അടിച്ചമർത്തലുകളെ വിജയം കൊണ്ട് കീഴടക്കി മേക്കപ്പ് രംഗത്ത് തരംഗം തീർത്ത് വിനീത് സീമ... പ്രതിസന്ധികൾ തരണം ചെയ്ത് മുന്നേറിയപ്പോൾ പകരം വയ്ക്കാനില്ലാത്ത നമ്പർ വൺ മേക്കപ്പ് ആർട്ടിസ്റ്റായി മാറി; ട്രാൻസ്ജെൻഡർ വിഭാഗത്തിൽപെട്ട ആളുകൾക്ക് പിന്തുടരാനുള്ള മികച്ച മാതൃകയായി വിനീത് സീമ
ട്രാൻസ്ജെൻഡർ വിഭാഗത്തിൽപെട്ട ആളുകൾക്ക് പിന്തുടരാനുള്ള മികച്ച മാതൃകയാണ് വിനീത് സീമയുടെ ജീവിതം. തന്റെ ഉള്ളിൽ ഒരു സ്ത്രീ ഉണ്ടെന്ന തിരിച്ചറിഞ്ഞ സമയം മുതൽ ഉള്ളിൽ വെമ്പൽ കൊണ്ടിരുന്നു.. പൂർണമായും തനിക്കും ഒരു സ്ത്രീയായി മാറണം. പ്രതിസന്ധികൾ തരണം ചെയ്യണമെങ്കിൽ ഇനി മുമ്പോട്ടുള്ള ദൂരം ഏറെയാണ്. എങ്കിലും നൃത്തവും അനുകരണവും ഒക്കെയായി തന്റേതായ ഒരിടം കണ്ടെത്തിയ വിനീത് പിന്നീട് ലിംഗമാറ്റ ശസ്ത്രക്രിയക്ക് വിധേയയായി സ്ത്രീ രൂപത്തിലേക്ക് മാറുകയായിരുന്നു. വിനീത് സീമ എന്ന പേര് സ്വീകരിച്ചു. എന്നാൽ തുടർന്നുള്ള നിലനിൽപ്പ് ഏറെ പ്രശ്നമായി. ജീവിക്കുന്നതിനായി പണം വേണം. എല്ലാം ആദ്യം മുതൽ തുടങ്ങണം.
സാധരണ ഒരു കുടുംബത്തിൽ പിറന്ന വിനീതിന്റെ വീട്ടുകാർക്ക് ഈ തീരുമാനം ഒട്ടും അംഗീകരിക്കാൻ കഴിഞ്ഞില്ല. ജീവിതത്തിൽ വളരെ ബുദ്ധിമുട്ടിയ സമയങ്ങൾ. തന്റെ കഴിവ് മനസിലാക്കിയ വിനീത് സീമ മേക്കപ്പ് രംഗത്ത് പരിചിതനായ ഒരു വ്യക്തിക്ക് കീഴിൽ പഠനം ആരംഭിച്ചു. പഠനം പൂർത്തിയാക്കിയ ആദ്യനാളുകളിൽ അൽപം ബുദ്ധിമുട്ട് ഉണ്ടായിരുന്നു.
ഒരു തുടക്കകാരി എന്ന നിലയിൽ കസ്റ്റമറെ കിട്ടാൻ നല്ല ബുദ്ധിമുട്ടായിരുന്നു. എന്നാൽ ചില വിവാഹ പാർട്ടികൾക്ക് വേണ്ടി വിനീത് സീമ വധുവിനെ അണിയിച്ചൊരുക്കിയത് ഏറെ ശ്രദ്ധിക്കപ്പെട്ടു. പിന്നീടങ്ങോട്ട് ഉയർച്ചയുടെ കാലമായിരുന്നു വിനീത് സീമയ്ക്ക്. രണ്ടു വർഷത്തിനുള്ളിൽ തിരുവനന്തപുരം നഗരത്തിന്റെ ഹൃദയഭാഗത്തായി രണ്ടു മേക്കപ്പ് സ്റ്റുഡിയോകൾ വിനീത് സീമ ആരംഭിച്ചു. വ്യത്യസ്തമായ മേക്കപ്പ് തന്നെയാണ് വിനീതിന്റെ പ്രത്യേകത. മറ്റുള്ളവർ മേക്കപ്പ് ചെയ്യുന്ന രീതികളെ പിന്തുടരാതെ സ്വന്തമായ രീതി വികസിപ്പിച്ചെടുത്താണ് വിനീത് മേക്കപ്പ് ചെയ്യുന്നത്.
ഇപ്പോൾ വിവാഹ മേക്കപ്പിനു ഏറ്റവും കൂടുതൽ ആരാധകരുള്ള മേക്കപ്പ് ആർട്ടിസ്റ്റ് ആണ് വിനീത് സീമ. കേരളത്തിനകത്തു നിന്നും പുറത്തു നിന്നും വിനീതിന്റെ ഡേറ്റ് തേടി ആളുകൾ എത്തുന്നു. മേക്കപ്പ് ആർട്ടിസ്റ്റ് ആയ ശേഷമാണ് വിനീത് ജീവിതത്തിലെ നല്ല നാളുകൾ കണ്ടു തുടങ്ങിയത്. വീട്, വാഹനം എന്നിവ സ്വന്തമാക്കി. ഒരു ജോലികിട്ടാൻ ആഗ്രഹിച്ചു നടന്ന വിനീത് സീമ ഇപ്പോൾ നിരവധിപ്പേർക്ക് ജോലി നൽകുന്നു. അവഗണനയിൽ നിന്നും സ്വപ്നങ്ങളുടെ ലോകത്തേയ്ക്ക് ജീവിതം എത്തിപിടിച്ച ട്രാൻസ്ജെൻഡർ വിനീത് സീമയുടെ ജീവിതം മികച്ച മാതൃകയായി മുന്നേറുകയാണ്.
https://www.facebook.com/Malayalivartha