പീഡിപ്പിക്കുന്നത് സ്വന്തമായി തന്നെ റിക്കോര്‍ഡ് ചെയ്ത ശേഷം ആ ചെറുപ്പക്കാരന്‍ ആസ്വദിച്ചു. ആസ്വദിച്ചെങ്കിലും അവസാനം എത്തിച്ചേര്‍ന്നത് ജയിലില്‍. അബോധാവസ്ഥയിലുളള രോഗികളെ ലൈംഗികമായി ദുരുപയോഗം ചെയ്ത ഇരുപത്തി ഒന്‍പതുകാരനാണ് കോടതി നീണ്ട തടവ് നല്‍കിയത്. ബ്രിട്ടനിലെ ഓക്‌സ്‌ഫോഡിലെ ജോണ്‍ റാഡ്ക്ലിഫ് ഹോസ്പിറ്റലിലാണ് മെയ്ല്‍ നഴ്‌സായ ആന്‍ഡ്ര്യൂ ഹച്ചിസണ്‍ എന്ന ചെറുപ്പക്കാരന്‍ പെണ്‍കുട്ടികളേയും യുവതികളേയും ബലാല്‍സംഗം ചെയ്യുകയും രംഗങ്ങള്‍ ക്യാമറയില്‍ പകര്‍ത്തുകയും ചെയ്തത്.

ആശുപത്രിയിലെ മെഡിക്കന്‍ ക്യാമറ മോഷ്ടിച്ച് സ്ത്രീകളുടെ അടിവസ്ത്രം പകര്‍ത്തിയ കുറ്റവും ഇയാള്‍ക്കെതിരേ ചുമത്തിയിട്ടുണ്ട്. ആശുപത്രിയ്ക്ക് പുറത്ത് വച്ചും ഇത് തുടര്‍ന്നു. 2013 നവംബറിലാണ് ഇയാളെ പൊലീസ് അറസ്റ്റ്ചെയ്തത്. ഒക്‌സ്‌ഫോഡ്‌ഷെയറിലെ വൈല്‍ഡെര്‍നസ് ഫെസ്റ്റിവലില്‍ പാരാമെഡിക് വൊളണ്ടിയറായി പ്രവര്‍ത്തിക്കുന്നതിനിടെ വൈദ്യ പരിശോധനയ്‌ക്കെത്തിയ രണ്ടു സ്ത്രീകളെ അനാവശ്യമായി തൊട്ടുതടവിയ കുറ്റവും ഇയാള്‍ക്കെതിരേയുണ്ട്.

പ്രതിയുടെ വീട്ടില്‍ നിന്നും കൂടുതല്‍ തെളിവുകള്‍ കിട്ടിയതായി പോലീസ് പറഞ്ഞു. മൊബൈല്‍ ഫോണ്‍, കമ്പ്യൂട്ടര്‍, മെമ്മറി സ്റ്റിക്കുകള്‍ എന്നിവകളിലായി നിരവധി പീഡന വീഡിയോകളും മോശം ചിത്രങ്ങളും പൊലീസ് പിടിച്ചെടുത്തിരുന്നു. കുട്ടികളെ തെറ്റായ രീതിയില്‍ ചിത്രീകരിച്ച 1786 ഫോട്ടോകളാണ് ഇയാളില്‍ നിന്നും പോലീസ് പിടികൂടിയത്.

അബോധാവസ്ഥയിലായിരുന്നതിനാല്‍ തങ്ങള്‍ ലൈംഗിക പീഡനത്തിന് ഇരയാക്കപ്പെട്ടിട്ടുണ്ടോ എന്നറിയില്ലെന്നാണ് പലരും പോലീസിനോട് പറഞ്ഞത്. ആന്തരാവയവങ്ങളുടെ പരിശോധനയ്ക്കായി ഉപയോഗിക്കുന്ന മെഡിക്കന്‍ ക്യാമറകള്‍ മോഷ്ടിച്ചാണ് ഇയാള്‍ ഇരകളുടെ നഗ്‌നത ചിത്രീകരിച്ചിരുന്നത്. ഒക്‌സ്‌ഫോഡ്‌ഷെയറിലെ വൈറ്റ് ഹോഴ്‌സ് ലെയ്ഷര്‍ സെന്ററിലെ സ്ത്രീകള്‍ വസ്ത്രം മാറുന്ന മുറികള്‍ക്കടുത്ത് ചുറ്റിക്കളിക്കുന്നത് കയ്യോടെ പിടികൂടിയ സ്ത്രീകളുടെ പരാതിയിലാണ് ഇയാള്‍ 2013ല്‍ അറസ്റ്റിലായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha