സരിതാ നായര്‍ എന്ന പേര് കേട്ടാല്‍ ആര്‍ക്കാണ് അറിയാത്തത്. സരിതയെ ഒരു കൊച്ച് കുട്ടിയ്ക്ക് പോലും അറിയാം. 2013 മുതല്‍ സരിത എന്ന ഈ സ്ത്രീ കഥാപാത്രം പത്രങ്ങളിലും ടിവി ചേനലുകളിലും നിറഞ്ഞ് നില്‍ക്കുകയാണല്ലോ. ഏറെ വിവാദമായ സോളാര്‍ കേസിന്റെ മുഖ്യ കഥാപാത്രമായ സരിതാ ജനങ്ങളില്‍ നിന്നും പല രീതിയിലുള്ള അവഗണനകളും പരിഹാസങ്ങളും നിരന്തരം കേള്‍ക്കുന്നു. ഒരു യുവനടന്‍ സരിതയെ ടമര്‍ പഠാര്‍ എന്ന് വിശേഷിപ്പിച്ചതാണ് സരിതയെ ഇപ്പോള്‍ ആകെ അലട്ടിയിരിക്കുന്നത്. യൂ ട്യൂബില്‍ സരിത ഇതിനെതിരെ ശക്തമായി പ്രതികരിച്ചിരുന്നു. സ്ത്രീയെന്ന രീതിയില്‍ അനുഭവിക്കുന്ന മാനസിക സംഘര്‍ഷത്തെക്കുറിച്ചും സിനിമാ അഭിനയത്തെക്കുറിച്ചും വാട്ട്‌സ് ആപ്പ് വിവാദത്തെക്കുറിച്ചും ഒരു പ്രമുഖ ഓണ്‍ലൈന്‍ പത്രത്തിന് നല്‍കിയ അഭിമുഖത്തില്‍ മനസ്സ് തുറന്നു പറയുന്നു.
ഞാനൊരു സ്ത്രീയാണെന്ന പരിഗണന ആരും എനിക്ക് തന്നിട്ടില്ല. എവിടെ പോയാലും മോശമായ രീതിയില്‍ എന്നെ കാണുന്നവരാണ് പലരുമെന്നും സരിത പറയുന്നു. സരിതയെ എന്ത് കൊണ്ടാണ് വേശ്യയായി കേരളത്തിലെ ആണുങ്ങള്‍ കാണുന്നത് ? പരിഹാസങ്ങളില്‍ നിന്നുമെല്ലാം മാറി നില്‍ക്കാന്‍ വേണ്ടി ഹോട്ടലില്‍ മുറിയെടുത്തപ്പോള്‍ മറക്കാനാകാത്ത അനുഭവം ഉണ്ടായെന്നും സരിത പറയുന്നു. ഏതെങ്കിലും ഹോട്ടലില്‍ മുറിയെടുത്താല്‍ ഞാനാണ് അകത്തെന്ന് അറിഞ്ഞ് രാവ് പുലരും വരെ പുറത്ത് മുട്ടിയവരുണ്ട്. മുട്ട് കേട്ട് ഉറങ്ങാതെ കട്ടിലില്‍ ഇരുന്ന് രാത്രി വെളുപ്പിച്ച ഒരുപാട് സന്ദര്‍ഭങ്ങളുമുണ്ട്. സോളര്‍ കേസ് വന്നു എന്നു പറഞ്ഞ് എന്നെ വേശ്യയായി മുദ്ര കുത്തുന്നത് എനിക്ക് സഹിക്കാന്‍ പറ്റില്ലയെന്നും സരിത പറയുന്നു.
സരിതയ്‌ക്കെതിരെ ഏറ്റവും ഒടുവിലുണ്ടായ സംഭവമാണ് യുവനടന്‍ നീരജ് മാധവന്‍ സരിതയെ ടമര്‍ പഠാര്‍ എന്ന് മോശമായി വിളിച്ചത്. നീരജ് മാധവന്‍ തന്നെ വേശ്യയായി ചിത്രീകരിച്ചത് സഹിക്കാനായില്ലെന്ന് സരിത പറയുന്നു. എന്നാല്‍ ഈ സംഭവത്തില്‍ നീരജ് മാധവന് സരിത തക്കതായ മറുപടി നല്‍കുകയും ചെയ്തു. എല്ലാ മലയാളികള്‍ക്കും അറിയാവുന്നത് പോലെ പടക്കം അഥവാ വേശ്യ എന്ന് അര്‍ഥം വരുന്ന വാക്കാണിത്. നീരജ് മാധവിനൊപ്പം ഞാന്‍ കിടന്നിട്ടില്ല, അദ്ദേഹം അഭിനയിച്ച സിനിമയിലെ തിരക്കഥാകൃത്തിനൊപ്പവും പോയിട്ടില്ല. പിന്നെ എന്ത് സാഹചര്യത്തിലാണ് അങ്ങനെ വിളിക്കുന്നത്.
ഈ നാട്ടിലെ ചെറിയ കുഞ്ഞുങ്ങള്‍ക്കു വരെ ഇപ്പോള്‍ എന്നെ അറിയാം. കേസിന്റെ ആവശ്യത്തിന് ബസ്സിലും ട്രെയിനിലും ഒന്നും യാത്രചെയ്യാന്‍ പറ്റാത്ത അവസ്ഥയാണിപ്പോളെന്നും സരിത പറയുന്നു. ഇത്തരത്തിലുള്ള അധിക്ഷേപങ്ങള്‍ എന്റെ കുഞ്ഞുങ്ങളെയാണ് പ്രധാനമായി ബാധിക്കുന്നത്. അതെന്താ ആരും മനസിലാക്കത്തതെന്നും സരിത ചോദിക്കുന്നു. ഷോര്‍ട്ട്ഫിലിമില്‍ അഭിനയിക്കുന്നതിനെ കുറിച്ചും ചേനല്‍ പരിപാടികള്‍ അഭിനയിക്കുന്നതിനെ കുറിച്ചും സരിത പറയുന്നത് ഇങ്ങനെ, സോളാര്‍ വിഷയത്തില്‍ കോടികള്‍ എന്റെ കൈയില്‍ കിട്ടിയെന്നാണ് പലരും പറയുന്നത്. 
എന്നാല്‍, അതെല്ലാം തെറ്റിദ്ധാരണ മാത്രമാണ്. എന്റെ കൈയ്യില്‍ ഒരു കോടിയും കിട്ടിയിട്ടില്ല. സോളാര്‍ കേസ് അനുസരിച്ച് അഞ്ചു കോടി ഇരുപത്തിയഞ്ചു ലക്ഷം രൂപയാണ് വെട്ടിച്ചിരിക്കുന്നത്. ഈ പറയുന്നതില്‍ രണ്ടര കോടിയിലധികം രൂപ എന്റെ സ്വത്തും വസ്തുക്കളും വിറ്റ് ഞാന്‍ വീട്ടി. ഇനി രണ്ടു കോടി ബാക്കിയുണ്ട്. അത് ഓരോ മാസവും ടിവി ഷോയില്‍ പങ്കെടുത്തും, ഷോര്‍ട്ട് ഫിലിമില്‍ അഭിനയിച്ചും, സ്വന്തമായി സാരി ഡിസൈന്‍ ചെയ്ത് കൊടുത്തുമാണ് വീട്ടുന്നത്. സാരി ഡിസൈനിങ്ങിന്റെ യൂണിറ്റ് തുടങ്ങിയിട്ടുണ്ട്.
മക്കളുടെ ഫീസ് ഉള്‍പ്പടെ ഇരുപതിനായിരം രൂപ മാത്രമാണ് വീട്ടുചെലവ്. അതു കഴിഞ്ഞ് ബാക്കിയുള്ളതെല്ലാം കടം വീട്ടുകയാണെന്ന് സരിത പറയുന്നു. എന്റെ ജീവിതം നശിക്കാന്‍ കാരണമായത് ബിജുരാധകൃഷ്ണനാണെന്ന് സരിത വീണ്ടും വ്യക്തമാക്കുന്നു. സരിതയുടെ ആദ്യ വിവാഹമോചനത്തിനുള്ള കാരണക്കാരന്‍ ബിജു രാധാകൃഷ്ണനാണെന്നും സരിത പറഞ്ഞു. സരിതയുടെ കുഞ്ഞിന്റെ അച്ഛന്‍ ആരാണെന്നും സൂചിപ്പിക്കുന്നു. എന്നാല്‍ ഇപ്പോഴും പേര് വെളിപ്പെടുത്താന്‍ സരിത തയാറാകുന്നില്ല.
കേരളത്തിലെ ഒരു രാഷ്ട്രീയ പ്രമുഖനാണ് എന്റെ കുഞ്ഞിന്റെ അച്ഛന്‍. ഞങ്ങള്‍ തമ്മില്‍ നിയമപരമായി വിവാഹം കഴിച്ചിട്ടില്ല. പക്ഷെ അദ്ദേഹം ആരാണെന്ന് ഞാന്‍ പറയില്ല. അദ്ദേഹത്തിന്റെ ഇമേജിനെ ബാധിക്കുന്നതൊന്നും ചെയ്യാനും ഉദ്ദേശിച്ചിട്ടില്ലെന്നും സരിത പറയുന്നു. ഇനി സിനിമയിലേക്കും മറ്റ് ചേനല്‍ പരിപാടികളിലും സജീവമാകാനാണ് സരിതയുടെ തീരുമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha