തറവാടിയോ, സിങ്കത്തെ പേടിയോ? ആര്യാടന് കള്ളന്മാര്ക്ക് ശുപാര്ശയുമായി വന്നിട്ടില്ലെന്ന് ഋഷിരാജ് സിംഗ്, സിങ്കത്തെ പേടിയെന്ന് സോഷ്യല് മീഡിയ
ഋഷിരാജ് സിങിനെ ആരാധിക്കാത്തവര് ആരുമില്ല. കുട്ടികള്ക്കും മുതിര്ന്നവര്ക്കും മാതൃക തന്നെയാണ് ഋഷിരാജ് സിങ്. സോഷ്യല് മീഡിയയില് പോലും ഇപ്പോള് താരം ഋഷിരാജ് സിങാണ്. ഋഷിരാജ് സിങ് മറ്റൊരാളെ പുകഴ്ത്തി പറയുന്നത് തന്നെ വലിയ അത്ഭുതമാണ് പലര്ക്കും. പ്രത്യേകിച്ച് ഒരു മന്ത്രിയും കൂടിയാണെങ്കിലോ. തീര്ച്ചയായും അതിശയിക്കും. കഴിഞ്ഞദിവസം മലപ്പുറത്ത് നടന്ന പരിപാടില് പങ്കെടുക്കവേയാണ് ഋഷിരാജ്് ആര്യാടന് മുഹമ്മദിനെ പുകഴ്ത്തി പറഞ്ഞത്. പല പ്രമുഖരുടേയും വൈദ്യുതി മോഷണം പിടിച്ചെങ്കിലും അവര്ക്ക് വേണ്ടി ശുപാര്ശയുമായി ഒരിക്കല് പോലും ആര്യാടന് മുഹമ്മദ് വന്നിട്ടില്ലെന്നാണ് ഋഷിരാജ് സിങ് പറയുന്നത്.
മുമ്പ് ഗതാഗത വകുപ്പിലാകുമ്പോഴും ആര്യാടന് തന്റെ പ്രവര്ത്തനങ്ങളില് ഇടപെട്ടിട്ടില്ലത്രെ. ഇങ്ങനെയുള്ള ആര്യാടന് മുഹമ്മദ് തറവാടിയാണെന്നും സിങ് പറഞ്ഞു. ഗതാഗത വകുപ്പ് തിരുവഞ്ചൂര് രാധാകൃഷ്ണന്റെ കീഴില് എത്തിയപ്പോള് ഋഷിരാജുമായി മന്ത്രി ഉടക്കിയിരുന്നു. മന്ത്രിമാരുടെ വാഹനത്തിന് സ്പീഡ് നിയന്ത്രണം വേണമെന്ന് പറഞ്ഞതോടെയാണ് തിരുവഞ്ചൂരുമായി ഋഷിരാജ് ഉടക്കിയത്. പിന്നീടാണ് കെഎസ്ഇബിയിലെ ചീഫ് വിജിലന്സ് ഓഫീസറായി നിയമിതനാകുന്നതും. ആര്യാടനെ സിങ് പുകഴ്ത്തുന്നതില് എന്തെങ്കിലും ഉദേശമുണ്ടോ എന്നാണ് പലരും ചോദിക്കുന്നതും.
വൈദ്യുതി മന്ത്രിയാണെങ്കിലും തന്റെ ദൗത്യങ്ങളില് ഇടപെടല് നടത്താന് ആര്യാടന് മുഹമ്മദ് തയ്യാറാക്കുന്നില്ലെന്നതാണ് സിങിനെ സന്തോഷിപ്പിക്കുന്നത്. സിങ് കെഎസ്ഇബി ചീഫ് വിജിലന്സ് ഓഫീസര് ആയ ശേഷം നിരവധി ഉന്നതരുടെ വൈദ്യുതി മോഷണം പിടികൂടിയിരുന്നു. സാധാരണ ഗതിയില് ഉന്നതരെ തൊടുമ്പോള് രാഷ്ട്രീയക്കാര് ഇടപെടുന്നത് പതിവാണ്. എന്നാല് ബോര്ഡിന് നഷ്ടംവരുത്തുന്ന വിധത്തില് പ്രവര്ത്തിക്കുന്നവരോടെ കാരുണ്യം വേണ്ടെന്ന നിലപാടാണ് ആര്യാടന് പൊതുവില് സ്വീകരിച്ചു വരുന്നതെന്നും സിങ് പറഞ്ഞു. ഏതായാലും കെഎസ്ഇബിയുടെ ചീഫ് വിജിലന്സ് ഓഫീസറായി നിയമിതനായ സിങ് തന്റെ ഇപ്പോഴത്തെ ജോലിയില് തൃപ്തനാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha