തെരുവില് ഉപേക്ഷിക്കപ്പെട്ട നായയെന്ന് കരുതി വളര്ത്താനെടുത്തു, പക്ഷേ പിന്നീടറിഞ്ഞു അവന് 'ഡിങ്കോ' ആണെന്ന്!
ഓസ്ട്രേലിയയുടെ വടക്കന് പ്രവശ്യയില് നഗരത്തിരക്കുകളില് നിന്നും അകലെയുള്ള ഒരു വീടിന്റെ പൂന്തോട്ടത്തില് ഒരു നായക്കുട്ടിയെ കണ്ടെത്തിയത്. ആദ്യം തെരുവ്നായയാണെന്നാണ് കരുതിയത്. എന്നാല് പിന്നീട് അതൊരു ചെന്നായക്കുട്ടിയാണോയെന്ന് ഉടമയ്ക്ക് നേരിയ സംശയം. ഉടമ ഉടനെ അതിനെ മൃഗാശുപത്രിയില് എത്തിച്ചു. ഡി.എന്. എ പരിശോധനയിലൂടെ അത് നായയല്ലെന്ന് തിരിച്ചറിഞ്ഞെന്നുമാത്രമല്ല ഓസ്ട്രേലിയില് വംശനാശഭീഷണി നേരിടുന്ന ഡിങ്കോ എന്ന അപൂര്വയിനം കാട്ടുചെന്നായയാണെന്നും കണ്ടെത്തി.
ഓസ്ട്രേലിയയിലെ വന്യജീവി സംരക്ഷകര്ക്കും പരിസ്ഥിതി പ്രവര്ത്തകര്ക്കും ഏറെ സന്തോഷം നല്കുന്ന വാര്ത്തയാണ് ഡിങ്കോ കുട്ടിയെ ലഭിച്ചത്. കാരണം ഓസ്ട്രേലിയന് ആല്പൈന് ഡിങ്കോ എന്നറിയപ്പെടുന്ന ഗണത്തില്പെടുന്നതാണ് ഇപ്പോള് ലഭിച്ച കുട്ടി എന്ന് ഡിഎന്എ പരിശോധനയിലൂടെ വ്യക്തമായിരുന്നു. ഒരു കാലത്ത് നിലനിന്നിരുന്ന വേട്ടയാടല് മൂലവും ഗവര്മെന്റിന്റെ തന്നെ നിയന്ത്രണ പദ്ധതികളാലും എണ്ണത്തില് വലിയ തോതില് കുറവുണ്ടായ വിഭാഗമാണ് ആല്പൈന് ഡിങ്കോകള്. ഓസ്ട്രേലിയന് ഡിങ്കോ ഫൗണ്ടേഷന് ഈ ഡിങ്കോയുടെ സംരക്ഷണം ഏറ്റെടുത്തിരിക്കുകയാണ്.
ഇതിനെ കിട്ടിയത് ഓഗസ്റ്റിലായിരുന്നുവെങ്കിലും ഇത് വന്യമൃഗമാണെന്നു തിരിച്ചറിയുന്നതും ഇക്കാര്യം പുറം ലോകത്തെ അറിയിച്ചതും നവംബര് ആദ്യവാരത്തിലായിരുന്നു. മൂന്ന് തരത്തിലുള്ള ഡിങ്കോകളാണ് ഓസ്ട്രേലിയയില് കണ്ടു വരുന്നത്. ഇന്ലാന്ഡ്, ട്രോപിക്കല്,ആല്പൈന് എന്നിവയാണ് ഇവ. അതേസമയം ചെന്നായ്ക്കളെന്നു പൊതുവെ അറിയപ്പെടുന്നുണ്ടെങ്കിലും ഇവ നായകളാണോ അതോ ചെന്നായ്ക്കളാണോ എന്ന കാര്യത്തില് ഇപ്പോഴും ഗവേഷകര്ക്കിടയില് അഭിപ്രായ വ്യത്യാസം നിലനില്ക്കുന്നുണ്ട്.
വാന്ഡിഗോങ് മേഖലയില് നിന്ന് കണ്ടെത്തിയതുകൊണ്ട് തന്നെ വാന്ഡി എന്നാണ് ഈ ചെന്നായ് കുട്ടിക്ക് നല്കിയിരിക്കുന്ന പേര്. വന്യജീവി സ്നേഹികളെ സംബന്ധിച്ച് വിലമതിക്കാവാനാത്ത സ്വത്താണ് വാന്ഡി എന്ന് ഓസ്ട്രേലിയന് ഡിങ്കോ ഫൗണ്ടേഷന് ഡയറക്ടര് ലിന് വാട്സണ് പറയുന്നു. തല്ക്കാലം ഈ ആണ് ചെന്നായ കുട്ടിയെ ഫൗണ്ടേഷന്റെ തന്നെ നിയന്ത്രണത്തിലുള്ള വന്യജീവി സങ്കേതത്തിലാണ് ഇപ്പോള് സൂക്ഷിച്ചിരിക്കുന്നത്. വളര്ന്ന് സ്വയം വേട്ടയാടാനുള്ള കരുത്താര്ജിച്ച ശേഷം ഈ ചെന്നായ്ക്കുട്ടിയെ സ്വതന്ത്രമാക്കാനാണ് ഇവരുടെ തീരുമാനം.
https://www.facebook.com/Malayalivartha
