ഇന്ത്യന് തെരുവിലൂടെ ചുറ്റിനടക്കുന്ന സിംഹക്കൂട്ടം; ഞെട്ടിക്കുന്ന വീഡിയോ
പ്രളയം ബാധിച്ച വഡോദരയിലെ തെരുവുകളിലൂടെ മുതലകള് പോകുന്നതിന്റെ ദൃശ്യം നാട്ടുകാര് കണ്ടിട്ട് അധികനാളുകളായില്ല. ഇത്തവണ ഗുജറാത്ത് തെരുവുകള് കീഴടക്കിയിരിക്കുന്നത് സിംഹങ്ങളാണ്. അര്ദ്ധരാത്രിയില് വൈദ്യുതി വെളിച്ചത്തില് നഗരത്തിലൂടെ ഏഴിലധികം സിംഹങ്ങള് ചുറ്റിത്തിരിയുന്നതിന്റെ വീഡിയോയാണ് സാമൂഹ്യ മാധ്യമങ്ങളില് വൈറലാകുന്നത്.
അനേകം സോഷ്യല്മീഡിയാ പ്ളാറ്റ്ഫോമില് എത്തിയിരക്കുന്ന വീഡിയോ ഇതിനകം അനേകര് കണ്ടും കഴിഞ്ഞു.
ജൂനഗഡ് നഗരത്തിലെ ഭാവനന്ദ് ഏരിയയിലെ ഭാരതി ആശ്രമം പ്രദേശത്തെ തെരുവിലൂടെയാണ് സിംഹങ്ങള് ചുറ്റി നടക്കുന്നത്. നായകള് ഉച്ചത്തില് കുരയ്ക്കുന്നതും ദൃശ്യത്തില് കേള്ക്കാനാകും. ഗുജറാത്തിന്റെ വാണിജ്യ തലസ്ഥാനമായ സൗരാഷ്ട്ര മേഖലയില് നിന്നും 100 കി.മീ. അകലെയാണ് ജുനഗഡ്. ഗിര് വന്യമൃഗ സംരക്ഷണ കേന്ദ്രത്തിന് സമീപത്താണ ജുനഗഡ്.
ഗിര് വന്യമൃഗ സംരക്ഷണ കേന്ദ്രത്തില് നിന്നും പുറത്തു വരുന്നതും സമീപത്തെ നഗരത്തിലൂടെ ചുറ്റിയടിക്കുന്നതും സാധാരണമാണെന്നും വനത്തിലേക്ക് തന്നെ തിരിച്ചു പോകുന്നതും സര്വസാധാരണമാണെന്നാണ് വനം വകുപ്പ് അധികൃതരുടെ പ്രതികരണം. മാസങ്ങള്ക്ക് മുമ്പാണ് വഡോദരയിലെ തെരുവുകളില് നിന്നും മുതലയുടെ വീഡിയോ പകര്ത്തപ്പെട്ടത്.
https://www.facebook.com/Malayalivartha
