വിജയന് സാറിന് അവാര്‍ഡ് ലഭിക്കുന്നത് നമുക്ക് ലഭിക്കുന്നത് പോലെ… മലയാളികള്‍ ആത്മാര്‍ത്ഥമായി വോട്ട് ചെയ്താല്‍ രണ്ടാമതുള്ള വിജയന് ഐപിഎസ് ഒന്നാമതെത്തും
മലയാളികളുടെ പ്രിയപ്പെട്ട ഐപിഎസ് ഉദ്യോഗസ്ഥന്‍ പി വിജയന് പേഴ്‌സണ്‍ ഓഫ് ദ ഇയര്‍ പുരസ്‌കാരത്തിന് തൊട്ടരുകില്‍. ദേശീയ ചാനലായ സിഎന്‍എന്‍ ഐബിഎന്‍ ചാനല്‍ നല്‍കുന്ന പേഴ്‌സണ്‍ ഓഫ് ദ ഇയര്‍ പുരസ്‌ക്കാരത്തിന്റെ വോട്ടെടുപ്പില്‍ പി വിജയന് രണ്ടാം സ്ഥാനത്തെത്തി. ഒന്നാം സ്ഥാനത്തുള്ളത് തെലുങ്കാനയുടെ മുഖ്യമന്ത്രിയായ കെ. ചന്ദ്രശേഖര റാവുവാണ്.
ഒന്നാം സ്ഥാനത്തുള്ള ചന്ദ്രശേഖര റാവുവിന് 31 ശതമാനം വോട്ടുകളാണുള്ളത്. തൊട്ടു പുറകിലുള്ള പി വിജയന് 21 ശതമാനം വോട്ടുകളുണ്ട്. മൂന്നാം സ്ഥാനത്തുള്ള സല്‍മാന്‍ ഖാന് 7 ശതമാനവും അമീര്‍ഖാന് 6 ശതമാനവും വോട്ടുകള്‍ മാത്രമാണുള്ളത്. പബ്ലിക് സര്‍വീസ് വിഭാഗത്തില്‍ പ്രേക്ഷകരുടെ വോട്ടിംഗില്‍ പ്രശസ്തരെ പുറകിലാക്കിയാണ് വിജയന് മുന്നിലെത്തിയിരിക്കുന്നത്.
കല്ലുവെട്ടിയും മണ്ണ് ചുമന്നുമാണ് ഈ സാധാരണക്കാരന്‍ ഐപിഎസിന്റെ പടികയറി ഇന്ന് ഡിഐജി സ്ഥാനത്തിരിക്കുന്നത്. ഈ ഐപിഎസ് ഓഫീസറുടെ കഥ ആരെയും ആവേശം കൊള്ളിക്കുന്നതാണ്.
പൊലീസ് ഉദ്യോഗസ്ഥര്‍ക്കിടയിലെ സൗമ്യ വ്യക്തിത്വത്തിന് ഉടമയായ വിജയന് ദീര്‍ഘമായ തന്റെ പൊലീസ് ജീവിതത്തില്‍ കറപുരളാത്ത വ്യക്തിത്വം കൂടിയാണ്.
കോഴിക്കോട് പന്തീരങ്കാവ് സ്വദേശിയായ വിജയന് പൊലീസ് സര്‍വീസില്‍ എത്തിയത് കഠിനാധ്വാനം കൊണ്ടു മാത്രമാണ്. വിജയന് തടസമായി നിന്നത് പണമായിരുന്നു. എന്നാല്‍ തോല്‍ക്കാന്‍ മനസില്ലാത്തതിനാല്‍ കല്ലും മണ്ണും ചുമന്ന് പണം സമ്പാദിച്ചാണ് ഒടുവില്‍ പോലീസ് സേനയിലെ ഉന്നതിയില്‍ എത്തിയത്. ദാരിദ്ര്യം കാരണം പത്താംക്ലാസില്‍ വച്ച് പഠനം ഉപേക്ഷിക്കേണ്ട ഘട്ടത്തില്‍ നിന്നാണ് വിജയന്റെ ഈ വിജയം. കേരള പോലീസില്‍ സ്തുത്യര്‍ഹമായ സേവനമാണ് പി വിജയനുള്ളത്.
ഈ മാസം 31 വരെ വോട്ട് ചെയ്യാന്‍ പറ്റും. ഒരാഴ്ച ബാക്കി നില്‍ക്കേ പി വിജയന് 10 ശതമാനം വോട്ട് മിറകടക്കാന്‍ പറ്റുമെന്ന് തന്നെയാണ് വിശ്വാസം. അതിന് മലയാളികളുടെ ആത്മാര്‍ത്ഥമായ പിന്തുണ മാത്രം മതി. അമേരിക്കന്‍ സൈറ്റുകളേയും ന്യൂയോര്‍ക്ക് ടൈസിനേയും മുട്ടുകുത്തിച്ചവരാണ് മലയാളികള്‍. സൈബര്‍ ലോകത്ത് ശക്തരായ മലയാളികള്‍ ഒത്തൊരുമിച്ചാല്‍ പി വിജയന് ഒന്നാം സ്ഥാനത്തെത്തും. വിജയന് പിന്തുണയുമായി പ്രിയനടന്‍ മമ്മൂട്ടി, മഞ്ജു വാര്യര്‍ തുടങ്ങിയ പ്രമുഖര്‍ നേരത്തെ തന്നെ രംഗത്തെത്തിയിരുന്നു.
വിജയന്റെ വിജയം സാധാരണക്കാരുടെ വിജയമാണ്. അതിനാല്‍ നമുക്ക് ഒത്തൊരുമിക്കാം, നമ്മുടെ സ്വന്തം വിജയന് സാറിനെ പേഴ്‌സണ്‍ ഓഫ് ദ ഇയര്‍ ആക്കാന്‍.
പി വിജയന് വോട്ട് ചെയ്യേണ്ടത് ഇപ്രകാരമാണ്. ആദ്യമായി ഈ ഫേസ് ബുക്ക് ലിങ്കില്‍ കയറുക.വോട്ട് ചെയ്യാന്‍ ഇവിടെ ക്ലിക്ക് ചെയ്യുക
നോമിനിയില്‍ പബ്ലിക് സര്‍വീസ് ക്ലിക്ക് ചെയ്യുമ്പോള്‍ ഏറ്റവും അവസാനമായി പി വിജയനെ കാണാം. അവിടെ കാണുന്ന
vote by sharing ക്ലിക്ക് ചെയ്താല്‍ മറ്റൊരു വിന്‍ഡോ വരും അപ്പോള്‍ വോട്ട് ചെയ്യാവുന്നതാണ്
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
