മൂന്നു കൊമ്പുകളുള്ള കലമാന് അത്ഭുതമാകുന്നു
മിഷിഗണില് സ്റ്റീവ് എന്നയാളുടെ ക്യാമറയില് പതിഞ്ഞ മൂന്ന് കൊമ്പുകളുള്ള കലമാന്റെ ചിത്രങ്ങള് പുറത്ത് വന്നു.
കലമാനുകള്ക്ക് സാധാരണ കൊമ്പുകള് പോലുള്ള രണ്ട് വളര്ച്ചകളാണ് മുളച്ച് വരാറുള്ളത്. മൂന്നാമത് ഒരെണ്ണം കൂടി ഉണ്ടാവുന്നത് അപൂര്വ്വമാണ്. വാസ്തവത്തില് ഇവ കൊമ്പുകളല്ല, ആന്റ്ലേര്സ് (മാന്കൊമ്പ്) എന്ന ശരീരഭാഗമാണ്. എല്ല് തൊലിയാല് മൂടപ്പെട്ട് ഉണ്ടാകുന്ന വളര്ച്ചയാണ് ഇത്. ഇവ ശിഖരങ്ങളായി പിരിഞ്ഞ് വളരും. ആന്റ്ലേര്സ് എന്ന ശരീരഭാഗം ഉള്ളതിനാലാണ് ആന്റിലോപ്പുകള് എന്ന് കലമാനുകളെ വിളിക്കുന്നത്. ആന്റ്ലേര്സ് എല്ലാ വര്ഷവും കൊഴിഞ്ഞു പോകുകയും പുതിയത് മുളച്ച് വരുകയും ചെയ്യും.
എന്നാല് കുളമ്പുള്ള മൃഗങ്ങളില് കാണുന്ന കൊമ്പുകള് എന്ന വളര്ച്ച ഒരിക്കലും പൊഴിഞ്ഞുപോകുന്നവയല്ല. അവ സ്ഥിരമായി ശരീരത്തിലുണ്ടാവും. അവയ്ക്ക് ശിഖരങ്ങളും ഉണ്ടാവില്ല.
മിഷിഗണ് ഉള്പ്പെടെയുള്ള ഏതാനും മേഖലകളില് ഉടന് തന്നെ മാനുകളുടെ റൈഫിള് സീസണ് ആരംഭിക്കുകയാണ്. ലൈസന്സ് എടുക്കുന്നവര്ക്ക് നവംബര് 25 മുതല് 2 മാസത്തേക്ക് ഈ വിഭാഗത്തില് പെട്ട വെള്ള വാലുള്ള മാനുകളെ വേട്ടയാടാം. മാനുകളുടെ അംഗസംഖ്യ കൂടുമ്പോള് നിയന്ത്രിക്കുന്നതിനായാണ് വനം വകുപ്പ് ഈ പദ്ധതി ആവിഷ്കരിച്ചിരിക്കുന്നത്.
വേട്ടക്കാരുടെ മുന്പില് ഈ മൂന്ന് കൊമ്പുള്ള മാന് പെടരുതേയെന്നാണ് അധികൃതര് പ്രാര്ത്ഥിക്കുന്നത്. അല്ലാത്തപക്ഷം ഈ മാനിനെ കണ്ടെത്തി പഠനം നടത്താനും അധികൃതര് ശ്രമിക്കുന്നുണ്ട്.
https://www.facebook.com/Malayalivartha
