ദൈവത്തിന് തുല്യമാണ് എപ്പോഴും കുഞ്ഞുങ്ങള്‍. കുഞ്ഞുങ്ങളെ ലാളിക്കാറാണ് അമ്മമ്മാര്‍ ചെയ്യാറുള്ളത്. കുഞ്ഞുങ്ങള്‍ എന്ത്   വികൃതി ചെയ്താലും അത് കുട്ടിത്തമാണെന്ന് കരുതി യാതൊന്നും ചെയ്യാറില്ല. ചില സമയങ്ങളില്‍ അമ്മമ്മാര്‍ മക്കളെ ഒരുപക്ഷെ ശകാരിച്ചെന്നിരിക്കും. അതുമല്ലെങ്കില്‍ ചെറുതായി ഒരടി കൊടുക്കും. അത് മക്കളുടെ നല്ലതിന് വേണ്ടിയിട്ടാണ്. എന്നാല്‍, സ്വന്തം കുഞ്ഞിന്റെ കൈയ്യില്‍ നിന്നും ഭക്ഷണം അറിയാതെ താഴെ വീണതിന്  അതിക്രൂരമായ ശാരീരികഉപദ്രവം ഏല്‍പ്പിക്കുകയാണ് ഇവിടെ ഒരമ്മ. ദേഷ്യം വന്ന് അമ്മ കുഞ്ഞിനെ താഴെക്ക് വലിച്ചെറിയുകയും നിര്‍ത്താതെ അടി കൊടുക്കുകയും ചെയ്യുന്നു. ഈ ക്രൂര സംഭവം നടന്നത് ചൈനയിലാണ്. ചൈനയില്‍ ഒരു ഫാസ്റ്റ് ഫുഡ് ഔട്ട്‌ലെറ്റില്‍ ഭക്ഷണം കഴിക്കുന്നതിനിടെ അബദ്ധത്തില്‍ കയ്യില്‍ നിന്നും ഭക്ഷണം താഴേ വീണതിനാണ് കുഞ്ഞിനോട് ഈ ക്രൂരമര്‍ദ്ദനം. കുഞ്ഞിനെ താഴെക്ക് വലിച്ചെറിഞ്ഞ അമ്മയെ കണ്ടെത്താനുള്ള ശ്രമത്തിലാണ് ഇപ്പോള്‍ പോലീസ്.

കിഴക്കന്‍ ചൈനയിലെ ഹുബെയ് പ്രവിശ്യയിലെ ഷിയാന്‍ നഗരത്തിലെ ഒരു ലഘുഭക്ഷണ ശാലയിലെ സിസിടിവി ക്യാമറയില്‍ കുഞ്ഞിനെ മര്‍ദ്ദിക്കുന്ന ദൃശ്യങ്ങള്‍ പതിഞ്ഞിട്ടുണ്ട്. ഈ ദൃശ്യങ്ങള്‍ ചൈനയിലൊന്നാകെ വൈറലായതോടെയാണ് അമ്മയെ തേടി പൊലീസ് രംഗത്തിറങ്ങിയിരിക്കുന്നത്. അമ്മ കഴിക്കുന്നതിനിടെ ബീഫ് ബര്‍ഗറുകളിലൊന്ന് എടുക്കാന്‍ കുട്ടി ശ്രമിക്കവെയാണ് അബദ്ധത്തില്‍ അതു താഴേ വീണത്. അത് പെറുക്കി എടുക്കുന്നതിനിടെ അമ്മ കുഞ്ഞിന്റെ മുഖത്ത് അടിക്കുന്നത് ദൃശ്യങ്ങളില്‍ കാണാം. കുഞ്ഞിനെ കസേരയില്‍ നിന്നും തള്ളിയിട്ട് നിലത്തിട്ട് നിര്‍ത്താതെ ചവിട്ടുകയും ചെയ്യുന്നുണ്ട്. ഇതെല്ലാം കടയിലുണ്ടായിരുന്ന സെയില്‍സ് മാന്‍ കണ്ടെങ്കിലും തടയാന്‍ ശ്രമിക്കുന്നില്ല. ഈ ദൃശ്യം സോഷ്യല്‍ മീഡിയയില്‍ ഇപ്പോള്‍ ഏറെ ചര്‍ച്ചയാവുകയാണ്. കുഞ്ഞിന്റെ അമ്മയെ കണ്ടെത്തുന്നതിനുള്ള അന്വേഷണം ശക്തമാക്കിയതായി പോലീസ് അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha