പരീക്ഷാപ്പേടി : പരീക്ഷയില് നിന്നൊഴിവാകാന് ഗൂഗിള് നോക്കി 'കൈയൊടിച്ച' വിദ്യാര്ഥികളുടെ കള്ളം പൊളിഞ്ഞു!
തൃശൂരിലെ ഒരു സ്കൂളില് ഒന്പതാം ക്ലാസില് ഒന്നിച്ച് പഠിക്കുന്ന നാല് കുട്ടികള് പരീക്ഷ എഴുതാതിരിക്കുവാന് അല്പ്പം കടന്ന് ചിന്തിച്ചു. പരീക്ഷ എഴുതാതിരിക്കുവാന് തങ്ങളുടെ കൈ ഒടിക്കുവാനായിരുന്നു വിദ്യാര്ഥികളുടെ തീരുമാനം.
പരീക്ഷ എഴുതിയാല് മാര്ക്ക് കുറയുമെന്നും തോല്ക്കുമെന്നുമുള്ള ചിന്തയിലാണ് കൈ ഒടിക്കുകയെന്ന ആശയം ഇവരുടെ മനസില് കയറിപ്പറ്റിയത്. രക്ഷിതാക്കളുടെ മൊബൈല് ഫോണില് കൂടി ഗൂഗിളില് തിരഞ്ഞാണ് 'എങ്ങനെ കൈ ഒടിക്കാം' എന്നതിനുള്ള മാര്ഗം കണ്ടെത്തിയത്.
രണ്ടു ദിവസത്തെ ഇടവേളകളില് പ്ലാസ്റ്ററിട്ട് സ്കൂളില് വന്ന ഇവരെ കണ്ട അധ്യാപകര്ക്ക് സംശയം തോന്നി. തുടര്ന്ന് നടത്തിയ അന്വേഷണത്തിലാണ് കള്ളി വെളിച്ചത്തായത്.
ബസിലേക്ക് കയറുന്നതിനിടെ വീണു, കളിക്കുന്നതിനിടെ വീണു, സ്കൂട്ടറില് കയറുന്നതിനിടെ വീണു എന്നിങ്ങനെയുള്ള മറുപടികളാണ് ഇവര് സ്കൂളിലും മാതാപിതാക്കളോടും പറഞ്ഞിരുന്നത്. കുട്ടികളുടെ അതിബുദ്ധിയെക്കുറിച്ച് അറിഞ്ഞ അധ്യാപകരുടെയും രക്ഷിതാക്കളുടെയും ഞെട്ടല് ഇതുവരെയും മാറിയിട്ടില്ല. നാല് പേരെയും കൗണ്സിലിംഗിന് വിധേയരാക്കാനാണ് തീരുമാനം.
https://www.facebook.com/Malayalivartha
