സോളാര്‍ അഴിമതി പുറത്ത് വന്നതോടെ ജനങ്ങളുടെയിടയിലും മാധ്യമങ്ങള്‍ക്കും മുന്നില്‍ താരമായത് വേറെ ആരുമല്ല. സാക്ഷാല്‍ സരിത.എസ്. നായര്‍ തന്നെ. ചോദിച്ചാല്‍ കൊച്ച് കുട്ടികള്‍ക്ക് പോലും അറിയാം ആരാണ് സരിതയെന്ന്. വിവാദങ്ങളുടെയിടയില്‍ യാതൊരു കൂസലുമില്ലാതെ സരിത മാധ്യമങ്ങള്‍ക്ക് മുന്നില്‍ വന്നു. സോളാര്‍ അഴിമതി വന്നപാടെ

 സരിതയെ പരിഹസിക്കാന്‍ നിരവധി പേര്‍ മുന്നോട്ടെത്തി. പരിഹാസങ്ങളും കുത്തുവാക്കുകളും പ്രതിഷേധങ്ങളും വകവയ്ക്കാതെ സരിത ധൈര്യത്തോടെ നടന്നു. എന്നാല്‍ സരിതയ്ക്ക് എപ്പോഴോ രാഷ്ട്രീയത്തിലേക്ക് കടന്ന് വരണമെന്നൊരു ആഗ്രഹം മനസില്‍ ഉദിച്ചു. രാഷ്ട്രീയത്തിലേക്ക് കടന്ന് വരാന്‍ എന്തെല്ലാം മാര്‍ഗങ്ങളുണ്ടെന്ന് സരിത ഒന്ന് ചിന്തിച്ചു. അതിനായി സരിത തിരഞ്ഞെടുത്ത വഴികളാണ് ടിവി ഷോകളും, മറ്റ് വിവാദങ്ങളും.
ഒരുപക്ഷേ, ഉമ്മന്‍ ചാണ്ടി എന്ന മഹത് വ്യക്തിത്വത്തെ പോലെ ആകാന്‍ സരിത ആഗ്രഹിച്ച് കാണണം. സോളാര്‍ കേസില്‍ പരാതിക്കാര്‍ക്കു പണം മടക്കി നല്‍കി സരിത കോടതിക്കു പുറത്ത് കേസുകള്‍ ഒത്തു തീര്‍പ്പാക്കുന്നത് രാഷ്ട്രീയ മോഹങ്ങളുമായാണെന്നാണ് സൂചന. പണം മുടക്കി കേസുകള്‍ തീര്‍ത്താലും കുഴപ്പമില്ല. രാഷ്ട്രീയത്തിലേക്കുള്ള പ്രവേശനം എളുപ്പത്തിലാകുമെന്നാണ് സരിതയുടെ വിചാരം. സരിതയുടെ കള്ളത്തരങ്ങളില്‍ ചില മാധ്യമപ്രവര്‍ത്തകര്‍ വീണിട്ടുണ്ടെന്നാണ് അറിയുന്നത്. മാധ്യമ പ്രവര്‍ത്തകരെയെങ്കിലും സ്വാധീനിച്ച് എങ്ങനെയെങ്കിലും രാഷ്ട്രീയത്തിലേക്ക് കടക്കാമെന്നാണ് സരിതയുടെ മോഹം.
തദ്ദേശ തെരഞ്ഞെടുപ്പിന് മുമ്പ് എല്ലാം നടക്കുമെന്നാണ് സരിത പ്രതീക്ഷിക്കുന്നത്. കോന്നിയിലെ മല്ലേലില്‍ ക്രഷര്‍ യൂണിറ്റ് ഉടമ ശ്രീധരന്‍ നായര്‍ നല്‍കിയ കേസും ആറന്മുള സ്‌റ്റേഷനില്‍ ബാബുരാജ് നല്‍കിയ കേസും മാത്രമാണ് ഇനി സരിതയ്ക്ക് ഒത്തുതീര്‍പ്പാക്കാനുള്ളതെന്നാണ് അറിയുന്നത്. തദ്ദേശ തെരഞ്ഞെടുപ്പില്‍ സരിത മത്സരിക്കുമോ എന്നതാണ് എല്ലാവരും ഉറ്റുനോക്കുന്ന മറ്റൊന്ന്. പേരും പ്രശസ്തിയും വര്‍ദ്ധിപ്പിക്കാന്‍ സരിതയുടെ മുന്നിലുള്ള പ്രധാന വഴികളിലൊന്നാണ് ടിവി ഷോകളും സീരിയലുകളും.

ചില ചാനലുകളില്‍ സരിത പ്രത്യക്ഷപ്പെടുന്നത് ഇതിന്റെ ഭാഗമായാണെന്നും പറയുന്നു.
ഫോണ്‍ കോളുകള്‍ റിക്കോര്‍ഡ് ചെയ്യുന്ന ബുദ്ധിയും സരിതയ്ക്കുണ്ട്. അത് കൊണ്ട് രാഷ്ട്രീയക്കാര്‍ സരിതയെ ഫോണ്‍ വിളിക്കുന്നത് സൂക്ഷിച്ച് വേണം. ഇല്ലെങ്കില്‍ പണി കിട്ടും. കേരളത്തിലെ രാഷ്ട്രീയക്കാര്‍ സരിതയെ ഏറ്റെടുക്കുമോ എന്നാണ് എല്ലാവരും ഉറ്റുനോക്കുന്നതും. രാഷ്ട്രീയത്തിലേക്ക് ഉടന്‍ തന്നെ കടന്നു വരുമെന്നാണ് സരിത ചിലരോട് പറഞ്ഞിരിക്കുന്നതെന്നാണ് സൂചന. ആറ്റുകാല്‍ പൊങ്കാലയ്ക്ക് സരിത എസ് നായരെ എല്ലാവരും വാര്‍ത്തയാക്കി.

മറ്റ്   പ്രമുഖര്‍ക്കു പോലും കൊടുക്കാത്ത പ്രധാന്യമാണ് മാധ്യമപ്രവര്‍ത്തകര്‍ സരിതയ്ക്ക് നല്‍കിയത്.
ടിവി ഷോകളില്‍ സരിത പങ്കെടുക്കുന്ന പരിപാടികള്‍ക്ക് ഉയര്‍ന്ന റേറ്റിംഗാണ്. ഇതെല്ലാം രാഷ്ട്രീയത്തിലേക്കുള്ള കടന്ന് വരവിന്റെ സൂചനകളാണ്. രാഷ്ട്രീയത്തിലേക്ക് കടന്ന് വന്നാല്‍ മലയാളികള്‍ പിന്തുണയ്ക്കുമെന്നാണ് സരിതയുടെ വിശ്വാസവും. സരിത എസ് നായരെ ജനങ്ങള്‍ എത്രമാത്രം പിന്തുണയ്ക്കുമെന്ന് കാത്തിരുന്നു തന്നെ കാണണം. സരിത രാഷ്ട്രീയത്തിലേക്ക് പ്രവേശിക്കുന്നതിന്റെ പ്രധാന ലക്ഷ്യം എന്തായിരിക്കും? ജനങ്ങളുടെ എത്ര വോട്ടുകള്‍ സരിതയ്ക്ക് കിട്ടും ? ഇത്തരം ചോദ്യങ്ങളാണ് എല്ലാ മലയാളികളുടെയും മനസില്‍ മുഖ്യമായി കടന്ന് പോകുന്നതും. ഏതായാലും സരിതയുടെ രാഷ്ടീയത്തിലേക്കുള്ള കടന്ന് വരവ് മറ്റ് മന്ത്രിമാര്‍ക്ക് എത്രമാത്രം തിരിച്ചടിയാകുമെന്ന് കാത്തിരുന്ന് കാണാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha