വധുവിന്റെ സഹോദരി എത്തിയത് ദിനോസര് വേഷത്തില്! അന്തംവിട്ട് അതിഥികള്
വധൂവരന്മാര് കഴിഞ്ഞാല് എല്ലാവരുടെയും ശ്രദ്ധ തന്നിലേക്കെത്തുന്ന ഏറ്റവും നല്ല വസ്ത്രം ധരിക്കാനാണ് ഏവരുടേയും ആഗ്രഹം. അതിനുവേണ്ടി ലക്ഷങ്ങള് പൊടിക്കാനും ചിലര്ക്ക് യാതൊരു മടിയുമില്ല.
അടുത്തിടെ നടന്ന ഒരു വിവാഹത്തില് വധുവിന്റെ സഹോദരിയുടെ വേഷമാണ് ഇപ്പോള് സോഷ്യല് മീഡിയയിലെ ചര്ച്ചാവിഷയം.
വിവാഹദിവസം ഇഷ്ടമുള്ള വേഷം ധരിക്കാനുള്ള അവകാശം തന്റെ അനിയത്തിക്ക് നല്കിയപ്പോള് ഡിയന്ന ഇത്രയും വലിയ പണി പ്രതീക്ഷിച്ചില്ല. ഓഗസ്റ്റ് 10നായിരുന്നു ഡിയന്നയുടെയും ജോബി ആദംസിന്റെയും വിവാഹം. കഴിഞ്ഞ വര്ഷമായിരുന്നു ഇരുവരുടെയും മനസമ്മതം.
മനസമ്മതം കഴിഞ്ഞപ്പോള് ഡിയന്ന സഹോദരി ക്രിസ്റ്റീനയ്ക്ക് ഒരു ഓഫര് നല്കി. തന്റെ വിവാഹത്തിന് ഇഷ്ടമുള്ള വസത്രം ധരിക്കാനുള്ള സ്വാതന്ത്ര്യമായിരുന്ന ആ ഓഫര്. ക്രിസ്റ്റീന ആ സ്വാതന്ത്ര്യം നന്നായി ഉപയോഗിച്ചു. വിവാഹത്തിന് ക്രിസ്റ്റീന മനോഹരമായ ഗൗണോ, സാരിയോ ധരിച്ചുവരുമെന്നാണ് ഡിയന്ന പ്രതീക്ഷിച്ചത്.
പക്ഷെ ഒരു ദിനോസറിന്റെ വേഷത്തിലാണ് ക്രിസ്റ്റീന എത്തിയത്. സംഭവം എന്തായാലും വൈറലായി. വിവാഹത്തിനെത്തിയ ദിനോസറിന്റെ ചിത്രം സോഷ്യല് മീഡിയയില് ഹിറ്റായി. പക്ഷെ വിവാഹത്തില് പങ്കെടുക്കാനെത്തിയവര്ക്ക് ചെറിയ പരാതിയുണ്ടായിരുന്നു. നവദമ്പതികളെക്കാള് കൂടുതല് ശ്രദ്ധ ദിനോസറിന് ലഭിച്ചെന്നായിരുന്നു അവരുടെ പരാതി.
പക്ഷെ യുഎസ് സൈനിക ഉദ്യോഗസ്ഥനായ വരന് ജോബിക്കും ക്രിസ്റ്റീനയുടെ വേഷത്തില് എതിര്പ്പുണ്ടായിരുന്നില്ല. പരാതികള് തങ്ങള് ശ്രദ്ധിച്ചതേയില്ലെന്നായിരുന്നു ജോബിയുടെ പ്രതികരണം.
എന്നാല് വിവാഹ സമയത്ത് താന് സാധാരണവേഷമാണ് ധരിച്ചതെന്നും അപ്പോള് ആരും ശ്രദ്ധിച്ചില്ലെന്നും അതിനാലാണ് അത് കാണാതെ പോയതെന്നുമാണ് ക്രിസ്റ്റീന പറയുന്നത്. വിവാഹപാര്ട്ടിയുടെ സമയത്താണ് വേഷം മാറിയതെന്നാണ് ക്രിസ്റ്റീന പറയുന്നത്. ഏതായാലും പുതിയ പരീക്ഷണം വിജയമായിരുന്നു.
https://www.facebook.com/Malayalivartha