താന്‍ കട്ടത് 25,000മല്ല 750 രൂപയാണെന്ന് സത്യാവസ്ഥ വെളിപ്പെടുത്തികൊണ്ട് ഭകതജനങ്ങള്‍ക്ക് കള്ളന്റെ തുറന്ന കത്ത്. ക്ഷേത്രത്തില്‍ നിന്ന് താന്‍ മോഷ്ടിച്ചത് 750 രൂപയാണെന്ന് കാണിച്ചുകൊണ്ടായിരുന്നു കള്ളന്റെ കത്ത്. ഒന്നരമാസം മുമ്പ് മുല്ലക്കരയിലെ ഒരു ക്ഷേത്രത്തിലാണ് മോഷണം നടന്നത്. ക്ഷേത്ര സ്‌റ്റോര്‍ റൂം കുത്തിത്തുറന്ന് അവമാരയില്‍ സൂക്ഷിച്ചിരുന്ന 25,000 രൂപയാണ് മോഷണം പോയതെന്നാണ് ക്ഷേത്ര ഭരണ സമിതി പോലീസില്‍ പരാതി നല്‍കിയത്. ഇതറിഞ്ഞ മോഷ്ടാവ് ഇതിന്റെ സത്യാവസ്ഥ ജനങ്ങളെ അറിയിക്കാനായി ക്ഷേത്ര ഭണ്ഡാരത്തില്‍ നിക്ഷേപിച്ചു. താന്‍ മോഷ്ടിച്ചത് 25000 രൂപയല്ല മറിച്ച് 750 രൂപ മാത്രമാണെന്ന് കത്തില്‍ പറയുന്നു. ആഴാചയില്‍ ഭണ്ഡാരം തുറന്ന് കണക്കെടുപ്പ് നടത്താറുണ്ടായിരുന്നു. കഴിഞ്ഞ ദിവസം ഭണ്ഡാരം തുറന്നപ്പോഴാണ് കള്ളന്റെ കത്ത് ശ്രദ്ധയില്‍പ്പെട്ടത്.കത്ത് കൂടുതല്‍ അന്വേഷണങ്ങള്‍ക്കായി പോലീസിനെ ഏല്‍പ്പിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha