യുകെയിലെ ബ്രാഡ്‌ഫോര്‍ഡിലുള്ള കാതറീന്‍ ആറാഴ്ച പ്രായമുള്ളപ്പോള്‍ ദത്തെടുക്കപ്പെട്ടതാണ്. ആ വീട്ടില്‍ ഒരു അല്ലലുമില്ലാതെ രാജകുമാരിയെപ്പോലെയാണവളെ വളര്‍ത്തിയത്. എങ്കിലും ചെറുപ്പം മുതലെ പാവക്കുഞ്ഞുങ്ങളുമായി കളിക്കുന്നതിനേക്കാള്‍ ആണ്‍കുട്ടികള്‍ കളിക്കുന്ന കളികളില്‍ ഏര്‍പ്പെടാനായിരുന്നു കാതറീന് ഇഷ്ടം.

അതു കൂടാതെ സ്‌കൂളിലെ കലാ കായിക മത്സരങ്ങളില്‍ പങ്കെടുക്കുന്നവര്‍ക്ക് വസ്ത്രം മാറുന്നതിന് ഉണ്ടായിരുന്ന ഓപ്പണ്‍ ചേഞ്ചിംഗ് മുറികളില്‍ വച്ച് വസ്ത്രം മാറുന്നതിന് കാതറിന് വല്ലാത്ത വൈമുഖ്യമായിരുന്നു. കാരണം അവളുടെ ജനനേന്ദ്രിയ ഭാഗങ്ങള്‍ പൂര്‍ണ്ണമായും പെണ്‍കുട്ടിയുടേതെന്നു തോന്നുന്ന വിധത്തിലുള്ളതായിരുന്നില്ല. തന്മൂലം ധാരാളം കമന്റുകള്‍ കേള്‍ക്കേണ്ടി വന്നിട്ടുണ്ട്. ചുരുക്കത്തില്‍ ഒറ്റപ്പെട്ടു നടക്കാനായിരുന്നു താത്പര്യം.

ഇരുപതു വയസ്സെത്തിയപ്പോള്‍, ശരിയായ ശരീരത്തിനുള്ളിലല്ലാത്തതിന്റെ അസ്വസ്ഥതകള്‍ മാറ്റാന്‍ മയക്കുമരുന്നുകള്‍ ഉപയോഗിച്ചു തുടങ്ങി. \'ജെന്‍ഡര്‍ ഡിസ്‌ഫോറിയ\' എന്നാണ് ഈ മാനസികാവസ്ഥയുടെ പേര്. ചില പ്രണയങ്ങളൊക്കെ അപ്പോള്‍ തുടങ്ങിയെങ്കിലും, ശാരീരിക ബന്ധം പുലര്‍ത്താന്‍ കാതറീന് താത്പര്യമില്ലാത്തതിനാല്‍ അവയെല്ലാം പരാജയപ്പെട്ടു.

ഒടുവില്‍ ബസ് ഡ്രൈവര്‍ ആയി ജോലി നേടിയ കാതറിന്‍ അവിടെ വച്ചു പരിചയപ്പെട്ട മറ്റൊരു ഡ്രൈവറാണ് ഗ്രഹാം. അവളേക്കാള്‍ 20 വയസ്സിന് മുതിര്‍ന്നതായിരുന്നു ഗ്രഹാം. ആദ്യ ഭാര്യയില്‍ നിന്നും വേര്‍പിരിഞ്ഞ അയാള്‍ അസന്തുഷ്ടമായ മറ്റൊരു ജീവിതത്തിലായിരുന്നു. സൗഹൃദം തുടങ്ങി. കുറച്ചു നാളുകള്‍ക്കകം തന്നെ കാതറിന്‍ ഗ്രഹാമിനോടു പറഞ്ഞിരുന്നു. അവളുടെ സ്‌ത്രൈണ ലക്ഷണങ്ങളായ മാറിടങ്ങള്‍ അവള്‍ക്ക് ഇഷ്ടമില്ലെന്ന്. ഏതായാലും ആറു മാസം കഴിഞ്ഞപ്പോള്‍ അവര്‍ വിവാഹിതരായി. കുട്ടികളുണ്ടാകാന്‍ ആഗ്രഹിക്കുന്നില്ലെന്ന് അവള്‍ ഗ്രഹാമിനോട് തുറന്നു പറഞ്ഞിരുന്നു.

അതീവ സന്തോഷത്തോടെ ജീവിക്കവേ ശസ്ത്രക്രീയയിലൂടെ സ്ത്രീയായി മാറിയ ഒരു പുരുഷനെ കാതറിന്‍ പരിചയപ്പെട്ടു. തുടര്‍ന്ന് ഗ്രഹാമുമായി ചര്‍ച്ച ചെയ്തതിനുശേഷം ശസ്ത്രക്രിയയ്ക്കു വിധേയയായി. അങ്ങനെ ഗ്രഹാമിന്റെ ഭാര്യ കാതറിന്‍, കാഥന്‍ എന്ന പേരു സ്വീകരിച്ചു പുരുഷനായി. ഇപ്പോഴും രണ്ടു പേരും വേര്‍പിരിയാനാവാത്ത സ്‌നേഹബന്ധം തുടരുന്നു. കാഥനിനെ ഭാര്യ എന്നു പറയണോ പങ്കാളി എന്നു പറയണോ എന്ന ആശങ്ക മാത്രമേ ഇപ്പോള്‍ ഉള്ളത്രേ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha