ലോക്ഡൗണ്‍ കാലത്തെ പുതുമയുള്ള ഗൃഹപ്രവേശം, വരന്റെ വീട്ടിലേക്കു വധു കാറോടിച്ചു കയറി...!
ഗ്രാഫിക് ഡിസൈനറായ ചിതലി സ്വദേശി ജിനുവിന്റെയും ഇന്‍ഫോസിസ് ജീവനക്കാരി എറണാകുളം വെളിയനാട് സ്വദേശിനി സനാറ്റയുടെയും വിവാഹം ഇന്നലെയായിരുന്നു. ചോറ്റാനിക്കരയില്‍ വച്ചു നടന്ന താലി കെട്ടിനു ശേഷം, പാലക്കാട്ടു ചിതലിയില്‍ ഉള്ള ജിനുവിന്റെ വീട്ടിലേക്ക്. രാവിലെ എട്ടരയോടെ വിവാഹവേഷത്തില്‍ തന്നെ വധൂവരന്മാര്‍ പുറപ്പെട്ടു.
ആളൊഴിഞ്ഞ നിരത്തിലൂടെ വരന്റെ വീട്ടിലേക്ക് കാറോടിച്ചത് വധു സനാറ്റ ആയിരുന്നു. നവവരനെയും അടുത്തിരുത്തി 130 കിലോ മീറ്ററിലധികം കാറോടിച്ചു വീട്ടിലെത്താന്‍ എടുത്തതു മൂന്നര മണിക്കൂര്‍. വരന്റെ വീട്ടിലേക്ക് സ്വയം കാറോടിച്ചു വന്നതിന്റെ ആവേശത്തിലാണ് വധു . ഇതിനിടെ, പലയിടത്തും പൊലീസ് പരിശോധനയുണ്ടായിരുന്നു. ചിതലിയിലെ വിവാഹവീട്ടില്‍ ജയപ്രകാശിന്റെ സുഹൃത്ത് റിട്ട. എസ്‌ഐ വി.മോഹന്‍ദാസും വിരലിലെണ്ണാവുന്ന ബന്ധുക്കളും മാത്രമാണു സ്വീകരിക്കാനുണ്ടായിരുന്നത്.
ചിതലി കല്ലേങ്കോണം റിട്ട. എസ്‌ഐ കെ.ജയപ്രകാശിന്റെയും കെ.വി.ലളിതയുടെയും മകനാണു ജിനു. സനാറ്റ എറണാകുളം വെളിയനാട് ചീരക്കാട്ടില്‍ റിട്ട.അധ്യാപകന്‍ ബാലകൃഷ്ണന്റെയും ഓമനയുടെയും മകളാണ്.
https://www.facebook.com/Malayalivartha
