ജീവിച്ചിരുന്നത് ആറ് ദിവസമെങ്കിലും ഈ കുരുന്ന് പുതുജീവന് നല്കിയത് രണ്ടുപേര്ക്ക്
ജീവിച്ചിരുന്നത് വെറും ആറുദിവസം. എന്നാല് കരുന്ന് പോകുന്നതിന് മുമ്പ് പുതുജീവന് നല്കിയത് രണ്ട് പേര്ക്ക്. ബ്രിട്ടനിലെ ഏറ്റവും പ്രായംകുറഞ്ഞ അവയവ ദാതാവ് തന്റെ വൃക്കയും കരളിലെ കോശങ്ങളും ദാനം ചെയ്താണ് യാത്രയായത്.
ലണ്ടനിലെ ഹാമര്സ്മിത്ത് ആശുപത്രിയില് പിറന്നുവീഴുമ്പോള് മൂന്നുകിലോ തൂക്കം ഉണ്ടായിരുന്നു ഇവള്ക്ക്. പക്ഷേ ആരോഗ്യം അപകടാവസ്ഥയിലായിരുന്നു. ഗര്ഭാവസ്ഥയില് തലച്ചോറില് വേണ്ടത്ര ഓക്സിജന് ലഭിക്കാത്തതാണ് അവളെ മരണത്തിലെത്തിച്ചതെന്ന് ഡോക്ടര്മാര് പറഞ്ഞു. തങ്ങളുടെ പൊന്നോമന ഇനി കണ്ണ് തുറക്കില്ലന്നറിഞ്ഞ് അവളുടെ അവയവങ്ങള് ദാനം ചെയ്യാന് മാതാപിതാക്കള് സമ്മതം നല്കുകയായിരുന്നു.
കണ്ണൊന്നു ചിമ്മാതെ വിരലുകള് അനക്കാതെ ആറാംനാള് അവള് മരിക്കുമ്പോള് തന്റെ ന്യൂനതകളില്ലാതിരുന്ന വൃക്ക മറ്റൊരാളുടെ ജിവിതത്തിന്റെ ഭാഗമായിരുന്നു. കുഞ്ഞു ശരീരത്തില്നിന്ന് അവയവം നീക്കുന്നതും തുന്നിച്ചേര്ക്കുന്നതും ദുഷ്കരമാണെങ്കിലും ശിശുക്കളുടെ അവയവദാനം പ്രോല്സാഹിപ്പിക്കാന് ഈ സംഭവം ഞങ്ങള്ക്കു പ്രേരണ നല്കുന്നുവെന്ന് ശസ്ത്രക്രിയ സംഘത്തിലുണ്ടായിരുന്ന ഇന്ത്യന് വംശജനായ ഡോക്ടര് ഗൗരവ് അത്രേജ പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha