സിവില് സര്വീസ് പരീക്ഷ നാലുതവണ തോറ്റിട്ടും ലക്ഷ്യം നേടും വരെ പരിശ്രമം തുടര്ന്ന മിഥുന്കുമാര് ഐ പി എസ്സ്
ക്ലാസില് പിന് ബെഞ്ചിലെ ഉഴപ്പന്മാരുടെ കൂട്ടത്തില് ആയിരുന്നു എന്നും മിഥുന്കുമാര്. പക്ഷേ ഇന്ന് അയാളുടെ പേരിന്റെ കൂടെ ഒരു എഞ്ചിനിയറിംഗ് ബിരുദവും ഐപിഎസ് എന്ന മൂന്നക്ഷരവും ചേര്ന്നിരിക്കുമ്പോള് കയ്യടിക്കണം. പലരും കളിയാക്കിയ ഈ യുവാവിന്റെ ജീവിതം എല്ലാവര്ക്കും ഒരു പ്രചോദനമാണ്. ഒരു പോരാട്ടത്തിന്റെ കഥയാണ് കര്ണാടകത്തില് നിന്നുള്ള ഐപിഎസ് ഉദ്യോഗസ്ഥനായ ജി.കെ.മിഥുന് കുമാറിന്റെ ജീവിതം.
സിവില് സര്വീസിനെക്കുറിച്ച് പഠിച്ചു കൊണ്ടിരുന്ന സമയത്ത് അയാള് ചിന്തിച്ചിട്ടുപോലുമില്ല. ബിരുദം നേടിയ ശേഷം സോഫ്റ്റ് വെയര് എന്ജിനിയറായി ആണ് ജോലി ആരംഭിച്ചത്. എന്നാല് ആ ജോലിയില് മിഥുന് സംതൃപ്തനായിരുന്നില്ല. മൂന്ന് വര്ഷങ്ങള്ക്കുശേഷം ജോലി രാജിവെച്ചു. നല്ലൊരു ജോലി ഉപേക്ഷിച്ച മിഥുനെ പലരും പരിഹസിച്ചു.
ആ നാളുകളിലാണ് മിഥുനെ ഒരു പൊലീസുകാരനാക്കണമെന്ന് അച്ഛന് മുന്പ് എങ്ങോ പറഞ്ഞ വാക്കുകള് അവന്റെ മനസില് ഒരു ചലനമുണ്ടാക്കിയത്. പൊലീസുകാരനില് നിന്ന് ഐപിഎസ് ഉദ്യോഗസ്ഥന് എന്നതിലേക്ക് ലക്ഷ്യം വളര്ന്നു. പിന്നെ കഠിന പ്രയത്നത്തിന്റെ നാളുകളായിരുന്നു. ആദ്യ നാലു തവണ പരീക്ഷയെഴുതി തോറ്റു. 2016-ല് അഞ്ചാം തവണ നൂറ്റിമുപ്പതാം റാങ്കോടെ മിഥുന് യുപിഎസ്സി പാസായി. മിഥുന് ഐ പി എസ് തിരഞ്ഞെടുക്കുകയും ചെയ്തു.
ഇതറിഞ്ഞപ്പോള് പലരും മിഥുനോടു ചോദിച്ചു, എന്തുകൊണ്ടാണ് ഐഎഎസ് തിരഞ്ഞെടുക്കാതിരുന്നത്? പൊലീസ് യൂണിഫോം നല്കുന്ന ആത്മവിശ്വാസമാണ് അതിനു പിന്നില്. ഈ യൂണിഫോം ധരിച്ച എന്റെ രൂപമായിരുന്നു എന്നും തന്റെ സ്വപ്നങ്ങളില് എന്നു മിഥുന് പറയുന്നു. ആ സ്വപ്നങ്ങളാണ് പോരാടാനും ജയിക്കാനും ഇയാള്ക്ക് ശക്തി പകര്ന്നത്.
https://www.facebook.com/Malayalivartha