ഏറ്റവും കൂടുതല് തവണ മത്സരിച്ച് പരാജയപ്പെട്ടതിന് ലിംക ബുക്ക് ഓഫ് റെക്കോര്ഡില് ഇടം നേടിയ ഡോ. കെ. പദ്മരാജന് ഇത്തവണ മത്സരിക്കുന്നത് കോണ്ഗ്രസ് അധ്യക്ഷന് രാഹുല് ഗാന്ധിയടക്കമുള്ളവരോട്
കോണ്ഗ്രസ് അധ്യക്ഷന് രാഹുല് ഗാന്ധിയടക്കമുള്ളവരോട് ഇത്തവണ മല്സരിക്കുന്നവരില് തെരഞ്ഞെടുപ്പ് പരാജയത്തില് ഇരട്ട സെഞ്ച്വറിയും കടന്ന് ലിംക ബുക്ക് ഓഫ് റെക്കോര്ഡ്സില് ഇടം പിടിച്ച ഡോ. കെ. പദ്മരാജനുമുണ്ട്.
തമിഴ്നാട് സേലത്ത് നിന്നുള്ള ഡോ. കെ. പദ്മരാജന്, 200 തവണ തെരഞ്ഞെടുപ്പില് മത്സരിച്ച് പരാജയപ്പെട്ട് ഡബിള് സെഞ്ച്വറി നേടിയ ആളാണ്. പദ്മരാജന് ഏറ്റവും കൂടുതല് തവണ മത്സരിച്ച് പരാജയപ്പെട്ടതിനാണ് ലിംക ബുക്ക് ഓഫ് റെക്കോര്ഡില് ഇടം നേടിയത്.
ഇലക്ഷന് കിംഗ് എന്ന പേരില് അറിയപ്പെടുന്ന പദ്മരാജന് 201-ാം അങ്കത്തിനാണ് വയനാട്ടിലെത്തി വയനാട് ജില്ലാ കളക്ടര് എ.ആര്. അജയകുമാര് മുമ്പാകെ നാമനിര്ദ്ദേശ പത്രിക നല്കിത്. വയനാട് കൂടാതെ തമിഴ്നാട്ടിലെ ധര്മ്മപുരിയിലും ഇത്തവണ ലോക്സഭയിലേക്ക് മത്സരിക്കുന്നുണ്ട്.
തമിഴ്നാട്ടിലെ മേട്ടൂര് അസംബ്ലി മണ്ഡലത്തില് നിയമസഭാ സ്ഥാനാര്ത്ഥിയായി 1988-ലാണ് തെരഞ്ഞെടുപ്പ് മത്സരം തുടങ്ങുന്നത്. കഴിഞ്ഞ ലോക്സഭ തെരഞ്ഞെടുപ്പില് വഡോദരയില് പ്രധാനമന്ത്രി നരേന്ദ്ര മോദിക്കെതിരെ മത്സരിച്ച് തോറ്റു.
മുന് രാഷ്ട്രപതിമാരായ കെ.ആര്. നാരായണന്, പ്രതിഭാ പാട്ടീല്, എ.പി. ജെ. അബ്ദുള് കലാം എന്നിവര്ക്കെതിരെയും മുന് പ്രധാനമന്ത്രിമാരായ പി.വി. നരസിംഹ റാവു, മന്മോഹന് സിംഗ്, എ.ബി. വാജ്പേയ് തുടങ്ങിയവര്ക്കെതിരെയും ഏറ്റുമുട്ടി പരാജയപ്പെട്ട ചരിത്രമുണ്ട്.
എല്ലാ തെരഞ്ഞെടുപ്പുകള്ക്കുമായി മുപ്പത് ലക്ഷത്തിലധികം രൂപയും ചെലവാക്കി. ഇത്തവണ തന്റെ ചരിത്രം മാറി വിജയിക്കുമെന്നാണ് ഡോ.പദ്മരാജന് പറയുന്നത്.
https://www.facebook.com/Malayalivartha
