ഏറ്റവും കൂടുതല് സമയം കറങ്ങുന്ന പമ്പരമെന്ന ഗിന്നസ് റിക്കാര്ഡ് ലിംപോ പമ്പരത്തിന്!
ലിയനാര്ഡോ ഡികാപ്രിയോ 'ഇന്സെപ്ഷന്' എന്ന വിഖ്യാത ഹോളിവുഡ് ചിത്രത്തില് അവതരിപ്പിച്ച നായക കഥാപാത്രം, താന് സ്വപ്നത്തിലാണോ അതോ ജീവിതത്തിലാണോ എന്നു തിരിച്ചറിയുന്നത് പമ്പരം കറക്കിയാണ്.
പമ്പരത്തിന്റെ കറക്കം അവസാനിക്കുന്നുവെങ്കില് താന് ജീവിതത്തിലാണെന്നും അതല്ല, മറിച്ചാണെങ്കില് സ്വപ്നത്തിലാണെന്നുമാണ് കക്ഷിയുടെ നിഗമനം. എന്നാല് ഫിയര്ലെസ് കമ്പനി അടുത്തിടെ നിര്മിച്ച 'ലിംപോ'എന്ന പമ്പരമാണ് ഡികാപ്രിയോ കറക്കിയിരുന്നതെങ്കില് ആകെ ചുറ്റിപ്പോയേനെ എന്നു പറയേണ്ടിവരും.
കാരണം, ലിംപോ പമ്പരത്തിന്റെ കറക്കം തീരാന് ഒരു ദിവസത്തിലേറെ സമയം പിടിക്കും. കൃത്യം പറഞ്ഞാല് 27 മണിക്കൂര്, 9 മിനിറ്റ്, 24 സെക്കന്ഡ്. ലോകത്തില് ഏറ്റവും കൂടുതല് സമയം കറങ്ങുന്ന പമ്പരമെന്ന ഗിന്നസ് റിക്കാര്ഡും ലിംപോ കഴിഞ്ഞ ദിവസം സ്വന്തമാക്കി.
കൂടുതല് സമയം കറങ്ങുമെന്നതു മാത്രമല്ല, പരുക്കന് പ്രതലങ്ങളിലും ശക്തിമാനെപ്പോലെ കറങ്ങാന് കഴിയുമെന്നതും ലിപോയുടെ പ്രതേകതയാണ്.
ഉള്ളില് ഘടിപ്പിച്ചിട്ടുള്ള അതിസൂക്ഷ്മ സെന്സറും ചെറു മോട്ടോറുമാണ് ഈ പമ്പരത്തെ സവിശേഷമാക്കുന്നത്. പമ്പരം വീഴുന്നതു മുന്കൂട്ടിക്കണ്ട് അതിനനുസരിച്ച് ഉള്ളില് മോട്ടോര് പ്രവര്ത്തിപ്പിച്ചാണ് ലിംപോ പമ്പരം വീഴ്ച ഒഴിവാക്കുന്നത്.
https://www.facebook.com/Malayalivartha
