'കോന് ബനേഗ ക്രോര്പതി'യ്ക്കിടെ ഉയരത്തിന്റെ കാര്യം പറഞ്ഞ് ഭാര്യയെ ബച്ചന് ട്രോളി!
രസികനായ അവതാരകന് കൂടിയാണ് താനെന്ന് വീണ്ടും തെളിയിച്ചിരിക്കുകയാണ് ബോളിവുഡ് താരം അമിതാഭ് ബച്ചന്. 'കോന് ബനേഗ ക്രോര്പതി' എന്ന ഷോയിലാണ് തന്നെക്കുറിച്ചും കുടുംബത്തെക്കുറിച്ചും തമാശ പറഞ്ഞ് ബച്ചന് മല്സരാര്ഥികളെയും കാണികളെയും രസിപ്പിച്ചത്.
പങ്കാളിയുമായുള്ള ഉയരവ്യത്യാസത്തിന്റെ കാര്യം മല്സരാര്ഥിയുമായുള്ള സംസാരത്തിനിടെ ചര്ച്ചയായി. അപ്പോഴാണ് ബിഗ്ബി താനും ഭാര്യയും തമ്മിലുള്ള ഉയരവ്യത്യാസത്തെക്കുറിച്ച് സംസാരിച്ചതും ജയാ ബച്ചനെ കളിയാക്കിയതും.
ചന്ദന് കുമാര് എന്ന മല്സരാര്ഥിയെ പരിചയപ്പെടുത്തുമ്പോഴാണ് പങ്കാളിയുമായുള്ള ഉയര വ്യത്യാസം സംസാരവിഷയമായത്. ചന്ദന് കുമാര് ഉടന് തന്നെ വിവാഹിതനാകുമെന്നും ഉയരം നോക്കിയാണ് അദ്ദേഹം പങ്കാളിയെ തെരഞ്ഞെടുത്തത് എന്നുമായിരുന്നു ബച്ചന്റെ പ്രസ്താവന.
പങ്കാളിയുമായുള്ള ഉയരവ്യത്യാസത്തെക്കുറിച്ച് ഉപദേശം തരാനൊന്നും താന് ആളല്ലെന്ന് ഭാര്യ ജയാബച്ചനും താനുമായുള്ള ഉയരവ്യത്യാസം ഉദാഹരണമാക്കി പറഞ്ഞ അദ്ദേഹം ഇതിന്റെ തിക്തഫലം വീട്ടില് ചെല്ലുമ്പോള് അനുഭവിക്കേണ്ടി വരുമെന്നും സൂചിപ്പിച്ചു.
https://www.facebook.com/Malayalivartha