ഫേസ് ബുക്കിലൂടെ ഇനി വിവാഹ മോചനവും... കോടതി അംഗീകാരത്തോടെ ആദ്യ വിവാഹമോചനം
എത്രയോ പ്രേമങ്ങള് തളിരിട്ട് വിവാഹത്തില് കൊണ്ടെത്തിക്കുന്നതില് ഫേസ്ബുക്ക് വഹിച്ച പങ്ക് വളരെ വലുതാണ്. വിവാഹ കാര്യത്തിലെന്ന പോലെ വിവാഹ മോചനത്തിലും ഇനി ഫേസ് ബുക്കിന് അംഗീകാരം. മുങ്ങി നടക്കുന്ന ഭര്ത്താവില് നിന്നു വിവാഹം മോചനം തേടാന് ഭാര്യയ്ക്ക് ഫേസ്ബുക്ക് ഉപയോഗിക്കാമെന്നാണ് അമേരിക്കന് കോടതി നിര്ദ്ദേശം നല്കിയത്. മാന്ഹട്ടന് സുപ്രീം കോടതി ജസ്റ്റിസ് മാത്യാ കൂപ്പറാണ് 26കാരിയായ എലനോറ ബയ്ദൂവിന് തന്റെ ഭര്ത്താവ് വിക്ടര് സെന ബ്ലഡ്സരാകുവിന് വിവാഹ മോചന കത്തയക്കാന് ഫേസ്ബുക്ക് മെസഞ്ചര് ഉപയോഗപ്പെടുത്താമെന്ന് വിധിച്ചത്.
2009ലെ വിവാഹ ചടങ്ങുകള്ക്കു ശേഷം മുങ്ങിയ ഭര്ത്താവ് വിക്ടര് ഫോണിലൂടെയും ഫേസ്ബുക്കിലൂടെയും മാത്രമെ ഭാര്യ ബയ്ദൂവുമായി ബന്ധപ്പെട്ടിട്ടുള്ളൂ. ഇയാളുടെ അവസാന സ്ഥിര വിലാസമായിരുന്ന അപ്പാര്ട്ട്മെന്റ് 2011ല് തന്നെ ഒഴിഞ്ഞിട്ടുണ്ട്. സ്ഥിരവിലാസമില്ലാത്തതിനാല് വിവാഹ മോചന പത്രം അയക്കാന് പ്രായോഗിക തടസ്സങ്ങളുണ്ടായ സാഹചര്യത്തിലാണ് ഈ ആവശ്യത്തിനും ഫേസ്ബുക്ക് മെസഞ്ചര് ഉപയോഗപ്പെടുത്താമെന്ന് കോടതി നിര്ദ്ദേശിച്ചത്.
ആഴ്ചയില് ഒരു മെസേജ് വീതം മൂന്ന് ആഴ്ച തുടര്ച്ചയായോ അല്ലെങ്കില് എലനോറയുടെ ഭര്ത്താവ് മെസേജ് ലഭിച്ചതായി സമ്മതിക്കുകയോ ചെയ്യുന്നതു വരെ മെസേജ് അയക്കാനാണ് കോടതി നിര്ദ്ദേശിച്ചിരിക്കുന്നത്. ആദ്യ മെസേജ് ഇതിനകം അയച്ചെങ്കിലും മറുപടിയൊന്നും ലഭിച്ചിട്ടില്ല.
2009ല് സിവില് സെറിമണിയില് വിവാഹിതരായ ഇരുവരും പരമ്പരാഗത ഘാന വിവാഹ ചടങ്ങുകളും നടത്താമെന്ന് സമ്മതിച്ചതായിരുന്നു. എന്നാല് പിന്നീട് വിക്ടര് കാലുമാറ്റിയതോടെയാണ് ഇരുവരുടെയും ബന്ധത്തില് വിള്ളലുണ്ടായത്. വിവാഹ ചടങ്ങുകള് പൂര്ത്തിയായതുമില്ല. ഇരുവരും ഇതുവരെ ഒരുമിച്ച് കഴിഞ്ഞിട്ടുമില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha