സാഹസികതയുടെ പര്യായമായിരുന്ന സ്റ്റണ്ട് വുമണ് അന്തരിച്ചു
സാഹസികതയ്ക്ക് സ്ത്രീപുരുഷ ഭേദമില്ലെന്ന് റെക്കോര്ഡുകള് സ്ഥാപിച്ച് തെളിയിച്ച അമേരിക്കന് സ്റ്റണ്ട് വുമണ് കിറ്റി ഒ നീല് ഓര്മ്മയായി. 1970-കളിലെ പ്രശസ്തമായ ടെലിവിഷന് സീരീസ് വണ്ടര് വുമണില് ലിന്ഡ കാര്ട്ടറിനു വേണ്ടി സ്റ്റണ്ട് രംഗങ്ങളില് പ്രത്യക്ഷപ്പെട്ട പ്രശസ്തയായ വനിതയാണ് കിറ്റി. കരിയറില് പിന്നീടും സ്വന്തമായി റെക്കോര്ഡുകള് സ്ഥാപിച്ചു മുന്നേറിയ കിറ്റി ന്യൂമോണിയ രോഗത്തെത്തുടര്ന്ന് 72-ാം വയസ്സിലാണ് യാത്ര പറഞ്ഞത്.
അഞ്ചുമാസം മാത്രം പ്രായമുള്ളപ്പോള് കേള്വിശക്തി നഷ്ടപ്പെട്ട കിറ്റി, ദ് ബയോണിക് വുമണില് ലിന്ഡ്സേ വാഗ്നര്ക്കുവേണ്ടിയും സ്റ്റണ്ട് രംഗങ്ങളില് പ്രത്യക്ഷപ്പെട്ട് കയ്യടി നേടിയിരുന്നു. ഒന്നിനെയും തനിക്കു പേടിയില്ലെന്നു പലവട്ടം പ്രഖ്യാപിച്ചിട്ടുള്ള കിറ്റി, ഒരു സ്റ്റണ്ട് വുമണ് എന്നറിയപ്പെട്ടതില് അഭിമാനമുണ്ടെന്നും പറഞ്ഞിട്ടുണ്ട്. 1976-ലായിരുന്നു ലോകത്തെ അതിശയിപ്പിച്ച കിറ്റിയുടെ മാസ്മരികപ്രകടനം. ജീവിതത്തില് ഒരു ബാര്ബി ഡോളിന്റെ മാതൃകയാകാന് ഭാഗ്യം സിദ്ധിച്ച സ്ത്രീ കൂടിയാണ് കിറ്റി. ഹോളിവുഡ് സ്റ്റണ്ട് ഏജന്സിയായ സ്റ്റണ്ട്സ് അണ്ലിമിറ്റഡില് അംഗത്വം ലഭിച്ച ആദ്യ വനിതകൂടിയാണ് കിറ്റി.
സാഹസിക രംഗങ്ങളിലൂടെ പ്രേക്ഷകരുടെ മനം കവര്ന്ന കിറ്റി പിന്നീട് റേസിങ്ങിലേക്കു മാറി റെക്കോര്ഡുകളുടെ തോഴിയായി മാറി. മോട്ടിവേറ്റര് എന്ന റോക്കറ്റ് നിയന്ത്രിത വാഹനത്തില് മണിക്കൂറില് 512 മീറ്റര് വേഗതയില് സഞ്ചരിച്ചു നേടിയ കിറ്റിയുടെ റെക്കോര്ഡ് ഇതുവരെയും തകര്ക്കപ്പെട്ടിട്ടില്ല. സ്കോമി, ബഌ ബ്രദേഴ്സ്, ബാന്ഡിറ്റ് 2 എന്നിവയാണ് കിറ്റി പ്രശസ്തമാക്കിയ ചിത്രങ്ങളില് ചിലത്. സൈലന്റ് വിക്റ്ററി എന്ന 1979-ല് പ്രേക്ഷകരെ തേടിയെത്തിയ കിറ്റിയുടെ സ്വന്തം ജീവിതകഥയിലും അവര്ക്ക് സ്റ്റണ്ട് രംഗങ്ങളില് അഭിനയിക്കേണ്ടി വന്നു.
1978-ല് ഒരു ടെലിവിഷന് ഷോയുടെ ചിത്രീകരണത്തിനിടെ റോക്കറ്റ് നിയന്ത്രിത വാഹനത്തില് നിന്നു വീണ് കിറ്റിക്ക് അപകടം സംഭവിച്ചു. രണ്ടുവര്ഷത്തിനു ശേഷം അഭിനയത്തില് നിന്നും റേസിങ്ങില് നിന്നും വിരമിച്ച അവര് പിന്നീടുള്ള ജീവിതം കഴിച്ചു കൂട്ടിയത് അമേരിക്കയിലെ സൗത്ത് ഡക്കോട്ടയിലാണ്. ന്യൂമോണിയ ബാധിച്ച് വെള്ളിയാഴ്ച അന്ത്യശ്വാസം വലിച്ചതും ഡക്കോട്ടയില് വച്ചാണ്.
https://www.facebook.com/Malayalivartha