യുഎസ് പ്രസിഡന്റ് ബാരക് ഒബാമ സാധാരണക്കാരുടെ ഹൃദയങ്ങളിലേക്കു കൂടി ചേക്കേറുന്നു. കുടയും ചൂടി റിപ്പബ്ലിക് ദിന ചടങ്ങുകള്‍ വീക്ഷിക്കുന്ന ഒബാമയുടെ ചിത്രങ്ങള്‍ ഗ്രാമങ്ങളില്‍ പോലും ചര്‍ച്ചയാകുകയാണ്. ഗ്രാമങ്ങളിലെ സാധാരണക്കാര്‍ പോലും ഒബാമയെക്കാണാന്‍ ടിവിയുടെ മുമ്പിലാണ്. ഒബാമയും മോഡിയും തമ്മിലുള്ള ബന്ധവും ജനങ്ങള്‍ക്ക് ആവേശം തന്നെയാണ്.

ഇന്ന് നടന്ന റിപ്പബ്ലിക് ദിന പരേഡിനിടെ പെയ്ത നേരിയ ചാറ്റല്‍മഴ ഒബാമ അത്ഭുതത്തോടെയാണ് വീക്ഷിച്ചത്. ഒട്ടും പ്രതീക്ഷിക്കാതെ വന്ന മഴയുടെ സൗന്ദര്യം ഒബാമ ശരിക്കും ആസ്വദിച്ചു. സുരക്ഷാ ഉദ്യാഗസ്ഥര്‍ പുറകില്‍ നിന്നും കുട പിടിച്ചു കൊടുത്തെങ്കിലും ഒബാമ ആ കുട വാങ്ങി സ്വയം പിടിച്ചു. കുടയും പിടിച്ചു നില്‍ക്കുന്ന ഒബാമ അങ്ങനെ ചരിത്രത്തിന്റെ ഭാഗമായി. സ്വന്തമായി കുട ചൂടി ഉപരാഷ്ട്രപതി ഹമീദ് അന്‍സാരിയോട് കുശലം പറയുകയും ചെയ്തു.
പ്രധാനമന്ത്രി മോഡിക്കും മറ്റ് മന്ത്രിമാര്‍ക്കുമെല്ലാം സുരക്ഷ ഉദ്യോഗസ്ഥര്‍ കുട ചൂടിക്കൊടുത്തു. പരേഡിന്റെ തുടക്കത്തില്‍ സൈനികര്‍ ഉള്‍പ്പെടെയുള്ള എല്ലാവരും മഴയും നനഞ്ഞാണ് വന്നത്. മഴയിലും പരേഡിന്റെ ആവേശം കുറഞ്ഞില്ല. മാത്രമല്ല ഒബാമ കൂടി മഴ ആസ്വദിച്ചതോടെ. വിളിക്കാതെ എത്തിയ നല്ലൊരു അതിഥിയായി മാറി മഴ. ആ മഴയുടെ ഭാവം ഒബാമ ശരിക്കും ആസ്വദിച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha