ചത്. അതേസമയം വ്യക്തിപരമായ കാര്യങ്ങളുടെ നിയമത്തിലെ 23മ് വകുപ്പ് അനുസരിച്ച് പിതാവിന് മകളുടെ വിവാഹം നിഷേധിക്കാനുള്ള അവകാശമുണ്ടെന്ന് അഭിഭാഷകന് ഇബ്രാഹീം അല് ഹുസ്നി അറിയിച്ചു.
മകളുടെ വിവാഹത്തിന് പിതാവിന്റെ അനുവാദം നിര്ബന്ധമാണ്. കൂടാതെ വിവാഹസ്ഥലത്ത് അദ്ദേഹത്തിന്റെ സാന്നിദ്ധ്യം ഉണ്ടായിരിക്കുകയും വേണമെന്ന് കോടതി നിര്ദ്ദേശിച്ചു. തന്റെ കമിതാവിന് നല്ല ജോലിയും വിദ്യാഭ്യാസവുമുണ്ടെന്ന് യുവതി പറയുന്നു. സാമൂഹീക മൂല്യത്തിന്റെ അടിസ്ഥാനത്തിലാണ് പിതാവ് വിവാഹം നിഷേധിക്കുന്നതെന്നും അവള് ന്യായാധിപനോട് പറഞ്ഞു. പിതാവിന് അനുകൂലമായാണ് കോടതി വിധിയെങ്കിലും യുവതിക്ക് അപ്പീല് കോടതിയെ സമീപിക്കാവുന്നതാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha