ആന്ധ്രാപ്രദേശിലെ കടപ്പ ജില്ലയിലെ പി. ഉബൈ എന്നയാളുടെ ഉടമസ്ഥതയിലുള്ള തുണിക്കടയില്‍ എന്നും ഒരു പശു എത്തും. പശു പതിവായി കട സന്ദര്‍ശിക്കുന്നത് കൊണ്ട് തന്റെ ബിസിനസ് ഉയര്‍ന്നെന്നാണ് കടയുടമയുടെ അവകാശവാദം.

ശ്രീസായിറാം എന്ന ഇയാളുടെ സ്ഥാപനത്തില്‍ കഴിഞ്ഞ ആറുമാസങ്ങളായി എന്നും പശു എത്തും. കൂടാതെ ഫാനിന്റെ ചുവട്ടില്‍ മണിക്കൂറുകളോളം കിടന്ന് വിശ്രമിച്ചതിന് ശേഷമാണ് മടങ്ങാറുള്ളത്.

പശു കടയില്‍ വന്ന് കിടന്നാല്‍ അത് ബിസിനസിനെ മോശകരമായി ബാധിക്കുമെന്ന് കരുതിയിരുന്നതായി ഉബൈ പറയുന്നു. എന്നാല്‍ അതിന് ശേഷം ബിസിനസ് കൂടിയതല്ലാതെ മോശമായി ഒന്നും സംഭവിച്ചിട്ടില്ലെന്ന് വ്യക്തമാക്കുന്ന ഉബൈ പശു കടയിലെ ഒന്നും തന്നെ നശിപ്പിച്ചിട്ടില്ലെന്നും വ്യക്തമാക്കി.

ആദ്യമൊക്കെ പശുകടയിലെത്തുമ്പോള്‍ അതിനെ ഓടിച്ചു വിടുവാന്‍ ശ്രമിച്ചിരുന്നുവെങ്കിലും അത് പോകുവാന്‍ കൂട്ടാക്കിയിരുന്നില്ല. മണിക്കൂറുകളോളം ഇവിടെ ചിലവിട്ടതിന് ശേഷമാണ് പശു മടങ്ങിയിരുന്നത്. പിന്നീട് ഉബൈ പശുവിനെ ഇവിടെ തുടരുവാന്‍ അനുവദിക്കുകയായിരുന്നു.