ജ്ഞാനോദയം നല്കുന്ന ദിവ്യൗഷധം തേടിയുളള യാത്ര മരണത്തില് കലാശിച്ചു
ഒറ്റ പ്രസവത്തില് മൂന്ന് കുഞ്ഞുങ്ങള് ജനിച്ചു. ഇവര് മൂന്നുപേരും ഒരുമിച്ച് പഠിത്തവും തുടങ്ങി. എന്നാല് മുന്നുപേരില് ഒരാളായ കൈല്നോലന് ജൂനിയര് കോളേജില് വച്ച് പഠിപ്പു നിര്ത്തി. മറ്റു രണ്ടുപേരും തുടര്ന്നു പഠിക്കുകയും അവര് ഉയര്ച്ചകള് സ്വന്തമാക്കുകയും ചെയ്തു. എന്നാല് പഠിപ്പു നിര്ത്തി അമ്മയോടൊപ്പം കഴിയുകയായിരുന്ന കൈലിന് തന്റെ സഹോദരങ്ങളെ പോലെ ജീവിക്കാന് മോഹം തോന്നി. അതിനു വേണ്ടിയുള്ള കുറുക്കു വഴികള് കൈല് അന്വേഷിച്ചു. അന്വേഷണത്തിനൊടുവില് ഒരു ദിവ്യൗഷധത്തെകുറിച്ചറിഞ്ഞു. ആമസോണ് കാടുകളില് മാത്രം കിട്ടുന്ന \'ayahuasca\' (ഐയൂവാഹ്കൂ എന്നാണത്രേ ഉച്ചാരണം) എന്ന മരുന്ന് അവബോധത്തിനും കര്മ്മശേഷി വര്ദ്ധിപ്പിക്കാനും സഹായിക്കുമെന്നറിഞ്ഞ് അതേക്കുറിച്ചായി അന്വേഷണം. ജീവിതത്തില് എളുപ്പവഴികളില്ലെന്നും സ്വയം പ്രയത്നിച്ചാല് മാത്രമേ നല്ല നിലയില് എത്തൂയെന്ന് പറഞ്ഞ് അമ്മ പിന്തിരിപ്പിക്കാന് നോക്കി. പക്ഷേ കൈല് സ്വന്തം തീരുമാനത്തില് തന്നെ ഉറച്ചുനിന്നു. പണം കൊടുത്ത് ഉന്നത ജീവിത നിലവാരം സ്വന്തമാക്കാന് പോയ കൈലിന്റെ ജീവിതം എവിടെയാണ് എത്തിയതെന്ന് പറയുന്നു കൈലിന്റെ അമ്മ. ദിവ്യൗഷധം നല്കുന്ന പെറു-ആമസോണ് പ്രദേശത്തെ ഷിംബ്രോഷമാനിക് സെന്ററിന്റെ വെബ്സൈറ്റില് നിന്ന് വിവരങ്ങള് ശേഖരിച്ച് കൈല്
അവിടെ എത്തിച്ചേര്ന്നു. കൈല് 1900 ഡോളര് പണമായി അവിടെ നല്കി. അവിടുത്തെ പ്രത്യേക ചടങ്ങില് പങ്കെടുക്കാനുളള അനുമതിയും നേടി. ഐയൂവാഹ്കൂ-വിന്റെ മൂന്നാമത്തെ സെഷനു ശേഷം കൈല് തന്റെ അവിടത്തെ കുടിലില് നിന്നും പുറത്തിറങ്ങിയതേയില്ലത്രേ. ദിവസങ്ങളോളം മകനെക്കുറിച്ച് വിവരങ്ങള് ഒന്നും ലഭിക്കാതായപ്പോള് അമ്മ, കേന്ദ്രത്തിലേയ്ക്ക് വിളിച്ചന്വേഷിച്ചു. ഐയൂവാഹ്കൂ സെഷനുകള്ക്ക് നേതൃത്വം നല്കുന്ന ഷമാനുമായി സംസാരിച്ചപ്പോള് ഇവിടം മടുത്തിട്ട് കൈല് വീട്ടിലേയ്ക്ക് മടങ്ങി എന്നാണ് പറഞ്ഞത്. ആ പറഞ്ഞത് വിശ്വസിക്കാനാവാതെ അമ്മയും അവന്റെ സഹോദരിയും പെറുവിലെത്തി. ലോക്കല് പോലീസില് പരാതി നല്കിയതു കൂടാതെ, ആശുപത്രികള് ബാറുകള്, ടാക്സി ഡ്രൈവര്മാര് എന്നിങ്ങനെ പലവിധത്തില് അവര് അന്വേഷണം നടത്തി. എങ്കിലും ഫലമൊന്നും കാണാതെ അവര് കാലിഫോണിയായില് എത്തി. അല്പദിവസങ്ങള്ക്കുശേഷം കൈല് അവിടം വിട്ടുപോയി എന്ന് ഷമാന് നുണപറഞ്ഞതാണെന്ന് പോലീസിനോട് സമ്മതിച്ചുവെന്ന് പെറുവില് നിന്നും അവര്ക്ക് വിവരം ലഭിച്ചു. ഒരു കുറ്റിച്ചെടിയുടെ ചുവട്ടില് കൈലിനെ മരിച്ച നിലയില് കണ്ടപ്പോള് പരിഭ്രമിച്ച് ഷമാനും മറ്റു രണ്ടുപേരും ചേര്ന്ന് ഒരു മൈല് ദൂരത്തിനപ്പുറമുളള ഒരു റോഡില് അവനെയും അവന്റെ സാധനസാമഗ്രഹികളും മറവു ചെയ്യുകയായിരുന്നത്രേ. ഷാമാനേയും കൂട്ടരേയും പോലീസ് അറസ്റ്റ് ചെയ്തു. 5 വര്ഷം തടവ് ശിക്ഷയ്ക്ക് വിധിക്കുകയും ചെയ്തു.
പെറുവില് നിന്നുളള പോസ്റ്റ്മോര്ട്ടം റിപ്പോര്ട്ടില് ഒന്നും വ്യക്തമായിരുന്നില്ലെങ്കിലും ഐയൂവാഹ്കൂ അമിതമായി കഴിച്ചതിനെ തുടര്ന്നാണ് അവന് മരണമടഞ്ഞതെന്നാണ് ഷമാന്റെ അഭിപ്രായം. 2012 ഓഗസ്റ്റില് നടന്ന ഈ വിവരം കൈലിന്റെ അമ്മ ഇപ്പോള് സി.എന്.എന്-ഓട് വെളിപ്പെടുത്തിയപ്പോഴാണ് പുറംലോകം അിറയുന്നത്. എന്നാല് ഈ ഔഷധ ചികിത്സ തേടി അനേകം യുവാക്കള് പുറപ്പെടുന്നുണ്ട് എന്നതിനാല് ഇതേക്കുറിച്ച് വ്യക്തമായ ധാരണ എല്ലാവര്ക്കുമുണ്ടാകണം എന്നു വിചാരിച്ചിട്ടാണ് ഇത് ഇപ്പോള് വെളിപ്പെടുത്തുന്നത് എന്നാണ് കൈലിന്റെ അമ്മ ഓസ്വാള് പറയുന്നത്.
ഈ ഔഷധ ചികിത്സയ്ക്കു മുന്പ് മാസങ്ങളോളം ശരീരത്തെ ശുദ്ധിചെയ്യുന്ന പ്രക്രിയയുണ്ട്. എത്നോ ബൊട്ടാണിക്കല് സ്ഥാപനങ്ങള് എന്തെങ്കിലും ഔഷധഗുണങ്ങള് വാസ്തവത്തില് ഈ ഔഷധത്തിന് ഉണ്ടോ എന്ന് പഠിച്ചുവരികയാണ്. മാത്രമല്ല ഇതിനെ സംബന്ധിക്കുന്ന വിവരങ്ങളുമായി ഒരു ഹെല്ത്ത് ഗൈഡ് പുറത്തിറക്കാനും ഇവര് ശ്രമിക്കുന്നുണ്ട്.
ഐയൂവാഹ്കൂ ടൂറിസം എന്നൊരു മേഖല തന്നെ വിരസിച്ചു വരുന്നുണ്ട്. തന്മൂലം ഈ ഔഷധം സേവിക്കാന് വരുന്ന ടൂറിസ്റ്റുകളെ ബോധവല്ക്കരിക്കണമെന്നാണ് ഓസ്വാള് പറയുന്നത്. ഔഷധസേവനസമയത്ത് മെഡിക്കല് രംഗത്ത് അനുഭവ പരിചയമുളളവരുടെ മേല്നോട്ടം നിയമം മൂലം നിര്ബന്ധമാക്കണം എന്നും അവര് വാദിക്കുന്നു.
വിഭ്രാന്താനുഭവങ്ങള് ഉണ്ടാക്കുന്ന ഇതിനെ ഔഷധം എന്നു പറഞ്ഞു നല്കി വരുന്ന പ്രവണത ഉളളപ്പോള് ഏതു കാര്യത്തിനും പാര്ശ്വഫലങ്ങള് ഉണ്ടാകുമെന്നും ഇത്തരമൊരു ഔഷധസേവനത്തിന് കൂടെ ആരുമില്ലാതെ എത്തുന്നവരെ സ്വീകരിക്കാതിരിക്കണമെന്നും ഒക്കെയുളള ചിന്താഗതി വളര്ന്നു വരണമെന്ന് അവര് ആഗ്രഹിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha