ഗാസയില് ജീവകാരുണ്യ സഹായം എത്തിക്കാനുള്ള പ്രധാന ഇടനാഴിയായ കരേം ഷാലോം അടച്ച് ഇസ്രയേല്....
ഗാസയില് ജീവകാരുണ്യ സഹായം എത്തിക്കാനുള്ള പ്രധാന ഇടനാഴിയായ കരേം ഷാലോം അടച്ച് ഇസ്രയേല്. ട്രക്കുകള് കടന്നുപോകാനായി അനുവദിക്കില്ലെന്ന് ഇസ്രയേല് സൈന്യം. ഹമാസ് ആക്രമിച്ചുവെന്ന് ആരോപിച്ചാണ് നടപടി. ഈജിപ്തിലെ കെയ്റോയില് വെടിനിര്ത്തല് ചര്ച്ചകള് പുരോഗമിക്കുകയാണ്.
സ്ഥിരമായ വെടിനിര്ത്തല് വേണമെന്ന് ഹമാസ് ആവശ്യപ്പെട്ടിട്ടുണ്ട്. എന്നാല് ഹമാസിന്റെ ആവശ്യങ്ങള് അംഗീകരിക്കാനാകില്ലെന്ന് ഇസ്രയേല് പ്രധാനമന്ത്രി ബെന്യാമിന് നെതന്യാഹു .
അതേസമയം ഇസ്രയേലില് നെതന്യാഹുവിനെതിരെ പ്രതിഷേധം ശക്തമാണ്. ഗാസയിലെ ഇസ്രയേല് ബന്ദികളെ മോചിപ്പിക്കാന് ഹമാസുമായി കരാറിലെത്തണമെന്ന് ആവശ്യപ്പെട്ട് പതിനായിരങ്ങള് ടെല് അവീവില് തെരുവിലിറങ്ങി.
ഇസ്രയേലിന് ആയുധം നല്കുന്നത് നിര്ത്തണമെന്ന് ആവശ്യപ്പെട്ട് അമേരിക്കയിലെ മിഷിഗണ് സര്വകലാശാലയില് വിദ്യാര്ഥികള് ബിരുദദാന ചടങ്ങ് തടസ്സപ്പെടുത്തി. പലസ്തീന് പതാകയേന്തി മുദ്രാവാക്യം വിളിച്ചു. ലോകത്തെ വിവിധ സര്വകലാശാലകളില് പലസ്തീന് അനുകൂല സമരം തുടരുകയാണ്.
https://www.facebook.com/Malayalivartha