കടത്ത് സ്വര്ണം പിടിച്ചാല് പ്രയോജനം സര്ക്കാരിന്; എന്നാലും പിടിക്കില്ല; സര്ക്കാര് ഖജനാവ് നിറച്ചിട്ടെണ്ടന്തും കാര്യം? കടത്തു സ്വര്ണം പിടിക്കേണ്ട ഉത്തവദിത്വത്തില് നിന്നും ഒഴിയും; എല്ലാത്തിലും രാഷ്ട്രീയം; ഇതൊക്കെ ആര്ക്ക് വേണ്ടി ?
ധനമന്ത്രി തോമസ് ഐസക്കിന്റെ വാക്കുകള് തന്നെ എടുത്താല് ഇന്ത്യയിലേയ്ക്കുള്ള സ്വര്ണ്ണക്കള്ളക്കടത്ത് പ്രതിവര്ഷം 200-250 ടണ്. ഇതില് കേരളം വഴിയുള്ളത് 30- 37 ടണ് വരും. ഇതിനുപുറമേ മറ്റു സംസ്ഥാനങ്ങള് വഴിയുള്ള കള്ളക്കടത്തിന്റെ ചെറുതല്ലത്തൊരു പങ്ക് കേരളത്തിലേയ്ക്ക് എത്തുന്നു. ഇവയില് നല്ല പങ്കും കേരളത്തിലെ ജ്വല്ലറികളിലാണ് അവസാനമായി എത്തുന്നത് എന്നാണ്. ഈ കള്ളക്കടത്തു സ്വര്ണം പിടിച്ചാല് നിറയുന്നത് സര്ക്കാര് ഖജനാവ് തന്നെയാണെന്ന സത്യം പക്ഷേ തോമസ് ഐസക് പറയുന്നില്ല. 95 ശതമാനം കേസുകളിലും കടത്തല് സ്വര്ണം നിയമനടപടികള് പൂര്ത്തിയായശേഷം എത്തുന്നത് സര്ക്കാര് ഖജനാവിലേക്കാണ്. അഞ്ചു ശതമാനം കേസുകളില് മതിയായ കാരണങ്ങളുണ്ടെങ്കില് നികുതിയും പിഴയും ഈടാക്കി സ്വര്ണം വിട്ടുനല്കുന്നത്.
വിദേശത്തുനിന്ന് കൊണ്ടുവരാന് അനുവാദമുള്ള അളവിലുള്ള സ്വര്ണമാണ് ലഗേജിലുള്ളതെങ്കിലും ചിലര് കസ്റ്റംസിനോട് വെളിപ്പെടുത്താറില്ല. ഇത്തരം കേസുകള് പിടികൂടുമ്പോഴാണ് നികുതിയും പിഴയും ഈടാക്കി സ്വര്ണം വിട്ടുനല്കുന്നത്. ഉരുക്കിയും ഒളിപ്പിച്ചും കടത്തുന്ന കേസുകളില് സ്വര്ണം വിട്ടു നല്കില്ല. ആറു മാസം തുടര്ച്ചയായി വിദേശത്തു താമസിച്ചവര്ക്ക് ഒരു കിലോവരെ സ്വര്ണം നികുതിയടച്ച് വിമാനത്താവളത്തിനു പുറത്തേക്കു കൊണ്ടു പോകാം. കസ്റ്റംസ് കൗണ്ടറില് സ്വര്ണത്തിന്റെ അളവ് വെളിപ്പെടുത്തി ബാഗേജ് ഡ്യൂട്ടി അടയ്ക്കണം. വിദേശ കറന്സിയിലാണെങ്കില് ഇവിടുത്തെ നികുതിക്കൊപ്പം സോഷ്യല് വെല്ഫെയര് സെസും ചേര്ത്ത് 13.75 ശതമാനം ഡ്യൂട്ടി അടച്ചാല് മതി. വിദേശ കറന്സിയില് അല്ലെങ്കില് സോഷ്യല് വെല്ഫെയര് സെസ് അടക്കം 38.5 ശതമാനം ബാഗേജ് ഡ്യൂട്ടി അടയ്ക്കണം.
ഒരു കിലോയ്ക്കു മുകളില് സ്വര്ണമുണ്ടെന്നു വെളിപ്പെടുത്തിയാല് അധികൃതര് പരിശോധിച്ച് സാഹചര്യങ്ങള്ക്കനുസരിച്ച് നടപടിയെടുക്കും. കൂടുതലുള്ള സ്വര്ണം പിടിച്ചെടുക്കുകയോ പിഴ ഈടാക്കി വിട്ടു നല്കുകയോ ചെയ്യാം. ഒരു കിലോ സ്വര്ണമോ അതിനു മുകളിലോ ആണെങ്കില് സാധാരണ രീതിയില് ആരും വെളിപ്പെടുത്താറില്ലെന്നു കസ്റ്റംസ് പറയുന്നു. നിലവിലെ വില അനുസരിച്ച് ഒരു കിലോ സ്വര്ണം കടത്തുമ്പോള് അഞ്ചു ലക്ഷംരൂപയാണ് കടത്തുകാരുടെ ലാഭം. ഒരു വര്ഷം വിദേശത്ത് താമസിച്ചവര് നാട്ടിലേക്കു വരുമ്പോള് പുരുഷനാണെങ്കില് 50,000രൂപയുടെ സ്വര്ണാഭരണങ്ങളും സ്ത്രീകളാണെങ്കില് ഒരു ലക്ഷംരൂപയുടെ സ്വര്ണാഭരണങ്ങളും കൊണ്ടുവരാം. കടത്തുകാരില്നിന്ന് പിടികൂടുന്ന സ്വര്ണം കേസ് അവസാനിക്കുന്നത് അനുസരിച്ച് കേന്ദ്ര സര്ക്കാരിനു കൈമാറും. സര്ക്കാരിനു ആവശ്യമുള്ളപ്പോള് ഈ സ്വര്ണം ഉപയോഗിക്കും.
എന്നാല് ഇത്തരത്തില് രേഖകളില്ലാതെ സ്വര്ണം രാജ്യത്ത് എത്തിക്കുന്നതിനാണ് ബി.ജെ.പിക്ക് താല്പര്യമെന്ന് കുറ്റപ്പെടുത്താനാണ് തോമസ് ഐസക്ക് ശ്രദ്ധിക്കുന്നത്. എന്തുകൊണ്ടാണ് തങ്ങള് നികുതി വെട്ടിപ്പിനും സ്വര്ണ്ണ കള്ളക്കടത്തിനും കൂട്ടുനില്ക്കുന്നത് എന്തിനെന്നു വ്യക്തമാക്കേണ്ട ചുമതല ബി.ജെപിക്കുണ്ടെന്നാണ് അദ്ദേഹത്തിന്റെ കുറ്റപ്പെടുത്തല്. ഇതിന് പുറമേ സ്വര്ണത്തിന് നികുതി വര്ധിപ്പിച്ച കണക്ക് നിരത്തിയാണ് സംസ്ഥാന സര്ക്കാര് നിഷ്പക്ഷരാണെന്ന് അദ്ദേഹം പറയുന്നത്. സംസ്ഥാനത്തെ സ്വര്ണ നികുതി വരുമാനം 2018-19ല് 630 കോടി രൂപയെന്നത് 2019-20ല് 758 കോടി രൂപയായി വര്ധിച്ചിട്ടുണ്ടെന്നും അദ്ദേഹം പറയുന്നു.
https://www.facebook.com/Malayalivartha