ഫ്രഞ്ച് സ്വദേശി ഡീസ്മസ്യൂര് ഫ്ലോയുടെ മകന് പൊലീസ് പേരിട്ടു, ബാബുമോന്!
കൊവിഡ്-19 നിരീക്ഷണത്തില് കഴിയുന്ന വിദേശ യുവതി ഇറങ്ങി നടക്കുന്നുവെന്ന സന്ദേശത്തെ തുടര്ന്നുള്ള അന്വേഷണത്തില് എറണാകുളം മെഡിക്കല് കോളജിനു സമീപത്തു വച്ച് ഒരു ഫ്രഞ്ചുകാരിയെയും മകനെയും പൊലീസ് കണ്ടെത്തി. യാത്രയ്ക്കിടയില് പണമടങ്ങിയ ബാഗ് നഷ്ടപ്പെട്ട യുവതി അതിന്റെ വിഷമത്തിലിരിക്കുമ്പോഴാണ് പൊലീസ് എത്തുന്നത്.
കഴിഞ്ഞ 6 മാസമായി കേരളത്തിലുള്ള യുവതി മെഡിക്കല് കോളജില് പരിശോധനയ്ക്കെത്തിയിരുന്നു. യുവതിക്കു കോവിഡ് ലക്ഷണങ്ങളില്ലെന്ന് പിന്നീട് കണ്ടെത്തി.
രോഗമില്ലെന്നു കണ്ടെത്തിയ ഫ്രഞ്ച് സ്വദേശി ഡീസ്മസ്യൂര് ഫ്ലോയെയും മകനെയും എറണാകുളം സൗത്ത് റെയില്വേ സ്റ്റേഷനില് എത്തിച്ചത് കളമശ്ശേരി പൊലീസ് ആയിരുന്നു. പൊലീസുകാരുമായി അടുപ്പത്തിലായ കുട്ടി സ്റ്റേഷനിലെത്തിയത് അവരിലൊരാളിന്റെ ഒക്കത്തിരുന്നാണ്. കുട്ടിയുടെ യഥാര്ഥ പേര് ഉച്ചരിച്ചപ്പോള് 'നാക്ക് ഉളുക്കിയതിനാല് ' പൊലീസുകാര് കുട്ടിക്കൊരു പേരുമിട്ടിരുന്നു; ബാബുമോന്!
യുവതിക്ക് ആവശ്യമായ പണം ഫ്രഞ്ച് കോണ്സുലേറ്റില്നിന്ന് പൊലീസ് ഇടപെട്ട് മണി ട്രാന്സ്ഫര് വഴി ലഭ്യമാക്കി. പിന്നീട് ഇരുവരെയും ഡല്ഹിക്കുളള ട്രെയിനില് കയറ്റിവിട്ട ശേഷമാണു പൊലീസ് മടങ്ങിയത്.
https://www.facebook.com/Malayalivartha