കാര്ത്യായനിയമ്മയ്ക്ക് ലാപ്ടോപ്പ് ഒക്കെ ആയി!
നൂറാം വയസില് പത്താംക്ലാസ് പാസാവണം. എന്നിട്ട് ജോലി നേടണം. ഒപ്പം കംപ്യൂട്ടറും പഠിക്കണം. ആരുടേതാണ് ഈ ആഗ്രഹങ്ങള് എന്ന് ഇന്ന് മലയാളിയോട് എടുത്ത് പറയേണ്ട ആവശ്യമില്ല.
97-ാം വയസില് നാലാംക്ലാസ് പാസായ വിദ്യാര്ഥിയെ അഭിനന്ദിക്കാന് വീട്ടിലെത്തിയ വിദ്യാഭ്യാസമന്ത്രി സി.രവീന്ദ്രനാഥ്. ഒപ്പം ഒരു സമ്മാനവും. കാര്ത്യായനിയമ്മയുടെ മോഹം പോലെ ഒരു ലാപ്ടോപ്പ്.
സാക്ഷരതാ മിഷന്റെ നേതൃത്വത്തില് നടത്തിയ അക്ഷരലക്ഷം നാലാം ക്ലാസ്സ് തുല്യതാ പരീക്ഷയിലായിരുന്നു സംസ്ഥാനത്തെ ഏറ്റവും ഉയര്ന്ന മാര്ക്ക് നേടി കാര്ത്യായനിയമ്മ പരീക്ഷ പാസായത്.
കാര്ത്യായനി അമ്മയെ അനുമോദിക്കാന് വീട്ടിലെത്തിയ മന്ത്രി ഒപ്പം ഒരു സമ്മാനവും കരുതിയിരുന്നു. നേരത്തെ തന്നെ കമ്പ്യൂട്ടര് പഠിക്കണമെന്ന ആഗ്രഹം അറിയിച്ചിരുന്ന കാര്ത്ത്യായനിയമ്മയ്ക്ക് ഒരു ലാപ്ടോപ്പാണ് മന്ത്രി വാങ്ങിയത്.
ലാപ് ടോപ്പ് കിട്ടിയ ഉടന് തന്നെ കാര്ത്യായനി അമ്മ ഇംഗ്ലീഷില് തന്റെ പേര് ടൈപ്പ് ചെയ്തു കാണിച്ചു. അടുത്ത വര്ഷം പത്താംതരം തുല്യത പരീഷ എഴുതാനുള്ള ആഗ്രഹവും മന്ത്രിയോട് കാര്ത്ത്യായനി അമ്മ പങ്കുവച്ചു. പൊതു വിദ്യാഭ്യാസ ഡയറക്ടര് കെ.വി മോഹന്കുമാര്, എസ്ഐഇടി ഡയറക്ടര് അബുരാജ് എന്നിവരും മന്ത്രിയോടൊപ്പമുണ്ടായിരുന്നു.
https://www.facebook.com/Malayalivartha