കൂട്ടബലാത്സംഗത്തിന്റെ രാജ്യമാണ് ഇന്ത്യയെന്നാണ് പല വിദേശ രാജ്യങ്ങളും ഇന്ത്യയെ വിശേഷിപ്പിക്കുന്നത്. ഇന്ത്യയില്‍ പെണ്‍കുട്ടികളെ സ്വതന്ത്രമായി ഒറ്റയ്ക്ക് വിടാന്‍ കഴിയില്ലെന്നും വിദേശികള്‍ പറയുന്നു. അതോടൊപ്പം തന്നെ ഇന്ത്യയിലെ ആണ്‍കുട്ടികളെ പലരും ഭയപ്പെടുന്നു. ഇന്ത്യയില്‍ സ്ത്രീകള്‍ തുടരെ മാനഭംഗത്തിന് ഇരയാകുന്നുവെന്ന വാര്‍ത്തകളെ തുടര്‍ന്ന്  ഇന്ത്യന്‍ വിദ്യാര്‍ത്ഥികള്‍ക്ക് യൂറോപ്പിലെ സര്‍വകലാശാലകളില്‍ പ്രവേശനം നിഷേധിക്കപ്പെടുന്നതായാണ് റിപ്പോര്‍ട്ടുകള്‍. ജര്‍മനിയിലെ പ്രശസ്തമായ ലീപ്‌സിഗ് സര്‍വകലാശാലയിലാണ് വിദ്യാര്‍ത്ഥികള്‍ക്ക് പ്രവേശനം നിഷേധിച്ചത്. സര്‍വകലാശാലയിലെ വനിതാ പ്രൊഫസര്‍ പരസ്യമായിത്തന്നെ ഇക്കാര്യം വ്യക്തമാക്കുകയാണ് ചെയ്തതെന്നാണ് അറിയുന്നത്. എന്നാല്‍ ഈ സംഭവം വിവാദമായപ്പോള്‍ അദ്ധ്യാപിക മാപ്പു പറയുകയാണ് ചെയ്തത്.
പല രാജ്യങ്ങളും ഇന്ത്യയില്‍നിന്നുള്ള ആണ്‍കുട്ടികള്‍ക്ക് പ്രവേശനം നിഷേധിക്കുന്ന തരത്തില്‍ നടപടികള്‍ സ്വീകരിക്കുന്നുവെന്നാണ് സൂചന. പെണ്‍കുട്ടികള്‍ക്ക് പക്ഷേ തടസമൊന്നുമില്ല. യൂറോപ്പിലെ ശക്തമായ വനിതാ സംഘടനകളും ഈ നിലപാടിനെ പിന്തുണയ്ക്കുന്നുണ്ടെന്നാണ് റിപ്പോര്‍ട്ടുകള്‍. ലീപ്‌സിഗ് സര്‍വകലാശാലയില്‍ ബയോകെമിസ്ട്രിയില്‍ പരിശീലനത്തിന് അപേക്ഷ നല്‍കിയ ഒരു വിദ്യാര്‍ത്ഥിയോട് വകുപ്പുമേധാവിയായ പ്രൊഫ. ആനറ്റ് ജി ബെക്ക്‌സിക്കിംഗര്‍ പറഞ്ഞത് തന്റെ ഡിപ്പാര്‍ട്ട്‌മെന്റില്‍ ധാരാളം പെണ്‍കുട്ടികളുണ്ടെന്നും അവിടെ ഒരു ഇന്ത്യന്‍ വിദ്യാര്‍ത്ഥിയെ പ്രവേശിപ്പിക്കാനാവില്ലെന്നുമാണ്. പ്രൊഫ. ആനറ്റ് അയച്ച ഇ മെയില്‍ സന്ദേശങ്ങള്‍ വിദ്യാര്‍ത്ഥി പരസ്യപ്പെടുത്തിയതോടെയാണ് വിവാദം കത്തിപ്പടര്‍ന്നത്.
പക്ഷേ ഇന്ത്യയിലെ ജര്‍മ്മന്‍ സ്ഥാനപതി മൈക്കേല്‍ സ്‌റ്റെയ്‌നര്‍ സംഭവത്തെ അപലപിക്കുകയും മാനഭംഗം തടയാനായി ഇന്ത്യ സ്വീകരിച്ചിട്ടുള്ള നടപടികളെ പ്രശംസിക്കുകയും ചെയ്തിട്ടുണ്ട്. ആനറ്റിന്റെ പരാമര്‍ശം ഇങ്ങനെയായിരുന്നു: \' നിര്‍ഭാഗ്യവശാല്‍ ഞാന്‍ ഇന്ത്യയില്‍നിന്നുള്ള ആണ്‍കുട്ടികളെ പരിശീലനത്തിന് സ്വീകരിക്കാറില്ല. ഇന്ത്യയില്‍നിന്ന് കേള്‍ക്കുന്ന മാനഭംഗ വാര്‍ത്തകളെ ഞാന്‍ പിന്തുണയ്ക്കുന്നില്ല. എന്റെ സംഘത്തില്‍ ധാരാളം പെണ്‍കുട്ടികളുണ്ട്. അതുകൊണ്ടുതന്നെ എനിക്ക് ഇതൊന്നും അംഗീകരിക്കാന്‍ കഴിയുന്നില്ല.\'

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha